កីឡា
ជើងឯកម៉ុងហ្គោលី Erdene មកដល់កម្ពុជា យប់មិញត្រៀមប្រកួតដណ្តើមខ្សែក្រវាត់
កីឡាករម៉ុងហ្គោលី Bat Erdene បានធ្វើដំណើរមកដល់ប្រទេសកម្ពុជាយប់មិញដើម្បីចូលរួមប្រកួតដណ្តើមខ្សែក្រវាត់គុនខ្មែរម៉ារ៉ាតុង IPCC ទម្ងន់៦៣.៥គីឡូក្រាម នៅថ្ងៃអាទិត្យ ទី៣១ ខែមីនា ឆ្នាំ២០២៤ នៅសង្វៀនថោន។
កីឡាករ Bat Erdene អាចជាបេក្ខភាពឈានមុខក្នុងការប្រជែងជើងឯកគុនខ្មែរម៉ារ៉ាតុងដែលមានកីឡាករមកពី៣ប្រទេសផ្សេងទៀត។ កីឡាករម្ចាស់ផ្ទះ ចាន់ រតនា កីឡាករចិន Ke Jing Jun និងកីឡាករមីយ៉ាន់ម៉ា Aem We ដែលត្រូវប្រជែងជាមួយជើងខ្លាំងម៉ុងហ្គោលី។
បើនិយាយពីសមត្ថភាពរបស់បេក្ខភាពទាំង៤រូប កីឡាករចិន និងកីឡាករមីយ៉ាន់ម៉ាមិនសូវដឹងច្បាស់ទេ ប៉ុន្តែ ចាន់ រតនា ជាកីឡាករដ៏ល្អម្នាក់ដែលមានជំនាញទាំងគុនខ្មែរ និងគុនចម្រុះ។ បែបណាក្តី រូបគេខានប្រកួតគុនខ្មែរច្រើនឆ្នាំហើយ។ ជាងនេះទៀតនោះ ការប្រកួតគុនចម្រុះ រូបគេក៏មិនសូវបានប្រកួតញឹកញាប់ដែរ ដូច្នេះទាំងកម្លាំងស៊ុហ្វ និងអាវុធអាចមិនមានប្រសិទ្ធភាពខ្លាំងដូចពេលកំពុងពេញប្រកួត។
ចំពោះ Bat Erdene ជាកីឡាករលំដាប់ A នៅប្រទេសម៉ុងហ្គោលីដែលមានខ្សែក្រវាត់ច្រើនគ្រឿងទាំងខ្សែក្រវាត់ថ្នាក់ជាតិ និងអន្តរជាតិ។ រូបគេទើបតែបានឈ្នះខ្សែក្រវាត់កម្រិតពិភពលោក I-1 GP24: Supreme បន្ទាប់ពីបានយកឈ្នះកីឡាករអាហ្វ្រិកខាងត្បូង Gomba Ncedo កាលពីថ្ងៃទី១២ ខែមីនា ឆ្នាំ២០២៤ នៅទីក្រុងហុងកុងជាកន្លែងដែលជើងខ្លាំង ឈឿង ល្វៃ ឈ្នះខ្សែក្រវាត់នៅទីនោះដែរ។ ដៃគូរបស់គេគឺកីឡាករ Gomba Ncedo ធ្លាប់ចាញ់ពិន្ទុ លន បញ្ញា។
Bat Erdene មានកម្លាំងស៊ុហ្វល្អ ក្បាច់ប្រយុទ្ធគឺកណ្តាប់ដៃឆ្វេង និងទាត់ជើងឆ្វេង។ ជាពិសេសទៀតនោះ រូបគេស៊ូធន់មិនងាយបាក់ស្រុតទេ។ រូបគេមានបទពិសោធច្រើនសម្រាប់ការប្រកួតនៅប្រទេសថៃ។
តាមព័ត៌មានដែលបានចេញលើបណ្តាញទំនាក់ទំនងសង្គម រូបគេមានខ្សែក្រវាត់មួយថៃពិភពលោក WMO ខ្សែក្រវាត់ ISKA អន្តរជាតិ និងចុងក្រោយបំផុតខ្សែក្រវាត់កម្រិតពិភពលោក I-1 GP24: Supreme៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ