ជីវិតកម្សាន្ដ

ខាត់ សុឃីម ស្នើអ្នកសិល្បៈត្រូវចេះសហការគ្នាឲ្យល្អ ធ្វើជាគំរូដល់អ្នកជំនាន់ក្រោយ

បានផុស

២ years មុន

នៅ

ថ្ងៃសុក្រ ៣ ឧសភា ២០២៤

ដោយ

តារាស្រីជើងចាស់ពហុជំនាញអ្នកនាង ខាត់ សុឃីម បានចេញមកអំពាវនាវដល់អ្នកសិល្បៈមួយចំនួនត្រូវចេះសហការគ្នាឲ្យបានល្អដើម្បីធ្វើជាគំរូដល់អ្នកជំនាន់ក្រោយ ខណៈដែលមួយរយៈចុងក្រោយនេះគេសង្កេតឃើញសិល្បៈខ្មែរមួយចំនួនបានផ្ទុះរឿងរ៉ាវខ្វែងគំនិតគ្នា និងយកបណ្តាញសង្គមហ្វេសប៊ុកធ្វើជាវេទិកា រិះគន់ដោយមិនសំចៃមាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការលើកឡើងរបស់តារាស្រីអ្នកនាង ខាត់ សុឃីម នេះដែរបានធ្វើឲ្យអ្នកគាំទ្រនាងជាច្រើនយល់ថា ជារឿងដ៏ល្អសម្រាប់អ្នកសិល្បៈបច្ចុប្បន្ន ដោយក្នុងនោះមានការលើកឡើងដែរថា «ខាត់ សុឃីម តែងតែផ្តល់ភាពជាគំរូសូម្បីក្នុងស្ថានភាពសិល្បៈកង្វះភាពសាមគ្គី និងរងវិបត្តិរាប់សិបជំនាន់មកហើយក្តី»។

ខ្លឹមសារដែលអ្នកនាង ខាត់ សុឃីម បានទម្លាយយ៉ាងដូច្នេះថា «យើងរស់ជាសិល្បៈមួយក្តាប់តូច យើងអាចបិតភ្នែកមួយចំហៀង បើកមួយចំហៀង ដើម្បីផ្លូវរកស៊ីរបស់យើងទៅមុខ ស្តាប់រឿងល្អយកមកជាមេរៀន រឿងមិនល្អបោះចោលឈប់ពិបាកចិត្តទៅ កនយើងអ្នកណារកអី្វជួយគ្នាសហការគ្នាឲ្យល្អជាគំរូសម្រាប់ប្អូនៗជំនាន់ក្រោយ»។

ការលើកឡើងរបស់តារាពហុជំនាញរូបនេះក៏ត្រូវបានលោកជំទាវចិត្តធម៌ ហ៊ុន ស៊ីណាត ចូលមកបញ្ចេញមតិគាំទ្រថា «ពិតជាត្រឹមត្រូវហើយកូន អ្នកសិល្បៈជាគំរូដល់ក្មេងៗតែបើមើលទៅសិល្បៈខ្លះៗហែកហួរតែគ្នាអាណាយកវាធ្វើគំរូបើចរិតអញ្ចឹងៗនោះ។ ម្យ៉ាងទៀតម៉ែនេះ ចង់ដើរឲ្យឆ្ងាយកុំឲ្យឃើញ»។

ទោះបីយ៉ាងណាអ្នកនាង ខាត់ សុឃីម បច្ចុប្បន្នត្រូវបានគេកត់សម្គាល់ថា នាងជាតារាស្រីពហុជំនាញរបស់ខ្មែរមួយរូបដែលកំពុងតែទទួលបានផ្លែផ្កាជោគជ័យលើមុខជំនួញផ្ទាល់ខ្លួនក៏ដូចជាអាជីពសិល្បៈទាំងសម័យ និងបុរាណជាដើម។

តាមរយៈសកម្មភាពនេះអាចចាត់ទុកថា ជាជោគជ័យដ៏ធំរបស់អ្នកនាង ខាត់ សុឃីម បន្ថែមទៀតបន្ទាប់ពីអាជីពសិល្បៈរបស់នាងបច្ចុប្បន្នកំពុងមមាញឹកនៅតាមបណ្តាកម្មពិធីមង្គលការមួយចំនួនហើយនាងក៏នៅតែរក្សាបានសន្ទុះនៃការគាំទ្រ និងមានប្រជាប្រិយភាពខ្លាំងមិនចាញ់មិត្តភក្តិរួមជំនាន់ឡើយ៕

អត្ថបទ៖ ចាន់រ៉ា