មនុស្ស៣នាក់ ​ត្រូវ​រន្ទះបាញ់​បណ្ដាលឱ្យ​រងរបួស​នៅ​ស្រុកសំពៅលូន

បាត់ដំបង ៖ នា​ថ្ងៃទី៦ ខែឧសភា ឆ្នាំ២០២៤ វេលាម៉ោង​ប្រមាណ៣និង០៥នាទីល្ងាច មានភ្លៀងធ្លាក់មួយមេធំ លាយឡំនឹង​រន្ទះ បានបាញ់​មនុស្ស៣នាក់​បណ្ដាល​ឱ្យ​រងរបួស​ធ្ងន់បញ្ជូន​ទៅព្យាបាលនៅមន្ទីរពេទ្យ។

ហេតុការណ៍នេះបានកើត​ឡើង នៅចំណុចចំការ​ស្វាយ​ស្ថិតនៅ​ក្នុងភូមិ តា​ស្តា ឃុំ តា​ស្តា ស្រុក​សំពៅ​លូន ខេត្តបាត់ដំបង ​ពលរដ្ឋ​ដែលត្រូវរន្ទះបាញ់នោះមាន​​ឈ្មោះ​ដូចខាងក្រោម​។​

១.​ឈ្មោះ ហាច ធី ភេទ ស្រី អាយុ ១៦ឆ្នាំ មាន​ទីលំនៅ ភូមិ តា​ស្តា ឃុំ​តា​ស្តា ស្រុក​សំពៅ​លូន ខេត្តបាត់ដំបង។​

២.​ឈ្មោះ ព្រុំ គី​ម៉ើ​យ ភេទ ស្រី អាយុ៨ឆ្នាំ មាន​ទីលំនៅ​ភូមិ ត្រ​ពាំ​ព្រលិត ឃុំ​សន្តិភាព ស្រុក​សំពៅ​លូន ខេត្ត​ដំបង​។​

៣,​ឈ្មោះ ឡុ​ច ស្រី​ពៅ ភេទ ស្រី អាយុ​៤៨​ឆ្នាំ មាន​ទីលំនៅ​ភូមិ តា​ស្តា ឃុំ តា​ស្តា ស្រុក​សំពៅ​លូន ខេត្តបាត់ដំបង។

បច្ចុប្បន្ន​កំពុង​ព្យាបាល​នៅ​មន្ទីរ​ពេទ្យ​ភូមិភាគ ៥ ស្រុក​សំពៅ​លូន ដោយ​បច្ចុប្បន្ន​អាការៈ ដឹងខ្លួន រួចផុត​គ្រោះថ្នាក់​ហើយ៕

អត្ថបទ ៖ សោ និយម​រ័ត្ន