សន្តិសុខសង្គម
ទុស្សេខ្សែភ្លើង ឆេះស្ថានីយលក់ប្រេងសាំង និងហ្គាស មួយកន្លែង នៅឃុំស្រយ៉ង់ ខូចខាតទ្រព្យសម្បត្តិជាង ២០ ម៉ឺនដុល្លារ
មានហេតុការណ៍ទុស្សេខ្សែភ្លើងមួយបានកើតឡើង បណ្ដាលឲ្យឆេះស្ថានីយលក់ប្រេងសាំង,ហ្គាស និង ម៉ាកយីហោ ឡុង ស៊ីម ខូចខាតទ្រព្យសម្បត្តិអស់ជាង ២០ ដុល្លារ តែមិនឆេះស៊ីទែនហ្គាស។
ហេតុការណ៍ខាងលើនេះបានកើតឡើង កាលពីវេលាម៉ោង ១៥ និង ៣០ នាទី ថ្ងៃទី ០៦ ខែឧសភា ឆ្នាំ ២០២៤ ត្រង់ចំណុចបេងដូប ក្នុងភូមិបេងដូប ឃុំស្រយ៉ង់ ស្រុកគូលែន ខេត្តព្រះវិហារ។
លោកវរសេនីយ៍ឯក ហោ សេង អធិការនគរបាលស្រុកគូលែន បានឲ្យដឹងនៅព្រឹកថ្ងៃទី ០៧ ឧសភា នេះថា ដោយមានការចង្អុលបង្ហាញពីលោកឧត្ដមសេនីយ៍ស្នងការនគរបាលខេត្តព្រះវិហារ លោកបានចុះប្រតិបត្តិការដោយផ្ទាល់ ហើយហេតុការណ៍នេះកើតឡើងដោយសារទុស្សេខ្សែភ្លើង បណ្ដាលឲ្យឆេះស្ថានីយសាំង និងតូបចាប់ហួយជាច្រើនមុខ តែមិនឆេះស៊ីទែនហ្គាសទេ។
លោកបានឲ្យដឹងទៀតថា នៅក្នុងហេតុការណ៍នោះ កម្លាំងសមត្ថកិច្ចស្រុកគូលែន បានបញ្ជូនឡានទឹកស្រុកគូលែន ១ គ្រឿង ,ឡានទឹកស្រុកស្វាយលើ ១ គ្រឿង ,ឡានទឹកស្រុកត្បែងមានជ័យ ១ គ្រឿង ,ឡានទឹកស្រុកជាំក្សាន្ត ១ គ្រឿង ,ឡានទឹកស្នងការនគរបាលខេត្ត ១ គ្រឿង និង ឡានទឹកអាជ្ញាធរប្រាសាទកោះកេរ ១ គ្រឿង បានប្រឹងប្រែងជួយអន្តរាគមន៍រលត់ជាស្ថាពរ កាលពីវេលាម៉ោង ១៧ និង ៣០ នាទី ថ្ងៃដដែល។
លោកបញ្ជាក់ថា ករណីនេះបណ្តាលឲ្យរបួសម្ចាស់ស្ថានីយ ឈ្មោះ ឡុង ស៊ីម កំពុងសម្រាកព្យាបាលនៅមន្ទីរពេទ្យខេត្តសៀមរាប។
លោកអធិការបញ្ជាក់បន្ថែមថា ករណីគ្រោះអគ្គិភ័យនេះ បើតាមការបូកសរុបជាមួយម្ចាស់ស្ថានីយ បណ្តាលឲ្យខូចខាតទ្រព្យសម្បត្តិអស់ជាង ២០ ម៉ឺនដុល្លារ៕
អត្ថបទ ៖ ជុន កុសល
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង