សេដ្ឋកិច្ច

សេដ្ឋកិច្ចជប៉ុនរំពឹងថានឹងធ្លាក់ចុះនៅត្រីមាសទី១ ដោយសារការប្រើប្រាស់ធ្លាក់ចុះ

បានផុស

៣ សប្តាហ៍ មុន

នៅ

ថ្ងៃចន្ទ ១៣ ឧសភា ២០២៤

ដោយ

ទិន្នន័យវាស់ស្ទង់របស់ទីភ្នាក់ងារសារព័ត៌មានរ៉យទ័រ បានបង្ហាញថា សេដ្ឋកិច្ចរបស់ប្រទេសជប៉ុនទំនងជាបានធ្លាក់ចុះក្នុងអត្រាប្រចាំឆ្នាំចំនួន ១,៥ ភាគរយ កាលពីត្រីមាសទី១ ឆ្នាំនេះ ខណៈកត្តាជំរុញសំខាន់ៗទាំងអស់នៃកំណើនសេដ្ឋកិច្ច បានធ្លាក់ចុះដោយសារតែទស្សនវិស័យមិនច្បាស់លាស់ ដែលនេះអាចនឹងរាំងស្ទះកិច្ចខិតខំប្រឹងប្រែងរបស់ធនាគារកណ្តាលជប៉ុន ក្នុងការដំឡើងអត្រាការប្រាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យការិយាល័យខុទ្ទកាល័យជប៉ុន ដែលនឹងចេញនៅពាក់កណ្ដាលខែឧសភានេះ រំពឹងថា នឹងបង្ហាញពីការធ្លាក់ចុះនៃសេដ្ឋកិច្ច ដែលអាចស្មើនឹងការធ្លាក់ចុះក្នុងអត្រាប្រចាំខែ ០,៤ ភាគរយ។

ការធ្លាក់ចុះនៃត្រីមាសទី១ឆ្នាំ កើតឡើងក្រោយការធ្លាក់ចុះនៅត្រីមាសចុងក្រោយនៃឆ្នាំ ២០២៣ ដោយសសរស្ដម្ភសំខាន់នៃផលិតផលក្នុងស្រុកសរុបរបស់ជប៉ុនបានដួលរលំ ហើយប៉ះពាល់ដល់ដំណើរការកំណើនសេដ្ឋកិច្ចរបស់ប្រទេសពីខែមករា ដល់ខែឧសភា។

លោក Takeshi Minami ប្រធានសេដ្ឋវិទូនៅវិទ្យាស្ថានស្រាវជ្រាវ Norinchukin ដែលបានព្យាករណ៍ថា សេដ្ឋកិច្ចទាំងមូលនឹងធ្លាក់ចុះក្នុងអត្រាប្រចាំឆ្នាំដល់ ១,២ ភាគរយក្នុងត្រីមាសទី១នេះ បានថ្លែងថា៖ «និន្នាការនៃអ្នកប្រើប្រាស់ នៅតែសន្សំសំចៃខ្លាំង ដោយសារតែការកើនឡើងនៃតម្លៃរស់នៅ ដែលទំនងជាកាន់តែដុនដាបដោយសារតម្លៃប្រាក់យ៉េនធ្លាក់ចុះ»។

ជាមួយគ្នានេះ អត្រាប្រើប្រាស់ឯកជន ដែលរួមចំណែកច្រើនជាង ៥០ ភាគរយសេដ្ឋកិច្ចទំនងជាធ្លាក់ចុះ ០,២ ភាគរយក្នុងត្រីមាសខែមករា-មីនាដដែល ខណៈអ្នកប្រើប្រាស់រឹតបន្តឹងប្រាក់ ដើម្បីទប់ទល់នឹងការឡើងថ្លៃនៃតម្លៃរស់នៅ៕

Related Topics:ប្រទេសជប៉ុន