ព័ត៌មានជាតិ

ព្រឹត្តិការណ៍សហគមន៍២០កុម្ភៈ មនុស្សជាង៦៧០០នាក់ត្រូវបានធ្វើតេស្ត

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

លោកស្រី វេជ្ជបណ្ឌិត យក់សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍នៅព្រឹកថ្ងៃទី២៥នេះថា ចាប់តាំងពីថ្ងៃទី២០រហូតមកដល់ព្រឹកថ្ងៃទី២៥កុម្ភៈនេះ ក្រសួងបានធ្វើតេស្តទៅលើអ្នកជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភៈចំនួន៦៧៧០នាក់ ក្នុងនោះមានអ្នកឆ្លងជំងឺកូវីដ១៩ចំនួន១៩៤នាក់ ស្រី៩៦នាក់ និងប្រុស៩៤នាក់ភាគច្រើនជាជនជាតិចិន។ ការឆ្លងជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈនេះ មានការកើនឡើងយ៉ាងគំហុកពីមួយថ្ងៃទៅមួយថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅព្រឹកថ្ងៃទី២៥នេះ ក្នុងចំណោមអ្នកឆ្លងកូវីដ១៩ថ្មីចំនួន៦៥នាក់ ក្នុងនោះមាន៥៨នាក់ជាករណីឆ្លងក្នុងសហគមន៍នៃ«ព្រឹត្តិការណ៍២០កុម្ភៈ» និងអ្នកជំងឺ៧នាក់ផ្សេងទៀតគឺជាករណីនាំចូលពីក្រៅប្រទេស។

ក្រសួងសុខាភិបាលបានបញ្ជាក់ថា ក្នុងចំណោមអ្នកជំងឺឆ្លងក្នុងសហគមន៍ទាំង៥៨នាក់ មានជនជាតិចិនចំនួន៤១នាក់ វៀតណាម៩នាក់ ខ្មែរ៥នាក់ កូរ៉េម្នាក់ សង្ហិបុរីម្នាក់ និងជប៉ុនម្នាក់។

ចំណែកអ្នកធ្វើដំណើរមកពីក្រៅប្រទេសហើយរកឃើញកូវីដ១៩ ចំនួន៧នាក់វិញ គឺមានជនជាតិខ្មែរម្នាក់ ដែលជាកងទ័ពមួកខៀវ និង៦នាក់ផ្សេងទៀតជាជនជាតិចិននៅខេត្តព្រះសីហនុ។

គួរបញ្ជាក់ថា គិតត្រឹមម៉ោង៧ព្រឹកថ្ងៃទី២៥ ខែកុម្ភៈ ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ ចំនួន៦៩៧នាក់ ក្នុងនោះអ្នកជាសះស្បើយចំនួន៤៧៧នាក់ និងអ្នកកំពុងសម្រាកព្យាបាល នៅមន្ទីរពេទ្យមានចំនួន២១៧នាក់៕

អត្ថបទ ៖ សំអឿន