ជីវិតកម្សាន្ដ

តារាម៉ូដែលកែភេទដ៏ស្រស់ស្អាតបំផុតនៅ ថៃ បង្ហាញខ្លួនជាមួយស្វាមីក្នុងកម្មវិធីសាធារណៈ

បានផុស

១ year មុន

នៅ

ថ្ងៃសុក្រ ១៧ ឧសភា ២០២៤

ដោយ

តារាម៉ូដែល Nong Poy ដែលត្រូវបានទទួលស្គាល់ថាជាអ្នកកែភេទដ៏ស្រស់ស្អាតបំផុតរបស់ប្រទេសថៃ ដោយប្រព័ន្ធផ្សព្វផ្សាយក្នុងស្រុក តែងតែបង្ហាញវត្តមានជាញឹកញយនៅក្នុងព្រឹត្តិការណ៍សាធារណៈជាមួយស្វាមីអ្នកជំនួញ Oak Phakwa Hongyok ។

គូស្នេហ៍មួយគូនេះត្រូវបានគេឃើញកាន់ដៃគ្នានៅក្នុងព្រឹត្តិការណ៍ប្រពៃណីមួយ ដែលរៀបចំដោយសមាគម Peranakan នៃប្រទេសថៃកាលពីថ្ងៃទី ១២ ខែឧសភាកន្លងទៅនេះ។ អ្នកប្រើបណ្ដាញសង្គមជាច្រើនបានកោតសរសើរចំពោះរូបរាងរបស់តារាម៉ូដែលកែភេទរូបនេះ និងសុភមង្គលជាក់ស្តែងដែលរូបនាងតែងតែបង្ហាញជាញឹកញាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Nong Poy បានសម្តែងនូវកិត្តិយសដែលបានចូលរួមក្នុងកម្មវិធី ហើយឱកាសនេះជាឱកាសមួយក្នុងចំណោមតារាម៉ូដែលជាច្រើនរូបនិងស្វាមីត្រូវបានគេប្រទះឃើញជាមួយគ្នា។ ជាមួយគ្នានេះដែរ រូបថតរបស់គូស្នេហ៍អ្នកជំនួញកំឡុងពេលចេញក្រៅម្តងៗតែងតែលេចឡើងនៅលើបណ្តាញសង្គមរបស់ Nong Poy ដែលទាក់ទាញការកោតសរសើរយ៉ាងច្រើនពីសំណាក់អ្នកគាំទ្រជាច្រើន។

អ្នកតាមដាននាងនិងស្វាមីជាច្រើនបានកត់សម្គាល់ថា សម្រស់របស់តារាម៉ូដែលភេទរូបនេះ រីកសុះសាយតាំងពីរៀបការមកម្ល៉េះ ហើយម៉ូដសម្លៀកបំពាក់របស់នាង ទទួលបានការសរសើរយ៉ាងខ្លាំងក្លា ខណៈពេលដែលបង្ហាញខ្លួននៅតាមកម្មវិធីជាមួយគ្នាឬតាមទីសាធារណៈនានា។

សូមបញ្ចាក់ដែរថាតារាម៉ូដែល Poy Treechada អាយុ ៣៨ ឆ្នាំ នាងបានទទួលការវះកាត់បញ្ជាក់ពីភេទក្នុងឆ្នាំ ២០០៣ ។ ក្រោយមកនាងបានឈ្នះការប្រកួត Miss International Queen ឆ្នាំ ២០០៤។ ក្រៅពីអាជីពជាតារាម៉ូដែល នាងត្រូវបានគេទទួលស្គាល់ថាជាតារាសម្ដែង និងសហគ្រិន។ នាងបានក្លាយជាអ្នកកែភេទថៃដំបូងគេដែលបង្ហាញខ្លួនក្នុងបញ្ជីមុខមាត់ស្អាតបំផុតទាំង ១០០ ក្នុងឆ្នាំ ២០១៥ របស់ TC Candler។ ប្តីរបស់នាង Hongyok អាយុ ៤២ ឆ្នាំគឺជាអ្នកស្នងមរតករបស់ភោជនីយដ្ឋាន កាហ្វេ និងក្រុមហ៊ុនសេវាកម្មទេសចរណ៍នៅភូកេត៕