សេដ្ឋកិច្ច

ក្រុមហ៊ុនអាឡឺម៉ង់មួយសិក្សាកែច្នៃស្វាយចន្ទីកម្ពុជានាំចេញទៅទីផ្សារអឺរ៉ុប

បានផុស

២ years មុន

នៅ

ថ្ងៃសុក្រ ២៤ ឧសភា ២០២៤

ដោយ

ក្រុមហ៊ុនអាឡឺម៉ង់ Little Bridge Co.,Ltd មានកសិដ្ឋានផ្ទាល់ខ្លួននៅខេត្តសៀមរាប ដែលត្រូវការចន្ទីសរីរាង្គ ១០០% បានសិក្សា ៣ ចំណុចលើស្វាយចន្ទីនៅកម្ពុជា ទី១ ការផលិតស្រាពីស្វាយចន្ទី ដូចជាទឹកចន្ទី ប័រចន្ទី ទឹកឃ្មុំពីផ្កាស្វាយចន្ទី ដែលជាផលិតផលសម្រេចចេញពីសរីរាង្គ ១០០% ដើម្បីនាំចេញទៅទីផ្សារអឺរ៉ុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អួន ស៊ីឡុត ប្រធានសមាគមស្វាយចន្ទីកម្ពុជា បានឱ្យដឹងថា ក្រុមហ៊ុនលើកទឹកចិត្តឱ្យកសិករខ្មែរដាំចន្ទីសរីរាង្គដូចគាត់ ដែលគាត់ក៏ហានឱ្យតម្លៃខ្ពស់ជាងទីផ្សារ ប៉ុន្តែផលវិបាកនៃការធ្វើស្រាចន្ទី គឺចន្ទីត្រូវតែបេះមិនឱ្យលើសពី ២ ម៉ោងដើម្បីកុំឱ្យខូចផ្លែ ខណៈកសិករមិនមានដាំចន្ទីសរីរាង្គនោះទេ។ បច្ចុបន្នការនាំចន្ទីទៅអឺរ៉ុប មានបរិមាណតិចតូច ប្រមាណ ៧ តោន ប៉ុណ្ណោះ ក្នុង១ ឆ្នាំ។

លោក អួន ស៊ីឡុត បានបញ្ជាក់ថា ការកែច្នៃចន្ទីនៅកម្ពុជាមានកំណើនតិចតូចត្រឹម ១០ ភាគរយខណៈឧស្សាហកម្មស្វាយចន្ទីកម្ពុជា ត្រូវការដើមទុនបង្វិលប្រមាណ ៣០០លានដុល្លារក្នុងមួយឆ្នាំ គាំទ្រដល់ខ្សែចង្វាក់ផលិតកម្ម និងកែច្នៃស្វាយចន្ទី។

របាយការណ៍ពីក្រសួងកសិកម្ម រុក្ខាប្រមាញ់ និងនេសាទ បានបង្ហាញថា កម្ពុជាមានផ្ទៃដីដាំដុះស្វាយចន្ទីប្រមាណ ៤៧២ ៩៤៦ ហិកតា និងទទួលបានទិន្នផលសរុបចំនួន ៧០៩ ៤១៩ តោន ចំណែកឯការនាំចេញគ្រាប់ស្វាយចន្ទីឆៅទៅទីផ្សារអន្តជាតិបានចំនួនប្រមាណ ៦៥៦ ០០០ តោន ទៅកាន់ប្រទេស ចិន ជប៉ុន បង់ក្លាដែស ឥណ្ឌា វៀតណាម និងថៃ និងគ្រាប់ស្វាយចន្ទីកែច្នៃទៅកាន់ប្រទេស ចិន សាធារណរដ្ឋឆែក ជប៉ុន កូរ៉េខាងត្បូង ហូឡង់ វៀតណាម និងសហរដ្ឋអាមេរិក៕