ជីវិតកម្សាន្ដ

សាយ រំភើប ខណៈជោគជ័យកម្មវិធី”រត់ដោយបេះដូង” ដើម្បីបរិច្ចាគជួយអនាគតកុមារអូទីហ្សឹម

បានផុស

២ years មុន

នៅ

ថ្ងៃចន្ទ ៣ មិថុនា ២០២៤

ដោយ

លោក អ៊ួន បឋម ហៅ សាយ ដែលជាតារាចម្រៀង Original Song បានបង្ហាញអារម្មណ៍រំភើបខ្លាំង ខណៈជោគជ័យកម្មវិធី “រត់ដោយបេះដូង” ដើម្បីបរិច្ចាគទៅកាន់សាលាទន្សាយ ដើម្បីអនាគតកុមារអូទីហ្សឹម ដែលប្រព្រឹត្តិទៅបានយ៉ាងរលូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតលោក អ៊ួន បឋម ហៅ សាយ កាលពីថ្មីៗ កន្លងមក បានចេញមកបំផុសជាថ្មីនូវកម្មវិធីមនុស្សធម៌ “រត់ដោយបេះដូង” ក្នុងការស្វែងរកការចូលរួមបរិច្ចាគទៅកាន់សាលាទន្សាយដើម្បីអនាគតកុមារអូទីហ្សឹម ដែលកម្មវិធីនេះធ្វើឡើងកាលពីថ្ងៃទី ០១ ខែមិថុនា នៅពហុកីឡដ្ឋានជាតិអូឡាំពិក។

បន្ទាប់ពីទទួលបានការគាំទ្រ និងជោគជ័យ លោក សាយ បានបញ្ជាក់ថា លោកសូមថ្លែងអំណរគុណដល់សហភាពសហព័ន្ធយុវជនកម្ពុជារាជធានីភ្នំពេញ ដែលបានចូលរួមសហការរៀបចំកម្មវិធី “រត់ដោយបេះដូង” ដែលប្រព្រឹត្តិទៅបានយ៉ាងរលូនកាលពីថ្ងៃទី ០១ មិថុនា នៅពហុកីឡដ្ឋានជាតិអូឡាំពិក។

តារាចម្រៀង សាយ បាននិយាយទៀតថា ”កម្មវិធី”រត់ដោយបេះដូង” មានកុមារអូទីហ្សឹមចូលរួមចំនួន ១១១ នាក់ លោកគ្រូ អ្នកគ្រូចំនួន ២៦ នាក់ អាណាព្យាបាល ១០១ នាក់ និងអ្នកចូលរួមជាសប្បុរសជនចំនួនប្រមាណ ២០០ នាក់ ដែលធ្វើឲ្យកម្មវិធីមួយនេះដំណើរការទៅដោយក្តីស្រលាញ់ មេត្តាដល់កុមារអូទីហ្សឹម និងយ៉ាងសប្បាយរីករាយជាមួយការចងចាំល្អៗ រួមគ្នា។

ទន្ទឹមគ្នានេះលោក សាយ បានបន្ថែមថា ”ពួកយើងសង្ឃឹមថា ពុកម៉ែបងប្អូន នឹងចូលរួមបរិច្ចាគទៅកាន់សាលារៀនទន្សាយទាំងអស់គ្នា ពុកម៉ែបងប្អូនដែលមានបំណងចង់បរិច្ចាគទៅកាន់សាលាទន្សាយ សូមធ្វើការបរិច្ចាគដើម្បីអនាគតកុមារអូទីហ្សឹម ចូលរួមរត់ជាមួយពួកយើងដើម្បីអនាគតកុមារអូទីហ្សឹម”។

សូមបញ្ជាក់ដែរថា តារាចម្រៀង Original Song លោក អ៊ួន បឋម ហៅ សាយ ត្រូវបានមហាជនអ្នកគាំទ្រចាត់ទុកថា លោកគឺជាសិល្បករខ្មែរមួយរូបដែលលេចធ្លោតាមរយៈកិច្ចការងារចូលរួមសង្គម ពិសេសកន្លងមក សាយ បានបង្កើតកម្មវិធីរត់ដើម្បីប្រមូលថវិកាជូនដល់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរជាដើម៕

អត្ថបទ ៖ ចាន់រ៉ា