KPT+
បើឪពុកម្ដាយមិនគាំទ្រគោលដៅជីវិតរបស់កូន គួរធ្វើដូចម្តេចវិញ?
គ្រប់គ្នាមានគោលដៅជីវិត! ការធ្វើតាមគោលដៅ មានន័យថា បានសម្រេចក្ដីសុបិនរបស់ខ្លួន ហើយវាជាជីវិតដ៏អស្ចារ្យមួយ។ មនុស្សណាគ្មានក្តីស្រមៃ គ្មានគោលដៅច្បាស់លាស់ មែងតែងតែរស់នៅ ហាក់មិនមានន័យអ្វី ហើយរមែងចំណាយពេលមិនបានជាប្រយោជន៍អ្វីសោះ។
ចុះបើអ្នកខ្លះមានគោលដៅហើយ តែឪពុកម្ដាយមិនគាំទ្រ គួរគិតម៉េចវិញ?
ខាងក្រោមនេះជាគន្លឹះទាំង ៥ យ៉ាងដែលអ្នកគួរអាន ដើម្បីស្វែងយល់ពីឪពុកម្ដាយដែលបដិសេធអ្នក៖
១. ព្យាយាមយល់ពីកង្វល់ពួកគាត់
បើឪពុកម្ដាយជំទាស់នឹងជម្រើសអាជីពរបស់អ្នក សូមព្យាយាមយល់ពីមូលហេតុទាំងនោះសិន។ សួរខ្លួនឯងសិនថា ហេតុអ្វីពួកគាត់ជំទាស់នឹងអាជីពនេះ?
វាអាចដោយសារតែពួកគាត់យល់ថា អ្នកនឹងមិនទទួលបានប្រាក់ចំណូលល្អ ហើយថែមទាំងគ្មានស្ថិរភាព ក៏ដូចជាប្រឈមហានិភ័យផ្សេងទៀត។ល។ ឪពុកម្ដាយដែលមានវ័យចំណាស់ រមែងអាចមើលដឹងពីបញ្ហាដែលកើតមានឡើង មុនយើងទៅទៀត។
២. និយាយជាមួយឪពុកម្ដាយ
កុំចាប់ផ្ដើមជាមួយការចោទប្រកាន់ពួកគាត់ ប៉ុន្តែព្យាយាមសួរពួកគាត់វិញ ហើយពន្យល់ពីគោលបំណងរបស់អ្នក។ បន្ទាប់មកស្ដាប់ដោយមិនលម្អៀង ហើយថ្លឹងថ្លែងហេតុផលរវាងយើងនិងគាត់។
វាមិនចម្លែកឡើយ ដែលយើងធំឡើងនៅយុគសម័យខុសគ្នាពីឪពុកម្ដាយ។ អាចថាឪពុកម្ដាយរបស់យើង ធ្លាប់រស់នៅនៅក្នុងពិភពលោកមួយដែលមិនមែនជាសម័យឌីជីថល។ ដូច្នេះ គាត់មានអាកប្បកិរិយា និងចិត្តគំនិត ខុសពីជំនាន់យើង។
៣. អះអាងខ្លួនឯងឲ្យពួកគាត់ជឿជាក់
បើឪពុកម្ដាយរបស់អ្នកនៅតែជំទាស់ សូមគូសបន្ទាត់ ហើយដាក់ជំហរអះអាងមួយ ឱ្យពួកគាត់ដឹងថា អ្នកយល់ពីបំណងល្អរបស់គាត់មកលើអ្នក ប៉ុន្តែអ្នកក៏ចង់សាកល្បងវា ហើយស្វែងរកផ្លូវរបស់ខ្លួនឯង។
ប្រាប់ពួកគាត់ សូមកុំបារម្ភ! អ្នកនឹងធ្វើឱ្យពួកគាត់មានមោទកភាពចំពោះអ្នក!
៤. ប្រឹងបោះជំហានទៅមុខឱ្យពួកគាត់មើលឃើញជោគជ័យ
ដើម្បីចាប់ផ្ដើមជោគជ័យនៃគោលដៅ វាមិនសុទ្ធតែអាស្រ័យលើការយល់ព្រមពីឪពុកម្ដាយឡើយ។ ទោះបីជាពួកគាត់បណ្ដេញចេញពីផ្ទះ ឬកាត់ប្រាក់ចាយវាយប្រចាំថ្ងៃ (បើអ្នកនៅពឹងផ្អែកលើហិរញ្ញវត្ថុពួកគាត់) អ្នកត្រូវតែបន្តដំណើរទៅមុខ ធ្វើយ៉ាងណាឱ្យពួកគាត់ឃើញថា អ្នកប្រឹងប្រែងប៉ុនណា ហើយការខិតខំនោះ ប្រាកដជាជោគជ័យនៅថ្ងៃខាងមុខ។
៥. និយាយតិច មានសកម្មភាពច្រើន
ការនិយាយច្រើន វាគ្មានន័យអីទេ បើមិនលេចចេញជាលទ្ធផលបង្ហាញពួកគាត់។ ប្រសិនបើអ្នកគិតតែព្យាយាមនិយាយ ប៉ុន្តែឪពុកម្ដាយមិនស្ដាប់ សូមធ្វើឲ្យគោលដៅរបស់អ្នកសម្រេចសិន ហើយបង្ហាញលទ្ធផលទាំងនោះប្រាប់ពួកគាត់។
ចង់ឲ្យឪពុកម្ដាយជឿជាក់លើអ្នក ចូរបង្ហាញពួកគាត់ពីសមិទ្ធិផល!
ប្រែសម្រួល៖ សាង ស្រីល័ក្ខ
ចុចអាន៖ សុខភាពផ្លូវចិត្តក្រោមសម្ពាធធ្ងន់ធ្ងរមិនអាចគ្រប់គ្រងបាន ថែទំារបៀបណា?
ចុចអាន៖ ៧ យ៉ាងនេះអ្នកដែលមានយុវតីវ័យ២០ ឆ្នាំក្នុងបន្ទុកគួរយល់ដឹង
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ