ព័ត៌មានជាតិ
តម្លៃសំបុត្រម្នាក់ ៣០ ដុល្លារ ជិះកាណូតតាមផ្លូវទឹកពីបាត់ដំបង ទៅសៀមរាប ចំណាយពេល ៧ ម៉ោង
ប្រជាពលរដ្ឋ សាទរចំពោះការដាក់ឲ្យដំណើរការឡើងវិញការធ្វើដំណើរតាមផ្លូវទឹកពីខេត្តបាត់ដំបង ឆ្ពោះទៅកាន់ខេត្តសៀមរាប ក្រោយពីផ្អាកអស់រយៈពេលជាយូរឆ្នាំ។
ពលរដ្ឋបានលើកឡើងថា ការផ្អាកធ្វើដំណើរតាមផ្លូវទឹក រវាងខេត្តបាត់ដំបង និងខេត្តសៀមរាប អស់រយៈពេលជាយូរឆ្នាំមកនេះ នៅមិនទាន់មានមន្ត្រីណាបញ្ជាក់អំពីមូលហេតុជាក់លាក់នៅឡើយទេ ខណៈការផ្អាកការធ្វើដំណើរតាមផ្លូវទឹកតាមដងស្ទឹងសង្កែឆ្លងកាត់ដែនបឹងទន្លេសាបឆ្ពោះទៅខេត្តសៀមរាបនេះ ធ្វើឲ្យខាតបង់ប្រាក់ចំណូលមួយផ្នែកពីភ្ញៀវទេសចរជាតិ និងអន្តរជាតិ។
កញ្ញា ស្រី ដា ពលរដ្ឋរស់នៅក្រុងបាត់ដំបងបានឲ្យដឹងថា «បើកឡើងវិញ ខ្ញុំសប្បាយចិត្ត ខ្ញុំនឹងធ្វើដំណើរទៅលេងសៀមរាបនៅចុងសប្តាហ៍នេះ។ ម៉ាក់និងប្អូនប្រុសខ្ញុំទៅទាំងអស់គ្នា ខ្ញុំខានជិះកាណូតយូរហើយ តាំងពីគេបិទដែលកាលនោះមានផែនៅមុខមន្ទីរពេទ្យបង្អែកខេត្ត គឺជិតផ្ទះខ្ញុំដែរ តែពេលនេះខ្ញុំអត់ទាន់ដឹងគេដាក់ផែនៅទីណានោះទេ»។
ពលរដ្ឋបានបង្ហាញក្តីរីករាយដែលបានទទួលព័ត៌មានថា ភ្ញៀវជាតិ និងអន្តរជាតិ អាចធ្វើដំណើរតាមផ្លូវទឹក ដោយជិះកាណូត ពីក្រុងបាត់ដំបង ទៅក្រុងសៀមរាបឡើងវិញបានចាប់ពីថ្ងៃទី០១ ខែសីហា ឆ្នាំ២០២៤ តទៅ។
ការធ្វើដំណើរតាមផ្លូវទឹក បើទោះបីមានតម្លៃថ្លៃជាងផ្លូវគោកច្រើនបន្តិច តែក៏បានធ្វើឲ្យអារម្មណ៍ស្រស់ស្រាយតាមបែបទេសចរកម្សាន្ត មើលសត្វស្លាបនៅលើផ្ទៃទឹកនៃបឹងទន្លេសាបដ៏ធំល្វឹងល្វើយ រួមនិងត្រជាក់កាយសប្បាយចិត្តផងដែរ។
លោក ហម អរុណ អនុប្រធានមន្ទីរទេសចរណ៍ខេត្តបាត់ដំបងបានឲ្យកម្ពុជាថ្មីដឹងថា ផែកាណូតសម្រាប់ទទួលដឹកភ្ញៀវ គឺស្ថិតនៅមុខវត្តក្តាំងងា ដែលមានទីតាំងក្នុងភូមិខ្វិត ឃុំព្រែកខ្ពប ស្រុកឯកភ្នំ ចម្ងាយ ១០ គីឡូម៉ែត្រ ពីក្រុងបាត់ដំបង ហើយសេវាដឹកភ្ញៀវពីក្រុងបាត់ដំបងទៅកាន់ទីតាំងផែគឺមិនគិតកម្រៃនោះទេ។
ចំណែកតម្លៃសំបុត្រវិញ លោកបញ្ជាក់ថា «ទាំងភ្ញៀវក្នុង និងក្រៅស្រុក គឺ ៣០ ដុល្លារ ក្នុងម្នាក់ៗ ខណៈការធ្វើដំណើរបានតែក្នុងរដូវវស្សាប៉ុណ្ណោះ»។
បើតាមលោក តុន ណៃ អ្នកគ្រប់គ្រងផ្នែកអេកូទេសចរណ៍នៅតំបន់ព្រែកទាល់ នៃបឹងទន្លេសាប ក្នុងខេត្តបាត់ដំបង បានឲ្យដឹងនៅថ្ងៃទី ៨ ខែសីហា នេះថា នៅក្នុងខែនេះការធ្វើដំណើររបស់ភ្ញៀវទេសចរគឺយឺតបន្តិច ត្រូវប្រើរយៈពេលច្រើនម៉ោង ចន្លោះពី ៧ ទៅ ៨ ម៉ោង ទើបអាចដល់ខេត្តសៀមរាម ដោយសាររាំងស្ទះពីកំប្លោក។
លោកថា ការរាំងស្ទះពីកំប្លោកគឺចាប់ពីភូមិទ្រាយ ឬ វត្តឈើខ្មៅ រហូតមកដល់ភូមិព្រែកទល់ ដោយមានកន្លែងខ្លះក្រាស់ កន្លែងខ្លះស្តើង តែអាចត្រួសត្រាយធ្វើដំណើរបាន គ្រាន់តែចំណាយពេលបន្តិច។ តែលោកថា អ្នកធ្វើដំណើរហាក់មិនធុញថប់ក្នុងការយឺតយ៉ាវនេះទេ ដោយសារពួកគេអាចចង់ទស្សនាទេសភាពឲ្យបានយូរផងដែរ។ ជាមួយគ្នានេះដែរ សម្រាប់ការធ្វើដំណើររបស់ភ្ញៀវ ក៏មានក្រុមសមត្ថកិច្ចតាមឃ្លាំមើលពីសុវត្ថិភាពការពារក្រែងមានករណីណាមួយកើតមានឡើយដោយយកថាហេតុ។
លោកបញ្ជាក់ថា «បើយើងគិតពីរយៈចម្ងាយពីបាត់ដំបងទៅសៀមរាប មានចម្ងាយ ១២០ គីឡូម៉ែត្រ ក្នុងនោះបើគិតពី ព្រែកកញ្ច្រែង តាមដងស្ទឹងសង្កែ រហូតដល់ព្រែកទាល់មានចម្ងាយ ៩០ គីឡូម៉ែត្រ ហើយពីព្រែកទាល់ រហូតដល់កំពង់ផែចុងឃ្នៀសខេត្តសៀបរាប ចម្ងាយ ៣០ គីឡូម៉ែត្រ អីចឹងសរុបមានចម្ងាយ ១២០ គីឡូម៉ែត្រ»៕
អត្ថបទ៖ សៅ សារិទ្ធ
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ