កីឡា
លោក Muñoz ថា ក្លិបព្រះខ័នរាជស្វាយរៀងរៀបចំបានល្អដូចក្លិបនៅអឺរ៉ុប
ក្រោយផ្លាស់មកដឹកនាំក្លិបព្រះខ័នរាជស្វាយរៀង កាលពីខែឧសភា ឆ្នាំ២០២៣ លោក Pep Muñoz បានជួយឲ្យក្លិប ឈ្នះពានរង្វាន់៣ហើយគិតត្រឹមខែសីហា ឆ្នាំ២០២៤ ខណៈលោកកំពុងនាំក្រុមយ៉ាងខ្លាំងសម្រាបរដូវកាលថ្មី។
លោក Pep Muñoz បានប្រាប់ថា ក្លិបព្រះខ័នរាជស្វាយរៀងមានថ្នាក់ដឹកនាំល្អ និងរចនាសម្ព័ន្ធគ្រប់គ្រងល្អដែលផ្ដល់សិទ្ធិគ្រប់គ្រាន់ឲ្យគ្រូបង្វឹកធ្វើការងារ។
លោកបាននិយាយថា ៖«ខ្ញុំធ្លាប់បាននិយាយពេលខ្ញុំមកដល់កម្ពុជាដំបូង ព្រះខ័នរាជស្វាយរៀងជាក្លិបល្អបំផុតនៅកម្ពុជា ទាំងការរៀបចំ និងការគ្រប់គ្រង។ ជាពិសេសការផ្ដល់សិទ្ធិឲ្យគ្រូបង្វឹកធ្វើការងារ ការយកចិត្តទុកដាក់លើជំនួយការគ្រូបង្វឹក។ ខ្ញុំអាចនិយាយបានថា ការធ្វើការងារនៅទីនេះ ដូចកាលខ្ញុំធ្វើការនៅអឺរ៉ុបដែរ។ នេះហើយជាមូលហេតុធ្វើឲ្យខ្ញុំសម្របខ្លួនបានលឿន។ ខ្ញុំមិនរំពឹងទេមុនពីផ្លាស់មកទីនេះថា ខ្ញុំអាចស្វែងរកក្លិបធំបែបនេះ»។
លោក Pep Muñoz ចាប់ផ្តើមអាជីពដំបូងនៅក្រុម UE Lleida ក្នុងប្រទេសអេស្ប៉ាញ មុនពេលលោកទៅចូលរួមជាមួយក្លិបយក្ស FC Barcelona។ ចំណាយពេល៤ឆ្នាំជាមួយក្រុមយុវជន U19 និង Barcelona B លោកបានជួយឲ្យក្រុមឈ្នះពានរង្វាន់ U19 UEFA Champion League ម្តង និងឈ្នះពានលីគយុវជន២ដង មុនទៅកាន់ប្រទេសចិន៧ឆ្នាំដឹកនាំក្លិប Huanghai FC, Shandong Fc និងជម្រើសជាតិចិន៕
អត្ថបទ៖ ផា រតនា
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន