ព័ត៌មានអន្ដរជាតិ
ស្រីលង្កាហាមឥស្លាមពាក់ឈុតប៊ឺហ្គូស និងបិទសាលារៀនជាង១ពាន់កន្លែង
ប្រទេសស្រីលង្កានៅថ្ងៃសៅរ៍ ទី១៣ ខែមីនា បានប្រកាសពីផែនការហាមស្ត្រីឥស្លាមស្លៀកពាក់ឈុតប៊ឺហ្គូស (ឈុតរ៉ូបគ្រប់លើដងខ្លួនទាំងអស់តាំងពីលើក្បាលរហូតដល់ចុងជើងដោយនៅសល់តែប្រលោះភ្នែក ) និងគ្រោងបិទសាលារៀនឥស្លាមជាង១០០០កន្លែង ដោយលើកឡើងពីបញ្ហាសន្តិសុខប្រទេសជាតិ។
រដ្ឋមន្ត្រីក្រសួងសន្តិសុខសាធារណៈលោក Sarath Weerasekara បាននិយាយថា លោកបានចុះហត្ថលេខាលើឯកសារមួយកាលពីថ្ងៃសុក្រដើម្បីស្វែងរកការអនុម័តពីគណៈរដ្ឋមន្ត្រីដើម្បីហាមស្លៀកពាក់ឈុតប៊ឺហ្គូស។
លោក Weerasekara បានប្រាប់នៅពិធីបុណ្យមួយក្នុងវត្តពុទ្ធសាសនាកាលពីថ្ងៃសៅរ៍ថា «សម្លៀកបំពាក់ប៊ឺហ្គូសមានផលប៉ះពាល់ផ្ទាល់លើសន្តិសុខជាតិ» ប៉ុន្តែលោកមិនបានពន្យល់លំអិតទេ។
Weerasekara បាននិយាយដោយសំអាងលើរូបភាពវីដេអូដែលផ្ញើដោយក្រសួងរបស់លោកថា ៖«កាលពីមុន យើងមានមិត្តឥស្លាមច្រើនណាស់ ប៉ុន្តែស្ត្រី និងក្មេងស្រីឥស្លាមមិនដែលពាក់ឈុតប៊ឺហ្គូសទេ។ វាជាសញ្ញានៃភាពជ្រុលនិយមខាងសាសនាដែលបានកើតឡើងថ្មីៗនេះ។ យើងនឹងហាមស្លៀកពាក់ឈុតបែបនេះពិតប្រាកដ»។
ឈុតប៊ឺហ្គូសត្រូវបានហាមជាបណ្តោះអាសន្នកាលពីឆ្នាំ២០១៩ បន្ទាប់ពីមានការវាយប្រហារដោយគ្រាប់បែកទៅលើវិហារយេស៊ូ និងសណ្ឋាគារនៅក្នុងប្រទេសស្រីលង្កាដែលសម្លាប់មនុស្សជាង២៦០នាក់។
ក្រុមឥស្លាមក្នុងស្រុក២ដែលស្មោះស្ម័គ្រនឹងក្រុមរដ្ឋឥស្លាមបានស្តីបន្ទោសចំពោះការវាយប្រហារ៦កន្លែងក្នុងនោះមានវិហាររ៉ូម៉ាំងកាតូលិក២កន្លែង វិហារប្រូតេស្តង់១កន្លែង និងសណ្ឋាគារ៣កន្លែង។
លោក Weerasekara បន្ថែមថា រដ្ឋាភិបាលក៏នឹងបិទសាលារៀនឥស្លាមជាង១០០០កន្លែង ដោយនិយាយថា សាលារៀនទាំងនោះមិនបានចុះបញ្ជីត្រឹមត្រូវ និងមិនគោរពតាមគោលនយោបាយអប់រំជាតិ។
ការសម្រេចហាមឈុតប៊ឺហ្គូស និងបិទសាលារៀនជាចំណាត់ការចុងក្រោយបំផុតដែលជះឥទ្ធិពលលើប្រជាជនឥស្លាមភាគតិចនៅប្រទេសកោះមហាសមុទ្រឥណ្ឌា។
សូមបញ្ជាក់ថា ប្រទេសស្រីលង្កាមានប្រជាជនប្រមាណ២២លាននាក់ ក្នុងនោះអ្នកកាន់ពុទ្ធសាសនា៧០% និងឥស្លាមប្រហែលជា៩%៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ