ទីបំផុត តារា ​Kpop ជំនាន់ទី៣រូបនេះ បានប្រកាសចូលរោងការហើយ

កាលពីថ្ងៃទី២២​ កន្លងទៅនេះ តារាប្រុសស្រី ដ៏ល្បីល្បាញក្នុងចំណោមមហាជនកូរ៉េមួយគូ បានបង្ហោះសារនៅក្នុងគណនី Instagram របស់ពួកគេ ប្រាប់អំពីដំណឹងល្អ ដែលអ្នកទាំងពីរ Eun Ga Eun និង Hyun Ho Park នឹងរៀបមង្គលការនាពេលឆាប់ៗខាងមុខនេះ។

កាលពីពេលកន្លងទៅ តារាប្រុស Park Hyun Ho ធ្លាប់បាននិយាយថា គាត់ចង់រៀបការជាមួយតារាស្រី Eun Ga Eun ហើយទំនាក់ទំនងរបស់ពួកគេត្រូវបានថតទុក នៅក្នុងកម្មវិធី The Groom Class ដែលជាកម្មវិធីបង្ហាញអំពីសកម្មភាពជីវិតពិតៗ ។

យ៉ាងណាមិញ ពួកគេទើបតែទាក់ទងគ្នា កាលពីខែមីនា ឆ្នាំ២០២៤នេះឯង គឺមើលចិត្តគ្នាមិនទាន់បាន១ឆ្នាំផង ក៏សម្រេចចិត្តដឹកដៃគ្នាសាងអនាគតបាត់ទៅហើយ។ ចំណែកឯប្រិយមិត្តអ្នកគាំទ្រវិញ ក៏បានបង្ហាញការភ្ញាក់ផ្អើល ក៏ដូចជាក្ដីរំភើបចំពោះអ្នកទាំងពីរផងដែរ។

តារា​ទាំង​ពីរនាក់នេះ ​បច្ចុប្បន្ន​កំពុង​មាន​សកម្មភាព​ជា​អ្នក​ចម្រៀង trot ខណៈ Park Hyun Ho ដំបូង​ឡើយ​បង្ហាញ​ខ្លួន​ក្រោម​ឈ្មោះ Seogoong ក្នុង​នាម​ជា​សមាជិក​ក្រុម Topp Dogg ដែលជាតារាចម្រៀង Kpop ជំនាន់ទី៣។ គួរបញ្ជាក់ឲ្យដឹងដែរថា គូស្នេហ៍តារាចម្រៀងមួយគូនេះ នឹងរៀបចំពិធីមង្គលការ នៅថ្ងៃទី១២ ខែមេសា ឆ្នាំ២០២៥ កន្លះឆ្នាំទៀតនេះ៕