ព័ត៌មានអន្ដរជាតិ
បង្គាថៃជួបបញ្ហា ដោយជំងឺ និងតម្លៃទាប
សមាគមបង្គានៃប្រទេសថៃ បានឱ្យដឹងថា ផលិតកម្មបង្គាក្នុងស្រុករំពឹងថានឹងធ្លាក់ចុះ ៤ ភាគរយ នៅឆ្នាំនេះ ធៀបនឹងឆ្នាំមុន ដោយសារតែការផ្ទុះបែកនៃជំងឺ និងការធ្លាក់ចុះនៃតម្លៃ។ នេះបើតាមការចុះផ្សាយរបស់កាសែតបាងកកប៉ុស្តិ៍។
ប្រធានសមាគម លោក Ekapoj Yodpinit បាននិយាយថា ផលិតកម្មបង្គាសរុបនៅឆ្នាំ ២០២៤ ត្រូវបានព្យាករថានឹងធ្លាក់ចុះមកនៅត្រឹម ២៧០ ០០០ តោន ធៀបនឹង ២៨០ ០០០ តោន កាលពីឆ្នាំមុន។ ការធ្លាក់ចុះនេះ បណ្តាលមកពីការផ្ទុះបែកជំងឺ និងបញ្ហាធាតុអាកាស ដែលប៉ះពាល់ដល់គុណភាពកូនបង្គា និងលក្ខខណ្ឌនៃការចិញ្ចឹម។ ជាមួយគ្នានោះ ការធ្លាក់ចុះនៃតម្លៃ ក៏រួមចំណែកធ្វើឱ្យកសិករផ្អាកវដ្តចិញ្ចឹមថ្មីរបស់ខ្លួនផងដែរ។
ដើម្បីឆ្លើយតបទៅនឹងបញ្ហាប្រឈមទាំងនេះ ក្រសួងកសិកម្មថៃ បានផ្តល់អាទិភាពក្នុងការដោះស្រាយបញ្ហាបង្គាសមុទ្រ ដោយបញ្ជូលវាជាផ្នែកមួយនៃរបៀបវារៈជាតិ។
កង្វល់ដ៏ចម្បងមួយនោះគឺ ការបន្តនៃការរីករាលដាលនៃជំងឺងាប់លឿន ឬ Early mortality syndrome (EMS) ដែលវាគឺជាបន្ទុកកសិករថៃ អស់រយៈពេល ១១ ឆ្នាំ មកហើយ។
បើតាម លោក Ekapoj ឧស្សាហកម្មបង្គាថៃ បានជំរុញឱ្យរដ្ឋាភិបាលអនុវត្តវិធានការប្រកបដោយប្រសិទ្ធភាព ដើម្បីដោះស្រាយបញ្ហាជំងឺនេះក្នុងរយៈពេល៣ឆ្នាំ។ ប្រសិនបើជោគជ័យ វាអាចជួយកសិករឱ្យសម្រេចបាននូវគោលដៅផលិតកម្ម និងនាំមកវិញនូវបង្គាដែលមានគុណភាពខ្ពស់ដល់ទីផ្សារ។
គួរគូសបញ្ជាក់ថា ផលិតកម្មបង្គាសកល រំពឹងថានឹងមានចំនួន ៥ ០៤ លានតោន នៅឆ្នាំនេះ ដោយធ្លាក់ចុះ ៤ ភាគរយ ក្នុងអត្រាប្រចាំឆ្នាំ ខណៈប្រទេសផលិតធំៗដូចជា ចិន អេក្វាឌ័រ ឥណ្ឌា និងវៀតណាម ក៏បានរាយការណ៍ពីការធ្លាក់ចុះនៃទិន្នផលផងដែរ។
ចន្លោះពីខែមករា ដល់ខែតុលា ថៃបាននាំចេញបង្គាចំនួន ១០៩ ០៤៨ តោន ក្នុងតម្លៃ ៣៤ ប៊ីលានបាត ដោយធ្លាក់ចុះ ១ ភាគរយ គិតជាបរិមាណ និង ៦ ភាគរយ គិតជាតម្លៃ ធៀបនឹងរយៈពេលដូចគ្នាកាលពីឆ្នាំមុន៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ