ចរាចរណ៍

ឃាត់ខ្លួនអ្នកបើកម៉ូតូម្នាក់ ក្រោយជិះចូលផ្លូវល្បឿនលឿនខុសគោលការណ៍

បានផុស

២ years មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

បុរសម្នាក់ ជិះម៉ូតូសម្រុកចូលផ្លូវល្បឿនលឿនយ៉ាងកម្រោល(ប្រភេទម៉ូតូមិនអនុញ្ញាតឲ្យប្រើប្រាស់ផ្លូវល្បឿនលឿន) ត្រូវបានកម្លាំងសមត្ថកិច្ចរបស់នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈប្រចាំការនៅផ្លូវល្បឿនលឿនឃាត់ ហើយកំពុងរក្សាទុកនៅគោលដៅកំពង់ស្ពឺកើត ដើម្បីបន្តនីតិវិធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធករណីនេះ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងកាលពីព្រឹកថ្ងៃទី ១២ ធ្នូ នេះថា កាលពីល្ងាចថ្ងៃទី ១១ ខែធ្នូ ឆ្នាំ ២០២៤ នៅច្រកចូល កំពង់ស្ពឺកើត គ•ម ២៦ មានករណីក្មេងទំនើងបានបើកម៉ូតូសម្រុកចូលផ្លូវល្បឿនលឿនយ៉ាងកម្រោល ដែលជាប្រភេទម៉ូតូមិនអនុញ្ញាតឲ្យប្រើប្រាស់ផ្លូវល្បឿនលឿន។ ភ្លាមៗ នគរបាលចរាចរណ៍ផ្លូវល្បឿនលឿន បានចេញប្រតិបត្តិការបន្ទាន់ ដោយចាប់ឃាត់ និងហៅអាណាព្យាបាលមកណែនាំ និងអនុវត្តតាមនីតិវិធី។

លោក ផន រឹម ក៏បានបញ្ជាក់បន្ថែមថា ចំពោះយានជំនិះម៉ូតូដែលអាចធ្វើដំណើរលើផ្លូវល្បឿនលឿនបានលុះត្រាទោចក្រយានយន្តនោះទំហំស៊ីឡាំង ចាប់ពី ៥០០cc ឬ កម្លាំងម៉ូទ័រ ២៧kW ឡើងទៅ និងត្រូវភ្ជាប់មកជាមួយឯកសារសំខាន់ៗ មួយចំនួន។ ក្នុងនោះ ដើម្បីស្នើសុំលតាបត្រអនុញ្ញាតទោចក្រយានយន្តទំហំស៊ីឡាំងចាប់ពី ៥០០cc ឬ កម្លាំងម៉ូទ័រ ២៧kW ឡើងទៅ ធ្វើដំណើរលើផ្លូវល្បឿនលឿន ពលរដ្ឋខ្មែរ ត្រូវភ្ជាប់មកជាមួយឯកសារដូចជា បណ្ណសម្គាល់យានជំនិះ និង អត្តសញ្ញាណប័ណ្ណម្ចាស់កម្មសិទ្ធិ។ ចំណែកឯជនបរទេស ត្រូវភ្ជាប់មកជាមួយបណ្ណសម្គាល់ទោចក្រយានយន្ត លិខិតឆ្លងដែន និងទិដ្ឋាការមានសុពលភាព និង លិខិតបញ្ជាក់ទីលំនៅចេញដោយមេឃុំ/ចៅសង្កាត់៕

អត្ថបទ ៖ សំណាង