ព័ត៌មានអន្ដរជាតិ
ចាប់ពីដើមឆ្នាំ២០២៥ ថៃលែងឲ្យនាំចូលសំណល់ប្លាស្ទិកទៀតហើយ
ចាប់ពីថ្ងៃទី១ខែមករាឆ្នាំ២០២៥ ប្រទេសថៃនឹងហាមឃាត់ការនាំចូលសំណល់ប្លាស្ទិកគ្រប់ប្រភេទ ដែលប្រើសម្រាប់ធ្វើជាវត្ថុធាតុដើមនៅក្នុងរោងចក្រឧស្សាហកម្ម។
នាយកដ្ឋានពាណិជ្ជកម្មបរទេស បានប្រកាសកាលពីថ្ងៃទី១៧ខែធ្នូឆ្នាំ២០២៤ថា ការអនុវត្តច្បាប់ថ្មីនេះ គឺជាចលនាការពារគ្រោះថ្នាក់ដល់បរិស្ថាន និងសុខភាពសាធារណៈ។
លោកស្រី Arada Fuangtong អគ្គនាយកនៃនាយកដ្ឋាន បាននិយាយថា ចំណាត់ការដែលស្នើឡើងដោយក្រសួងធនធានធម្មជាតិ និងបរិស្ថាន ត្រូវបានអនុម័តដោយខុទ្ទកាល័យកាលពីថ្ងៃទី៣ខែធ្នូ ហើយបានចុះផ្សាយក្នុងកាសែតរដ្ឋ Royal Gazette នៅថ្ងៃទី១៦ខែធ្នូ។
លោកស្រី បានឲ្យដឹងទៀតថា ដំបូងឡើយ កាលវិភាគដើមចែងថា ការនាំចូលសំណល់ប្លាស្ទិកត្រូវបានអនុញ្ញាត ក្នុងករណីការផ្គត់ផ្គង់មិនគ្រប់គ្រាន់ ហើយត្រូវតែមានការយល់ព្រមពីនាយកដ្ឋានឧស្សាហកម្ម។ យ៉ាងណា បន្ទាប់ពីការធ្វើវិសោធនកម្ម ការនាំចូលកាកសំណល់ប្លាស្ទិកទាំងអស់នឹងត្រូវហាមឃាត់ដោយគ្មានករណីលើកលែង ចាប់ពីដើមឆ្នាំក្រោយ។
លោកស្រី បានបន្ថែមថា នាយកដ្ឋានបានជូនដំណឹងដល់ក្រុមហ៊ុននាំចូលថា ពួកគេមានពេលរហូតដល់ថ្ងៃទី៣១ខែធ្នូ ដើម្បីបញ្ចប់ការនាំចូលផលិតផលដែលរងផលប៉ះពាល់។
លោកស្រី Arada បាននិយាយថា៖ «ការហាមប្រាមលើការនាំចូល នឹងជួយជំរុញការកែច្នៃប្លាស្ទិកនៅក្នុងប្រទេសថៃ ដោយធានានូវការប្រើប្រាស់ធនធានប្រកបដោយប្រសិទ្ធភាព និងកាត់បន្ថយបរិមាណសំណល់ប្លាស្ទិកដែលមិនប្រើប្រាស់។ នេះក៏នឹងជួយកាត់បន្ថយការបំពុលដែលអាចប៉ះពាល់ដល់បរិស្ថាន និងសុខភាពសាធារណៈផងដែរ»៕
ដោយ៖ ឈាង
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច២៤ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ