ព័ត៌មានអន្ដរជាតិ

ក្រុមអ្នកស៊ើបអង្កេតកូរ៉េខាងត្បូង បរាជ័យក្នុងការចាប់ខ្លួនលោក Yoon

បានផុស

១ year មុន

នៅ

ថ្ងៃសុក្រ ៣ មករា ២០២៥

ដោយ

ក្រោយប្រឈមមុខជាមួយកងការពារប្រធានាធិបតីអស់រយៈពេលរាប់ម៉ោង ភ្នាក់ងារប្រឆាំងអំពើពុលរលួយរដ្ឋកូរ៉េខាងត្បូង បានសម្រេចផ្អាកអនុវត្តដីកាចាប់ខ្លួនលោក Yoon Suk Yeol សិន រង់ចាំពិនិត្យមើលលើជំហានបន្ទាប់ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយរបស់ Yonhap នៅថ្ងៃសុក្រទី៣ខែមករាឆ្នាំ២០២៥, ការិយាល័យស៊ើបអង្កេតអំពើពុករលួយសម្រាប់មន្ត្រីជាន់ខ្ពស់ (CIO) បានប្រកាសពីការផ្អាកនេះនៅម៉ោង ១:៣០នាទីរសៀល (ម៉ោងនៅកូរ៉េខាងត្បូង) បន្ទាប់ពីការងាររបស់ពួកគេត្រូវជួបប្រទះការតស៊ូពីសំណាក់កងសន្តិសុខនិងអ្នកគាំទ្រលោក Yoon ជាងមួយពាន់នាក់។

យ៉ាងណាភ្លាមៗនោះ CIO បានចេញសេចក្តីថ្លែងការណ៍ថា «យើងបរាជ័យក្នុងការអនុវត្តដីកាចាប់ខ្លួន ដោយសារតែមានការប្រឈមមុខមិនឈប់ឈរ ហើយក៏ផ្អាកអនុវត្តសិនដែរព្រោះក្តីបារម្ភចំពោះសុវត្ថិភាពរបស់បុគ្គលិកនៅនឹងកន្លែង។ យើងគ្រោងសម្រេចលើជំហានបន្ទាប់ក្រោយការពិនិត្យ ហើយយើងពិតជាសោកស្តាយយ៉ាងខ្លាំងចំពោះអាកប្បកិរិយារបស់ជនសង្ស័យ ដែលមិនព្រមអនុវត្តតាមនីតិវិធីផ្លូវច្បាប់»។

សូមបញ្ជាក់ជាថ្មី កាលពីថ្ងៃទី៣១ខែធ្នូឆ្នាំ២០២៤ តុលាការកូរ៉េខាងត្បូង បានអនុម័តដីកាចាប់ខ្លួនលោក Yoon ដោយអាចធ្វើឲ្យគាត់ ក្លាយជាប្រធានាធិបតីកាន់តំណែងដំបូងគេ ដែលត្រូវឃុំខ្លួន ជាផ្នែកមួយនៃការស៊ើបអង្កេតលើបទចោទប្រកាន់ថា គាត់ជាមេខ្លោងបះបោរដោយព្យាយាមដាក់ច្បាប់អាជ្ញាសឹក។

CIO ដែលកំពុងដឹកនាំក្រុមស៊ើបអង្កេតរួមគ្នា ជាមួយប៉ូលិសនិងរដ្ឋអាជ្ញា មានពេលរហូតដល់ថ្ងៃទី៦ខែមករា ដើម្បីអនុវត្តដីកាចាប់ខ្លួននេះ៕

អត្ថបទ៖ សុខ សុវណ្ណ

ចុចអាន៖ ប៉ូលិសកូរ៉េខាងត្បូង ចូលទៅចាប់ខ្លួនលោក Yoon តែត្រូវប្រទះចលនាតស៊ូពីសំណាក់អ្នកគាំទ្រនិងកងសន្តិសុខ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា