ព័ត៌មានអន្ដរជាតិ
បុណ្យសាសនាធំបំផុតនៅឥណ្ឌា រំពឹងមនុស្សចូលរួម ៤០០លាននាក់ដើម្បីងូតទឹកពិសិដ្ឋ
នៅថ្ងៃទី១៣ខែមករាឆ្នាំ២០២៥នេះ ពិធីបុណ្យ Kumbh Mela ដែលជាពិធីបុណ្យធំបំផុតនៅប្រទេសឥណ្ឌា បានចាប់ផ្ដើមឲ្យក្រុមអ្នកធ្វើធម្មយាត្រាហិណ្ឌូដ៏ច្រើនសន្ធឹកសន្ធាប់អធិដ្ឋាន និងងូតទឹកដ៏ពិសិដ្ឋជាបណ្ដើរហើយៗ ដោយអ្នករៀបចំរំពឹងថានឹងមានមនុស្សចំនួន ៤០០លាននាក់ចូលរួម ដែលជាការប្រមូលផ្តុំដ៏ធំបំផុតរបស់មនុស្សជាតិ។
ពិធីបុណ្យ Kumbh Mela ដែលមានអាយុរាប់ពាន់ឆ្នាំ ហើយជាការបង្ហាញពីការគោរពសាសនា និងការងូតទឹកតាមពិធីសាសនា ត្រូវបានប្រារព្ធឡើងនៅឯចំណុចប្រសព្វរវាងទន្លេចំនួន៣ មានដូចជា ទន្លេ Ganges ទន្លេ Yamuna និងទន្លេ Saraswati។
ប៉ូលិសឥណ្ឌា បាននិយាយថា ពួកគេកំពុងធ្វើការល្បាតទាំងថ្ងៃទាំងយប់ដោយមិនឈប់ឈរ ដើម្បីធានាសុវត្ថិភាពកម្រិតខ្ពស់សម្រាប់ព្រឹត្តិការណ៍នេះ។
បង្គន់អនាម័យប្រហែល ១៥ម៉ឺនបង្គន់ ត្រូវបានសាងសង់ ហើយបណ្តាញផ្ទះបាយសហគមន៍នីមួយៗអាចផ្គត់ផ្គង់អាហារដល់មនុស្សរហូតដល់ ៥ម៉ឺននាក់ក្នុងពេលតែមួយ។
បង្គោលភ្លើង LED ចំនួន ៦៨ ០០០បង្គោល ត្រូវបានសាងសង់សម្រាប់ការជួបជុំដ៏ធំមួយនេះ ដែលពន្លឺភ្លឺរបស់វាអាចមើលឃើញពីអវកាសបាន។
យោងតាមរដ្ឋាភិបាលឥណ្ឌា ពិធីបុណ្យ Kumbh Mela ប្រារព្ធរៀងរាល់៦ឆ្នាំម្ដង ហើយការធ្វើពិធីបុណ្យនេះលើកមុនកាលពីឆ្នាំ២០១៩ បានទាក់ទាញអ្នកធ្វើធម្មយាត្រាចំនួន ២៤០លាននាក់។
គួររំឭកថា គ្រោះថ្នាក់សាហាវៗ តែងតែកើតមានជាញឹកញាប់នៅកន្លែងគោរពបូជាក្នុងប្រទេសឥណ្ឌា នៅអំឡុងពិធីបុណ្យសាសនាធំៗ ដោយសារការគ្រប់គ្រងក្រុមមនុស្សមិនបានល្អ និងស្ដង់ដារសុវត្ថិភាពមិនគ្រប់គ្រាន់។
នៅខែកក្កដាឆ្នាំ២០២៤ មនុស្សចំនួន ១២១នាក់បានស្លាប់នៅរដ្ឋ Uttar Pradesh អំឡុងពេលការជួបជុំសាសនាហិណ្ឌូ។
មនុស្ស ១១២នាក់ផ្សេងទៀតបានស្លាប់នៅឆ្នាំ២០១៦ បន្ទាប់ពីការផ្ទុះដ៏ធំមួយដែលបណ្តាលមកពីការបាញ់កាំជ្រួច ដែលត្រូវបានហាមឃាត់ ដើម្បីប្រារព្ធពិធីចូលឆ្នាំថ្មីរបស់ហិណ្ឌូនៅប្រាសាទមួយកន្លែងនៅភាគខាងត្បូងរដ្ឋ Kerala៕
ដោយ៖ ឈាង
ចុចអាន៖ រត់ជាន់គ្នាស្លាប់៦នាក់ នៅវិហារសាសនាមួយកន្លែងនៅឥណ្ឌា
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន