ព័ត៌មានអន្ដរជាតិ

ស្ត្រីបារាំងវ័យ៥៣ ឆ្នាំ លែងលះស្វាមីសេដ្ឋីមករៀបការ Brad Pitt ក្លែងក្លាយ ចុងក្រោយចាញ់បោកលុយអស់៨៥ម៉ឺនដុល្លារ

បានផុស

១ year មុន

នៅ

ថ្ងៃព្រហស្បតិ៍ ១៦ មករា ២០២៥

ដោយ

តាមសារព័ត៌មាន France 24 បានរាយការណ៍ព័ត៌មានដ៏ភ្ញាក់ផ្អើលមួយ នៅពេលដែលស្ត្រីជនជាតិបារាំងអាយុ ៥៣ ឆ្នាំម្នាក់ បានបាត់បង់ប្រាក់ចំនួន ៨៥ម៉ឺនដុល្លារ ទៅឲ្យអ្នកបោកប្រាស់ដែលប្រើមុខមាត់ពិតរបស់តារាសម្ដែង Brad Pitt ដើម្បីបញ្ឆោតគាត់។

ស្ត្រីដែលត្រូវគេឆបោកមានឈ្មោះថា Anne បាននិយាយថា រឿងរ៉ាវចាប់ផ្ដើមនៅពេលនាងបានទទួលសារតាមហ្វេសប៊ុកដែលអះអាងថាជាម្ដាយរបស់ Brad Pitt ក្នុងខែកុម្ភៈ ឆ្នាំ ២០២៣ មុននឹងទទួលបានសារពីអ្នកបោកប្រាស់ដែលក្រោយមកបានអះអាងថាជាតារាហូលីវូដដ៏ល្បី។

ដំបូង នាងគ្រាន់តែនិយាយទៅកាន់ Brad ក្លែងក្លាយ នៅក្នុងសារជាអក្សរប៉ុណ្ណោះ ព្រោះមិនអាចលើកទូរស័ព្ទបាន។ ប៉ុន្តែគាត់នៅតែផ្ញើឃ្លិបខ្លីៗមកកាន់នាងជារឿយៗ។ ជាការពិតណាស់ ឃ្លិបទាំងនោះត្រូវបានបង្កើតឡើងដោយ AI ដោយប្រើកម្មវិធីដែលទាញមុខរបស់តារាហូលីវូដដ៏ល្បីល្បាញ។ យ៉ាងណា ការសន្ទនាបានបន្តអស់រយៈពេលជាង ១៨ ខែ ហើយ Brad ក្លែងក្លាយ បានបោកបញ្ឆោតនាងឲ្យធ្លាក់ក្នុងអន្លង់ស្នេហ៍ជាមួយគាត់ រហូតជននោះបានសុំ Anne រៀបការជាមួយគាត់ ដែលធ្វើឲ្យនាងសម្រេចចិត្តលែងលះប្តីមហាសេដ្ឋី ហើយបានទទួលប្រាក់សំណងប្រហែល ៧០០,០០០ អឺរ៉ូ ពីការលែងលះ។

បន្ទាប់មក Brad ក្លែងក្លាយបានអះអាងថា គាត់មានជំងឺមហារីកតម្រងនោម ហើយត្រូវស្វែងរកការព្យាបាល បន្ទាប់មកវាផ្ញើរូបថត និងវីដេអូដែលបង្កើតដោយ AI របស់ខ្លួនឯងក្នុងរូបភាពផ្សេងៗពេលសម្រាកនៅមន្ទីរពេទ្យ។

ក្នុងពេលនេះ Brad ក្លែងក្លាយអះអាងដូច្នេះ គាត់មិនអាចប្រើលុយរបស់គាត់បានទេ។ ចាប់តាំងពីនាងនៅតែលែងលះជាមួយអតីតភរិយា Angelina Jolie ដែលជាកំពូលតារាហូលីវូដ។ Anne ដែលស្ថិតក្នុងស្ថានភាពស្នេហាឆ្កួតនឹងបន្តផ្ញើប្រាក់ឲ្យគាត់ ជាមួយនឹងគំនិតនៃការជួយថ្លៃព្យាបាល និងការចំណាយផ្សេងៗទៀត។

របាយការណ៍បាននិយាយថា Anne មិនបានដឹងថានាងត្រូវបានគេបោកប្រាស់នោះទេ។ នាងតែងតែគិតថាគាត់ជាវីរបុរសពិតប្រាកដ រហូតដល់នាងចាប់ផ្ដើមមានការសង្ស័យបន្ទាប់ពីបានឃើញរូបភាពពិតរបស Brad Pitt ជាមួយមិត្តស្រីថ្មី Ines de Ramon តាមប្រព័ន្ធផ្សព្វផ្សាយ។ ក្រោយមក ទើបដឹងថា គណនីអ្នកទទួលដែលនាងបានផ្ទេរប្រាក់ទៅ គឺនៅក្នុងប្រទេសទួរគី។ មុនពេលដឹងខ្លួន Anne បានបាត់បង់លុយទាំងអស់ ហើយគ្មានឱកាសយកវាមកវិញទេ។ នេះជាលទ្ធផលនាងត្រូវស្វែងរកការព្យាបាលសម្រាប់ជំងឺធ្លាក់ទឹកចិត្តធ្ងន់ធ្ងរ៕