ព័ត៌មានអន្ដរជាតិ

Elon Musk ទះដៃសប្បាយអរជាងគេ ខណៈកូនពៅលោកត្រាំ បែរស្ងប់ស្ងាត់ខ្លាំង

បានផុស

១ year មុន

នៅ

ថ្ងៃអង្គារ ២១ មករា ២០២៥

ដោយ

មហាសេដ្ឋីអាមេរិកលោក Elon Musk បានទះដៃ និងអបអរសាទរយ៉ាងក្លៀវក្លា ដោយគាំទ្រប្រធានាធិបតីអាមេរិកថ្មី ដូណាល់ ត្រាំ ខណៈដែលកូនពៅលោកត្រាំគឺ បារ៉ុន ត្រាំ (Barron Trump) មានភាពស្ងប់ស្ងាត់ខ្លាំងនៅក្នុងពិធីស្បថឡើងកាន់តំណែងរបស់ឪពុក។

នៅក្នុងវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គម លោក Elon Musk បានបង្ហាញការសាទរជាខ្លាំងជាមួយទឹកមុខដ៏ញញឹមញញែម ហើយនិងលើកមេដៃពីរបង្ហាញពីការគាំទ្រ ព្រមទាំងអបអរសាទរយ៉ាងសប្បាយរីករាយនៅក្នុងសាលប្រជុំ បន្ទាប់ពីប្រធានាធិបតីថ្មីរបស់សហរដ្ឋអាមេរិក ដូណាល់ ត្រាំ បានប្តេជ្ញាថានឹងដាំទង់ជាតិអាមេរិកនៅលើភពអង្គារនៅក្នុងសុន្ទរកថា ក្រោយការសម្ពោធរបស់លោកនៅ Mount Everest ។ ផ្ទុយពីមហាសេដ្ឋីអាមេរិក កូនប្រុសពៅប្រចាំគ្រួសារត្រាំ ហាក់ដូចជាស្ងប់ស្ងាត់ពេក និងបង្ហាញទឹកមុខនឹងធឹងក្នុងបរិយាកាសដ៏ឪឡារិកនេះ។

បន្ទាប់ពីមហាជមនបានទស្សនានូវឃ្លិបវីដេអូនោះរួច ពួកគេបានផ្ដល់ជាមតិរួមថា Elon គឺជាថាមពលដែលគ្រប់គ្នាចង់បាន ប៉ុន្តែ បារ៉ុន ត្រាំ គឺជាថាមពលដែលតែងតែបង្ហាញដល់មនុស្ស។ វាដូចជានៅសាលាបឋមសិក្សា គ្រូបង្រៀនតែងតែដាក់ក្មេងស្វាហាប់នៅក្បែរសិស្សដែលមានអាកប្បកិរិយាច្រលើសបើស។ Elon Musk តែងតែមើលទៅដូចមិត្តរួមថ្នាក់ដ៏គួរឲ្យរំខានដែលបោះយន្តហោះក្រដាសពីជួរខាងក្រោយ ចំណែកកូនលោកត្រាំ មើលទៅដូចជាប្រធានកិច្ចប្រជុំទូទៅ។

ទោះបីជាយ៉ាងណាក៏ដោយ ការបន្ទាបខ្លួនរបស់ បារ៉ុន ត្រាំ គឺមិនមែនជារឿងចម្លែកសម្រាប់អ្នកដែលស្គាល់កូនប្រុសពៅលោកត្រាំឡើយ។ ទោះបីជាគាំទ្រឪពុករបស់គាត់ក៏ដោយក្មេងជំទង់វ័យ១៨ឆ្នាំរូបនេះ មិនដែលចេញសេចក្តីថ្លែងការណ៍ជាសាធារណៈទេ។ ក្នុងអំឡុងពេលឃោសនាបោះឆ្នោតប្រធានាធិបតី ស្ត្រីទីមួយ Melania បានប្រយ័ត្នប្រយែងក្នុងការរក្សាកូនប្រុសឲ្យនៅឆ្ងាយពីការយកចិត្តទុកដាក់តាមដែលអាចធ្វើទៅបាន។

មិនតែប៉ុណ្ណោះ យោងតាមរបាយការណ៍ផ្សេងៗក៏បានបញ្ចាក់ដែរថា បារ៉ុន ត្រាំ តែងតែផ្តល់ដំបូន្មានដល់ប្រធានាធិបតីអាមេរិកថ្មី អំពីរបៀបភ្ជាប់ទំនាក់ទំនងជាមួយអ្នកបោះឆ្នោតនៃសម័យ GenZ ដូចជារូបគេជាដើម។ ជាពិសេសនៅក្នុងបទសម្ភាសន៍មួយដែលផ្សាយជាមួយ Fox News លោកត្រាំ ក៏ធ្លាប់បានចែករំលែកដោយមោទនភាព និងសរសើរកូនប្រុសចំៗថា រូបគេពិតជាក្មេងដ៏អស្ចារ្យ ហើយក៏ជាសិស្សល្អបំផុត បើទោះជាគេមានឪពុកជាប្រធាធិបតីអាមេរិកក៏ដោយ៕