ជីវិតកម្សាន្ដ

កាសែតចិនផ្សាយថា IU និង Lee Jong Suk បែកគ្នា?

បានផុស

១ year មុន

នៅ

ថ្ងៃចន្ទ ១០ កុម្ភៈ ២០២៥

ដោយ

យោងតាមប្រព័ន្ធផ្សព្វផ្សាយរបស់ចិន អ្នកលេងអ៊ីនធឺណិតកូរ៉េមួយចំនួនបានរកឃើញថា IU ពាក់ចិញ្ចៀននៅលើម្រាមដៃចង្អុលរបស់នាង។ នៅប្រទេសកូរ៉េ ការពាក់ចិញ្ចៀននៅលើម្រាមដៃចង្អុលមានន័យថា នៅលីវ។ ចាប់តាំងពីពេលនោះមក មនុស្សជាច្រើនបានស្មានថា តារាស្រីបានបែកគ្នាជាមួយ Lee Jong Suk ហើយ។

ដ្បិតថាយ៉ាងនេះក្ដី គ្រាន់តែជាការរំពឹងទុកពីសហគមន៍អនឡាញប៉ុណ្ណោះ ខណៈដែលអ្នកទាំងពីរមិនបានចេញមុខឆ្លើយតបថាព៌ត៌មាននេះគឺជាការពិតឬយ៉ាងណានោះទេ។

IU និង Lee Jong Suk បានសារភាពស្នេហ៍ជាផ្លូវការនៅឆ្នាំ ២០២២ បន្ទាប់ពី Dispatch បានបង្ហាញរូបថតរបស់ពួកគេទៅវិស្សមកាលជាមួយគ្នានៅប្រទេសជប៉ុន។ គិតមកដល់ពេលនេះ អ្នកទាំងពីរមានចំណងស្នេហាជាមួយគ្នាបាន៣ឆ្នាំហើយ។ គូស្នេហ៍មួយគូនេះមានភាពសម្ងាត់ខ្លាំងចំពោះទំនាក់ទំនងរបស់ពួកគេ ហើយមិនដែលបង្ហាញខ្លួនជាមួយគ្នាក្នុងរង្វង់មួយឡើយ។ យ៉ាងណាមិញ បើតាមប្រព័ន្ធផ្សព្វផ្សាយកូរ៉េ ទំនាក់ទំនងរវាងអ្នកទាំងពីរគឺផ្អែមល្ហែមខ្លាំងលើសពីលការរំពឹងទុកទៅទៀត។

មិនតែប៉ុណ្ណោះ នៅពេលដែលប្អូនប្រុសរបស់ Lee Jong Suk រៀបការ IU បានបង្ហាញខ្លួនក្នុងពិធីមង្គលការ និងច្រៀងចម្រៀងមួយបទ ដើម្បីអបអរសាទរគូស្នេហ៍។ ចំណែកឯភាគីខាងប្រុសក៏បានអញ្ជើញប្អូនប្រុសរបស់ IU ទៅធ្វើដំណើរកម្សាន្តបុណ្យណូអែលជាមួយគ្នា។ តារាប្រុសរូបនេះ ក៏ត្រូវបានគេប្រទះឃើញជាញឹកញាប់ក្នុងការប្រគំតន្ត្រីដើម្បីជួយមិត្តស្រីរបស់ខ្លួនថែមទៀតផង៕