កីឡា

ម្ចាស់ខ្សែក្រវាត់ K-1 ៥ខ្សែ Masaaki ប៉ះ Tawanchai ដណ្តើមខ្សែក្រវាត់ពិភពលោក

បានផុស

១ year មុន

នៅ

ថ្ងៃអង្គារ ៤ មីនា ២០២៥

ដោយ

កីឡាករប្រដាល់ជប៉ុន Masaaki Noiri ត្រូវទទួលជើងខ្លាំងថៃ Tawanchai នៅថ្ងៃទី២៣ ខែមីនា ឆ្នាំ២០២៥ នៅប្រទេសជប៉ុនដើម្បីដណ្តើមខ្សែក្រវាត់ឃីកបុកស៊ីងពិភពលោកដែលនៅទំនេររៀបចំដោយស្ថាប័ន ONE Championship។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជើងខ្លាំង Masaaki ជាកីឡាករប្រដាល់ជប៉ុនដែលមានបទពិសោធច្រើនក្នុងអាជីពឃីកបុកស៊ីង នៅស្ថាប័នប្រដាល់ K-1។ កីឡាករបានចាប់អាជីពតាំងពីឆ្នាំ២០០៧ ដែលរហូតដល់ពេលនេះបានឡើងសង្វៀនចំនួន៦២ដង ក្នុងនោះឈ្នះ៥០ដង និងចាញ់១២ដង។

រូបគេជាកីឡាករប្រដាល់ជប៉ុនមួយរូបដែលទទួលបានជោគជ័យខ្លាំងក្នុងអាជីពដោយបានឆ្លងកាត់ស្ថាប័នប្រដាល់ធំៗជាច្រើនមានដូចជា សង្វៀន Glory, សង្វៀន Krush, សង្វៀន K-1 និងចុងក្រោយចូលសង្វៀនធំប្រចាំតំបន់អាស៊ី ONE។

ស្ថិតក្នុងវ័យ៣១ឆ្នាំ កីឡាករ Masaaki Noiri បានឈ្នះខ្សែក្រវាត់ការ៉ាតេថ្នាក់ជាតិជប៉ុន២ដង ឈ្នះជើងឯកថ្នាក់ជាតិជប៉ុនក្នុងដំណើរឆ្ពោះទៅកាន់ស្ថាប័ន Glory ម្តង ឈ្នះខ្សែក្រវាត់ឃីកបុកស៊ីង K-1 រហូតដល់៥ដង និងឈ្នះខ្សែក្រវាត់នៅសង្វៀន Krush ពីរដង។

កាលពីឆ្នាំ២០២១កន្លងទៅ Masaaki បានក្លាយជាកីឡាករឆ្នើមបំផុតប្រចាំឆ្នាំរបស់ស្ថាប័នឃីកបុកស៊ីងពិភពលោក K-1។

ឥឡូវនេះ រូបគេបានបោះជំហានចូលសង្វៀន ONE Championship ជាថ្មីដោយត្រូវ តទល់ជាមួយជើងខ្លាំងលំដាប់លេខ១នៅប្រទេសថៃ Tawanchai ដើម្បីដណ្តើមខ្សែក្រវាត់ឃីកបុកស៊ីងពិភពលោក នៅប្រទេសកំណើតរបស់ខ្លួន។ ការប្រកួត៣លើកកន្លងមកនៅសង្វៀន ONE រូបគេឈ្នះ១ និងចាញ់២។