ជីវិតកម្សាន្ដ

Cardi B បាចលុយរាប់លានដុល្លារ បង្ហាញភាពហ៊ឺហារក្នុងក្លិប ដូចមហាសេដ្ធី

បានផុស

១ year មុន

នៅ

ថ្ងៃពុធ ១២ មីនា ២០២៥

ដោយ

តារាចម្រៀងរ៉េប Cardi បានធ្វើឲ្យអ្នកគាំទ្រភ្ញាក់ផ្អើលជាខ្លាំង បន្ទាប់ពីរូបនាងកាន់លុយដុល្លារទាំងបាច់ៗ បាចឡើងទៅលើ រួចបញ្ចេញសកម្មភាពរាំងបណ្ដើរច្រៀងបណ្ដើរ នៅក្នុងក្លិបមួយនៃសាធារណរដ្ឋដូមីនីកែន លើទឹកដីអាមេរិក។

តាររយៈវីដេអូនោះ តារារ៉េបដែលឈ្នះពានរង្វាន់ Grammy បានស្លៀកពាក់ឈុតពណ៌ផ្កាឈូក ដោយបញ្ចេញសកម្មភាពដើរចូលក្លឹបដែលប្រដាប់ដោយលុយកាក់រាប់លានដុល្លារក្នុងដៃ ហើយក្រោយមកនាងក៏ទាញលុយទាំងនោះបាចឡើងទៅលើភ្លាំៗ។ ភ្លាមៗនោះដែរ ហ្វូងមនុស្សដែលនៅនៅជុំវិញតារាស្រីស្រាប់តែធ្វើតាមនាង ព្រមទាំងស្រែកហ៊ោឡើងមក ខណៈអ្នកខ្លះ កាន់កាមេរ៉ាបំភ្លឺហាក់សប្បាយរីករាយនឹងទិដ្ធភាពបែបនេះខ្លាំង។

ទោះបីជាយ៉ាងណាក៏ដោយ សកម្មភាពរបស់តារារ៉េបវ័យ៣២ឆ្នាំក្នុងក្លិបកម្សាន្ត បានធ្វើឲ្យមានការរិះគន់យ៉ាងភ្លូកទឹកភ្លូកដីពីសំណាក់អ្នកទស្សនា។ អ្នកខ្លះចោទសួរពីរឿងហួសហេតុនេះ ដោយឆ្ងល់ថា នាងដុតលុយប៉ុន្មានយប់នោះ? តើនោះ គ្រាន់តែជាការលេងសើចរបស់នាងឬមានអត្ថន័យជ្រៅជាងនេះ ។

យ៉ាងណាមិញ កាលពេលកន្លងមក ក្រុមអ្នករិះគន់ជាច្រើនបានចោទសួរអំពីបញ្ហាហិរញ្ញវត្ថុរផ្ទាល់ខ្លួនរបស់នាង បន្ទាប់ពីវីដេអូដែល Cardi B ពាក់អាវរដូវរងាចំនួន ៤ ពី Shein ដែលជាវេទិកាពាណិជ្ជកម្មអេឡិចត្រូនិកដែលបង្កើតឡើងនៅប្រទេសចិន និងត្រូវគេស្គាល់ថាជាយីហោសម្លៀកបំពាក់តម្លៃទាបបំផុត។ នាពេលនោះ តារាស្រីបានឆ្លើយតបផូងៗថា ខ្លួនតែងតែចំណាយប្រាក់ ៣លានដុល្លារក្នុងមួយខែ ហើយអាចទិញអ្វីដែលនាងចង់បានថែមទៀតផង៕