ព័ត៌មានអន្ដរជាតិ

អាមេរិក ធានាមិនដកខ្លួនចេញពីអង្គការ ណាតូ ឡើយ

បានផុស

២ ខែ មុន

នៅ

ថ្ងៃសុក្រ ៤ មេសា ២០២៥

ដោយ

តាមការចុះផ្សាយរបស់ RT, សហរដ្ឋអាមេរិក បានបង្ហាញជំហរយ៉ាងច្បាស់ថា ខ្លួននឹងមិនចាកចេញពីអង្គការណាតូឡើយ សូមប្រទេសជាសមាជិកកុំបារម្ភអី។

រដ្ឋមន្ត្រីការបរទេសអាមេរិក Marco Rubio (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តីនេះគឺចេញពីមាត់រដ្ឋមន្ត្រីការបរទេសអាមេរិក Marco Rubio អំឡុងកិច្ចប្រជុំរដ្ឋមន្ត្រីការបរទេសរបស់អង្គការណាតូនៅទីក្រុងព្រុចសែលនៃប្រទេសបែលហ្ស៊ិក កាលពីថ្ងៃព្រហស្បតិ៍ទី៣ខែមេសាឆ្នាំ២០២៥។

ការអះអាងរបស់លោក Rubio កើតឡើងចំពេលមានភាពស្រពិចស្រពិលចំពោះសមាជិកភាពរបស់សហរដ្ឋអាមេរិក ដោយលោកត្រាំ តែងបង្ហាញការអាក់អន់ស្រពន់ចិត្តនិងគំរាមដកខ្លួនចេញជាច្រើនលើកច្រើនសាព្រោះតែរដ្ឋណាតូមួយចំនួន មិនអាចបំពេញតាមគោលដៅចំណាយបាន។

ពាក់ព័ន្ធរឿងនេះ ឥឡូវរដ្ឋមន្ត្រីការបរទេសអះអាងថា ទីក្រុងវ៉ាស៊ីនតោន នៅតែប្តេជ្ញាចិត្តចំពោះប្លុកយោធាមួយនេះ។ យោងតាមលោក Rubio, «សហរដ្ឋអាមេរិកជាសមាជិករបស់អង្គការណាតូ! សហរដ្ឋអាមេរិកនៅតែសកម្មក្នុងអង្គការណាតូដូចដើម»។

ទោះបីជាយ៉ាងណាក៏ដោយ ក្នុងអំឡុងពេលនោះ លោក Rubio ក៏ជំរុញឲ្យរដ្ឋជាសមាជិកទាំងអស់ ធ្វើយ៉ាងណា ត្រូវតែបង្កើនកញ្ចប់ចំណាយលើយោធារបស់ពួកគេផងដែរ។

សូមជម្រាបជាថ្មី ចាប់តាំងពីចូលកាន់តំណែងជាប្រធាធិបតីសហរដ្ឋអាមេរិកជាលើកទី២ លោក ត្រាំ បានបង្ខំឲ្យសមាជិកណាតូ បង្កើនការបង់ប្រាក់ក្នុងវិស័យការពារជាតិ ព្រមទាំងគំរាមដកអាមេរិកចេញទៀតោង។

ក្រោយការគំរាមនោះ ប្រទេសសមាជិកនៅតំបន់បាល់កង់ មានអេស្តូនី រូម៉ានី ឡេតូនី ម៉ុលឡាវី បានបង្ហាញឆន្ទៈបង្កើនការចំណាយក្នុងវិស័យការពារជាតិ ស្របតាមសំណើររបស់លោកត្រាំ។ ក្រៅពីនេះ ចក្រភពអង់គ្លេសដែលក៏ជាមហាអំណាចផងដែរនោះ ក៏បានបង្កើនការចំណាយលើវិស័យការពារជាតិយ៉ាងសន្ធឹកសន្ធាប់ដែរ៕

អត្ថបទ៖ សុខ សុវណ្ណ

ចុចអាន៖ ត្រាំ ផ្តាំទៅ ហ្សេលេនស្គី ថា ទោះប្រគល់រ៉ែកម្រ ឲ្យអាមេរិក ក៏អ៊ុយក្រែន មិនអាចចូលណាតូបានដែរ