ព័ត៌មានជាតិ

CBC បង្ហើបគន្លឹះដោះស្រាយ ដើម្បីស្តារឥណទានខូច ដោយសារបង់យឺត

បានផុស

១ year មុន

នៅ

ថ្ងៃពុធ ៩ មេសា ២០២៥

ដោយ

ការស្តារឥណទានខូចដោយសារការបង់យឺត មានការអនុវត្តយន្តការសម្របសម្រួលដែលមានការចូលរួមពីផ្នែកពាក់ព័ន្ធមិនថាគ្រឹះស្ថានដែលផ្តល់កម្ចីឥណទាន និងអតិថិជនជាអ្នកទទួលកម្ចីឥណទាន។ នេះបើតាមលោក ខុម ច័ន្ទតារា នាយកប្រតិបត្តិការក្រុមហ៊ុនក្រេឌិតប្យួរ៉ូ ខេមបូឌា (CBC)។

នៅក្នុងកម្មវិធីពិសេសការប្រើប្រាស់ឥណទាន ប្រកបដោយការទទួលខុសត្រូវដែលរៀបចំកាលពីពេលថ្មីៗនេះ ឆ្លើយតបសំនួររបស់កម្ពុជាថ្មីជុំវិញការស្តារឥណទានរបស់អតិថិជន ដែលមានបញ្ហាបង់យឺតដោយសាររងសម្ពាធសេដ្ឋកិច្ច លោក ខុម ច័ន្ទតារា បានបង្ហើបពីគន្លឹះមួយចំនួន ដើម្បីអតិថិជនអាចស្តារឥណទានឡើងវិញដោយសារការបង់យឺត ខណៈប្រព័ន្ធចែករំលែកព័ត៌មានឥណទាន (CBC) បានសម្របសម្រួលបន្ថយការកត់ត្រាឥណទានខូចរបស់អតិថិជនពី ៣ ឆ្នាំមកនៅត្រឹមតែ ២ ឆ្នាំ ឬ ២៤ ខែ ដើម្បីឲ្យអតិថិជនអាចស្តារឥណទានត្រឡប់មកធម្មតាវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខុម ច័ន្ទតារា នាយកប្រតិបត្តិការក្រុមហ៊ុនក្រេឌិតប្យួរ៉ូ ខេមបូឌា (CBC

លោកសង្កត់ធ្ងន់ថា ក្នុងមុខជំនួញចៀសមិនផុត តែងមានចំណេញមានខាត។ ដើម្បីផ្តល់ឱកាសដល់អតិថិជនក្នុងការស្តារសម្រួលលំហូរឥណទានត្រឡប់មកធម្មតាវិញ ប្រព័ន្ធចែករំលែកព័ត៌មានឥណទាន (CBC) បានអនុវត្តយន្តការសម្របសម្រួល លើការកត់ត្រាឥណទានខូចដោយសារការបង់យឺត ដោយបន្ថយរយៈពេលកត់ត្រាពី ៣ ឆ្នាំមកនៅត្រឹមតែ ២ ឆ្នាំ។

ករណីឥណទានខូចដោយសារការបង់យឺតមានកម្រិតខុសៗគ្នា។ នេះបើតាមលោក ខុម ច័ន្ទតារា។ ការស្តារឥណទានឡើងវិញ គឺតាមរយៈដែលអតិថិជនត្រូវព្យាយាមបង់ឲ្យទៀងទាត់ឡើងវិញលើឥណទានដែលបង់យឺត។ ការបង់ទៀងទាត់ឡើងវិញ ក្នុងរយៈពេល ២ ឆ្នាំ ប្រព័ន្ធចែករំលែកឥណទាននឹងត្រឡប់មកធម្មតាវិញ ហើយឥណទានវិជ្ជមាននឹងត្រូវកត់ត្រាទុករហូតដល់ ១០ ឆ្នាំ៕