ខេត្តរតនគិរី មានភ្លៀងកក់ខែ៦០% ជាមួយផ្គររន្ទះចំនួន៣ថ្ងៃនៅមុនពិធីបុណ្យចូលឆ្នាំខ្មែរ

ខេត្តរតនគិរី មានភ្លៀងធ្លាក់កក់ខែ ៦០% អមមកជាមួយផ្គររន្ទះ នៅមុនពិធីបុណ្យចូលឆ្នាំប្រពៃណីជាតិ សម្រាប់ស្រោចស្រពស្រែចម្ការ ដល់ប្រជាកសិករ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការព្យាករណ៍អាកាសធាតុរបស់មន្ទីរឧតុនិយមនិងធនធានទឹក ខេត្តរតនគិរី បានចេញសេចក្តីប្រកាសថា ចាប់ពីថ្ងៃទី ១១ ខែមេសា ឆ្នាំ ២០២៥ រហូតដល់ ថ្ងៃទី ១៣ ខែមេសា ឆ្នាំ ២០២៥ នេះទៅនឹងមាមភ្លៀងផ្គររន្ទះ បន្ទាប់ពីភ្លៀងមួយ១មេធំ កាលពីម្សិលមិញ។

ការប្រែប្រួលអាកាសធាតុនេះ គឺខេត្តរតនគិរី បានទទួលឥទ្ធិពល ពី កម្រិតសម្ពាធខ្សោយ ។ ស្ថានភាពបែបនេះនឹងធ្វើឱ្យ សីតុណ្ហភាព ២៣°C ទៅ ៣៣°C ខ្យល់បក់ ប្រែប្រួលទិស និង មានល្បឿន ១ ទៅ ៤ ម៉ែត្រ វិនាទី។ ស្ថានភាពភាពជាក់ស្តែងនៅព្រឹកនេះ ផ្ទៃមេឃមានពពកពណ៌សរសាត់ និងពន្លឺព្រះអាទិត្យបញ្ចេញរស្មីល្អ ចំណែកនៅរសៀល ផ្ទៃអាកាសមានពពកច្រើនចាប់ផ្តើមខ្មៅងងឹត ។

ចាប់ពីថ្ងៃនេះទៅមានរយៈពេល ៣ ថ្ងៃ មានភ្លៀងផ្គររន្ទះពី តិច ទៅ បង្គួរ បរិមាណ ៦០%។ យោងតាមប្រកាសខាងលើ ល្បឿនខ្យល់ប៉ក់បោកខ្លាំង ឆាប់រហ័ស និងផ្លេកបន្ទោរលាយឡំ សម្លេងផ្គររន្ទះ យ៉ាងខ្លាំង នៅពេលរលឹម ។

សូមប្រជាពលរដ្ឋទាំងអស់ មានការយកចិត្តទុកដាក់ថែរក្សា សុខភាព អនាម័យ ផឹកទឹកឆ្អិនល្អ និងការពារខ្លួនពីការត្រូវទឹកភ្លៀង ដែលអាចបង្កទៅជាជំងឺផ្តាសាយ៕

ដោយ៖ ខៀវ ចាប