ព័ត៌មានជាតិ
ប្រធានសភាកម្ពុជា-វៀតណាម គាំទ្រកិច្ចសម្របសម្រួលជំរុញទំហំពាណិជ្ជកម្មទ្វេភាគីឱ្យដល់២០ប៊ីលានដុល្លារ
ក្នុងជំនួបនៅទីក្រុងហូជីមិញ ប្រធានព្រឹទ្ធសភាកម្ពុជា សម្ដេចតេជោ ហ៊ុន សែន និងប្រធានរដ្ឋសភាវៀតណាម លោក ជិន ថាញ់មិន បានប្រកាសគាំទ្រចំពោះកិច្ចសម្របសម្រួលជំរុញពាណិជ្ជកម្មទ្វេភាគីរវាងកម្ពុជា និងវៀតណាម ឱ្យដល់ទំហំ២០ប៊ីលានដុល្លារអាមេរិក។
ការប្រកាសគាំទ្រពីប្រមុខសភាទាំងពីរ គឺបានធ្វើឡើងបន្ទាប់ពីកម្ពុជា-វៀតណាម តាមរយៈក្រសួងពាណិជ្ជកម្មនៃប្រទេសទាំងពីរ បានចុះហត្ថលេខាលើកិច្ចសម្របសម្រួលជំរុញពាណិជ្ជកម្មទ្វេភាគី សម្រាប់អនុវត្តឆ្នាំ២០២៥-២០២៦ ដែលនឹងចូលរួមចំណែកយ៉ាងសំខាន់ក្នុងការសម្រេចបាននូវគោលដៅទំហំពាណិជ្ជកម្មចំនួន ២០ប៊ីលានដុល្លាអាមេរិក តាមការដាក់ចេញដោយថ្នាក់ដឹកនាំកំពូលនៃប្រទេសទាំងពីរ។
ការចុះហត្ថលេខាលើកិច្ចសម្របសម្រួលជំរុញពាណិជ្ជកម្មទ្វេភាគីរវាងក្រសួងពាណិជ្ជកម្មរបស់កម្ពុជា-វៀតណាមនេះ សម្តេចតេជោ ហ៊ុន សែន បានសម្តែងក្តីសាទរ ដោយតាមរយៈកិច្ចសម្របសម្រួលនេះ ភាគីទាំងពីរបានព្រមព្រៀងគ្នាបង្កើតគណៈកម្មការពាណិជ្ជកម្មចម្រុះ ដើម្បីបង្កើនទំហំពាណិជ្ជកម្មឱ្យដល់គោលដៅ ២០ប៊ីលានដុល្លារអាមេរិក និងការរួមគ្នាដោះស្រាយបញ្ហាពាណិជ្ជកម្មនៅតាមបណ្តោយព្រំដែន។
ស្របទៅនឹងប្រធានព្រឹទ្ធសភាកម្ពុជា ប្រធានរដ្ឋសភាវៀតណាម លោក ជិន ថាញ់មិន ក៏បានបង្ហាញការគាំទ្រចំពោះកិច្ចព្រមព្រៀងរវាងរដ្ឋាភិបាលកម្ពុជា និងរដ្ឋាភិបាលវៀតណាម ដូចគ្នានេះផងដែរ ដើម្បីជំរុញការធ្វើពាណិជ្ជកម្មរបស់ប្រទេសទាំងពីរឱ្យកើនដល់២០ប៊ីលានដុល្លារ។ នេះបើតាមការឱ្យដឹងដោយលោក ជា ធីរិទ្ធ អ្នកនាំពាក្យព្រឹទ្ធសភា ក្រោយជំនួបរវាងប្រធានសភាទាំងពីរ នាទីក្រុងហូជីមិញ នារសៀលថ្ងៃទី២៩ ខែមេសា ឆ្នាំ២០២៥។
បើយោងតាមរបាយការណ៍របស់ក្រសួងពាណិជ្ជកម្ម គឺទំហំពាណិជ្ជកម្មកម្ពុជា-វៀតណាម សម្រេចបាននូវទំហំទឹកប្រាក់ ៧,៧៨ពាន់លានដុល្លារ ក្នុងឆ្នាំ២០២៤ កើនឡើង ១៨,២% បើប្រៀបធៀបនឹងឆ្នាំ២០២៣ ដែលមានទំហំទឹកប្រាក់ជាង ៦,៥៨ពាន់លានដុល្លារ។ ក្នុងនោះ កម្ពុជានាំចេញទៅវៀតណាមមានទំហំទឹកប្រាក់ប្រមាណ៣,៦១ពាន់លានដុល្លារ កើន ២១,៦% ធៀបនឹងឆ្នាំ២០២៣ និងវៀតណាមនាំចូលមកកម្ពុជាវិញមានទំហំទឹកប្រាក់៤,១៦ពាន់លានដុល្លារ កើនឡើង ១៥,៤%។
ផលិតផលសំខាន់ៗ ដែលកម្ពុជានាំទៅវៀតណាម រួមមានស្រូវ កៅស៊ូ ស្វាយចន្ទី ដំឡូងមី ពោត ចេក ស្វាយ ថ្នាំជក់ ខណៈវៀតណាម នាំមកវិញដូចជា សម្ភារៈសំណង់ គ្រឿងម៉ាស៊ីន ប្រេងឥន្ធនៈ ខបករណ៍អេឡិចត្រូនិក-អគ្គិសនី ជីកសិកម្ម គ្រឿងទេស និងបន្លែ ផ្លែឈើ ជាដើម៕
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ