ព័ត៌មានជាតិ

សារមន្ទីរវាយនភណ្ឌអាស៊ី នាំបង្ហាញឈុតសំលៀកបំពាក់ប្រពៃណីកម្របានឃើញ ប្រទេសតាមដងទន្លេមេគង្គ

បានផុស

៣ ខែ មុន

នៅ

ថ្ងៃចន្ទ ៥ ឧសភា ២០២៥

ដោយ

សារមន្ទីរវាយនភណ្ឌប្រពៃណីអាស៊ី បាននាំមកការបង្ហាញឈុតសំលៀកបំពាក់ប្រពៃណីប្រទេសជុំវិញដងទន្លេមេគង្គ និងទន្លេគង្គា ដល់សាធារណជនបានទស្សនា ជាផ្នែកមួយចូលរួមអភិរក្សវាយនភណ្ឌវប្បធម៌ប្រទេសនៅក្នុងតំបន់។

សារមន្ទីរវាយនភណ្ឌប្រពៃណីអាស៊ី មានទីតាំងស្ថិតនៅភូមិបឹងដូនប៉ា សង្កាត់ស្លក្រាម ក្រុងសៀមរាប តាមបណ្តោយផ្លូវសម្តេចវិបុលបញ្ញា សុខ អាន ឬហៅថាផ្លូវ ៦០ ម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសារមន្ទីរបែងចែកទីតាំងបង្ហាញនូវសមុច្ច័យ ៤ សាលពិព័រណ៍សំខាន់ៗមានដូចជា៖ សាលព័ត៌មានពិព័រណ៍ សាលពិព័រណ៍វត្ថុធាតុដើម សាលពិព័រណ៍វាយនភណ្ឌបុរាណ និងសាលពិព័រណ៍វាយនភណ្ឌសហសម័យ។

ក្រៅពីទស្សនាម៉ូតសម្លៀកបំពាក់ប្រពៃណីប្រទេសផ្សេងៗក្នុងតំបន់ ក្នុងសារមន្ទីរបាននាំមកការតាំងបង្ហាញពីសំពត់ហូល អាវ និងក្រណាត់ហូល ដែលបានមកពីការបរិច្ចាគរបស់ពលរដ្ឋពីស្រុកព្រៃកប្បាសខេត្តតាកែវ ដែលមានអាយុកាលជាង ៥០ ឆ្នាំ។

គោលបំណងនៃការរៀបចំបង្កើតសារមន្ទីរវាយនភណ្ឌប្រពៃណីអាស៊ី គឺដើម្បីថែរក្សាប្រពៃណីនៃការផលិតវាយនភណ្ឌ ក៏ដូចជាបង្ហាញពីទំនាក់ទំនងរវាងអរិយធម៌ វប្បធម៌ ប្រទេសជាសមាជិកដែលមានរយៈពេលជាច្រើនសតវត្សរ៍។

សារមន្ទីរវាយនភណ្ឌប្រពៃណីអាស៊ី បានចាប់ផ្តើមកសាសងឡើងនៅឆ្នាំ២០១០ និងបើកឱ្យដំណើរការនៅឆ្នាំ២០១៤ ក្រោមកិច្ចសហប្រតិបត្តិការទន្លេមេគង្គ-ទន្លេគង្គា ដោយមានប្រទេសចំនួន ៦ ចូលរួមដូចជា៖ ប្រទេសកម្ពុជា, ឥណ្ឌា, ឡាវ, មីយ៉ាន់ម៉ា, ថៃ និងប្រទេសវៀតណាម៕