ព័ត៌មានអន្ដរជាតិ
ប៉ាគីស្ថាន ប្រកាសថា ទាល់តែឥណ្ឌាឈប់បាញ់មុន ទើបខ្លួនឈប់បាញ់ដែរ
កម្តៅនៃភ្លើងសង្គ្រាមឥណ្ឌា-ប៉ាគីស្ថាន រឹតតែក្តៅឡើងៗ ក្រោយប្រទេសទាំងពីរបាញ់សងសឹកគ្នាទៅវិញទៅមក ឈានដល់ក្តីព្រួយបារម្ភអំពីការប្រើអាវុធនុយក្លេអ៊ែរ ខណៈបណ្តាមេដឹកនាំពិភពលោក ចេញការអំពាវនាវឲ្យភាគីជម្លោះ ត្រូវរក្សាភាពអត់ធ្មត់បានឲ្យខ្លាំងបំផុត។
ជុំវិញភាពតានតឹងនេះដែរ រដ្ឋមន្ត្រីការបរទេសប៉ាគីស្ថាន Ishaq Dar បានចេញមុខប្រកាសខ្លួន ប្រទេសរបស់លោកចង់ឲ្យស្ថានការណ៍ថមថយណាស់ ប៉ុន្តែបើឥណ្ឌានៅតែបាញ់ ប៉ាគីស្ថានក៏នៅតែបាញ់ដូចគ្នា។
ថ្លែងប្រាប់សារព័ត៌មាន Geo News នៅថ្ងៃសៅរ៍ទី១០ខែឧសភាឆ្នាំ២០២៥ លោក Dar និយាយថា «បើចង់ឲ្យប៉ាគីស្ថានឈប់បាញ់ លុះត្រាតែឥណ្ឌាឈប់បាញ់មុន។ បើពួកគេនៅតែវាយប្រហារ យើងក៏នឹងនៅតែឆ្លើយតបដូចគ្នា។ យើងឆ្លើយតបព្រោះការអត់ធ្មត់របស់យើងមានដែនកំណត់ បើពួកគេឈប់ យើងក៏ឈប់ដែរ»។
សេចក្តីប្រកាសរបស់លោក Dar កើតឡើងចំពេលប៉ាគីស្ថានចោទឥណ្ឌាថា បានបើកការវាយប្រហារដោយមីស៊ីលទៅលើមូលដ្ឋានទ័ពអាកាសចំនួនបីរបស់ខ្លួននៅព្រឹកថ្ងៃសៅរ៍។
យោងតាមយោធាប៉ាគីស្ថាន មូលដ្ឋានទ័ពអាកាសដែលជាគោលដៅរបស់ឥណ្ឌា រួមមានមូលដ្ឋានអាកាស Nur Khan នៅជិតទីក្រុង អ៊ីស្លាម៉ាបាដ, មូលដ្ឋានអាកាស Murid នៅទីក្រុង Chakwal និងមូលដ្ឋានអាកាស Rafiqui នៅស្រុក Jhang នៃខេត្ត Punjab ភាគខាងកើត។
យោធាប៉ាគីស្ថាននិយាយថា មីស៊ីលភាគច្រើនត្រូវបានស្ទាក់ចាប់ដោយប្រព័ន្ធការពារដែនអាកាស ប៉ុន្តែខ្លះបានបង្កការខូចខាត ដែលនាំឲ្យមានភាពតានតឹងកាន់តែខ្លាំងនៅក្នុងតំបន់។
ក្រោយមក ប៉ាគីស្ថាន ក៏បាញ់មីស៊ីលសងសឹកវិញក្នុងប្រតិបត្តិការ «Bunyanun Marsoos» ហើយលោកនាយករដ្ឋមន្ត្រី Shehbaz Sharif បានកោះប្រជុំមន្ត្រីផ្នែកនុយក្លេអ៊ែរ ដើម្បីពិភាក្សាអំពីបញ្ហាសន្តិសុខជាតិ។
សូមជម្រាបជាថ្មី ភាពតានតឹងរវាងគូជម្លោះទាំងពីរបានកើនឡើងខ្ពស់ ចាប់តាំងពីថ្ងៃទី៧ខែឧសភាមក នៅពេលឥណ្ឌាបើកប្រតិបត្តិការ «Sindoor» ដោយផ្តោតលើអ្វីដែលខ្លួនបានពិពណ៌នាថាជាហេដ្ឋារចនាសម្ព័ន្ធភេរវករនៅក្នុងប្រទេសប៉ាគីស្ថាន ឆ្លើយតបទៅការវាយប្រហារភេរវកម្មនៅតំបន់កាស្មៀរគ្រប់គ្រងដោយឥណ្ឌាកាលពីថ្ងៃទី២២ខែមេសា ដែលសម្លាប់មនុស្ស ២៦នាក់។
ឥណ្ឌាអះអាងថា ការវាយប្រហារនោះបានសម្លាប់ពួកសកម្មប្រយុទ្ធយ៉ាងតិច១០០នាក់ ខណៈប៉ាគីស្ថានបានបញ្ជាក់តែពីរបាយការណ៍ស្លាប់របស់ជនស៊ីវិលប៉ុណ្ណោះ និងបានប្រកាសសងសឹកវិញ៕
អត្ថបទ៖ សុខ សុវណ្ណ
ចុចអាន៖ ប៉ាគីស្ថាន បាញ់ផ្លោងសម្លាប់មន្ត្រីជាន់ខ្ពស់ឥណ្ឌានៅ តំបន់កាស្មៀរ
កិច្ចប្រជុំកំពូលប្រព័ន្ធផ្សព្វផ្សាយអាស៊ីលើកទី២០ និងកិច្ចប្រជុំពាក់ព័ន្ធ បានចាប់ផ្ដើមជាផ្លូវការ ក្នុងនាមកម្ពុជាជាម្ចាស់ផ្ទះ
កសិករដាំដុះដំឡូងមីខេត្តឧត្តរមានជ័យ កែច្នៃនាំចេញទៅចិន និងវៀតណាម
ថៃព្រមានឲ្យខេត្តក្រុង១១ប្រយ័ត្នខ្លួន ព្រោះទំនប់ចៅប្រាយ៉ា បង្កើនការបង្ហូរទឹក ទប់ទល់នឹងព្យុះវីពផា
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
ថៃ រៀបចំ«បន្ទប់សង្គ្រាម» ត្រៀមឆ្លើយតបគ្រោះមហន្តរាយ ព្រោះព្យុះវីពផា នាថ្ងៃ២២-២៣កក្កដា
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
លីគបាល់ទះពិភពលោក VNL រកឃើញវគ្គ ៨ ក្រុមខ្លាំង ខណៈ ជប៉ុន ប៉ះ ក្រុមលេខ ១ ក្នុងលោក
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន