ព័ត៌មានជាតិ

ជនជាតិខ្មែរជិះកង់ជាង ២ ម៉ឺនគីឡូម៉ែត្រ ប្រាប់បទពិសោធន៍ជួបកងជីវពលតាលីបង់ ពេលធ្វើដំណើរឆ្លងចូលប្រទេសអាហ្វហ្គានីស្ថាន

បានផុស

១២ ខែ មុន

នៅ

ថ្ងៃសុក្រ ១៦ ឧសភា ២០២៥

ដោយ

ក្នុងបេសកកម្មជិះកង់ដើម្បីស្វែងរកថវិកាជួយគាំទ្រដល់ដំណើរការមន្ទីរពេទ្យគន្ធបុប្ភា និងមន្ទីរពេទ្យកុមារអង្គរ លោក ទីវ តារារិទ្ធិ បានប្រាប់បទពិសោធន៍ក្នុងការធ្វើដំណើរឆ្លងកាត់ ១២ ប្រទេសលើចម្ងាយផ្លូវជាង ២ ម៉ឺនគីឡូម៉ែត្រ រហូតដល់ទឹកដីប្រទេសអាហ្វហ្គានីស្ថាន ដែលស្ថិតនៅក្រោមការគ្រប់គ្រងរបស់ក្រុមសកម្មប្រយុទ្ធតាលីបង់ ហើយដែលគេគិថាជាប្រទេសដែលអសន្តិសុខបំផុតលើពិភពលោក។

ក្នុងដំណើរផ្សងព្រេង លោកបានឆ្លងកាត់ឧបសគ្គជាច្រើន ហើយការធ្វើដំណើរឆ្លងចូលប្រទេសអាហ្វហ្គានីស្ថានអាចនិយាយបានថាជាការប្រថុយប្រថានដ៏គ្រោះថ្នាក់ ប៉ុន្តែលោក ទីវ តារារិទ្ធិ មិនរុញរាចិត្តនៅតែបន្តជម្នះដើម្បីសម្រេចក្តីសុបិន្ត។

ស្ថានភាពក្នុងការជួបតទល់ជាមួយក្រុមសកម្មប្រយុទ្ធតាលីបង់ ដែលបានដាក់ការសង្ស័យលើបេសកកម្មរបស់លោក ខណៈការធ្វើដំណើររបស់លោកត្រូវរងការឃ្លាំមើល និងប្រុងប្រយ័ត្នជាប់ជាប្រចាំ។

យ៉ាងណាមិញ ទោះបីដំណើរត្រូវជួបគ្រោះថ្នាក់គ្រប់ពេល ប៉ុន្តែលោកបានជម្នះរហូតដល់សម្រេចបានគោលដៅចុងក្រោយ៕

សូមរង់ចាំវីដេអូសន្និសីទរបស់លោក ទីវ តារារិទ្ធិ ជនជាតិខ្មែរដំបូងគេដែលបានបញ្ចប់បេសកកម្មធ្វើដំណើរ ១២ ប្រទេសលើចម្ងាយផ្លូវជាង ២ ម៉ឺនគីឡូម៉ែត្រ ដើម្បីរៃអង្គាសថវិកាជួយដល់កុមារកម្ពុជា៕