កីឡា
សមិទ្ធផលធំៗរបស់លោក Pep Muñoz ពីររដូវកាលនៅ ព្រះខ័នរាជស្វាយរៀង
នៅព្រឹកថ្ងៃទី២០ ខែឧសភា ឆ្នាំ២០២៥ ក្លិបបាល់ទាត់ ព្រះខ័នរាជស្វាយរៀង បានប្រកាសពី លោក Pep Muñoz នឹងចាកចេញពីតួនាទីជាគ្រូបង្វឹកនៅចុងបញ្ចប់រដូវកាលនេះ។
សម្រាប់២រដូវកាលក្នុងការដឹកនាំក្លិប ព្រះខ័នរាជស្វាយរៀង បើនិយាយជារួម លោក Pep Muñoz បានដើរតួយ៉ាងសំខាន់ក្នុងការពង្រឹងគុណភាពក្លិបឈានដល់កម្រិតអន្តរជាតិ ធ្វើឲ្យមានការទាក់ទាញអ្នកគាំទ្រក្នុងស្រុកសស្រាក់សស្រាំ និងលើកមុខមាត់បាល់ទាត់កម្ពុជាលេចធ្លោលើឆាកអន្តរជាតិ។
លោក Pep Muñoz បានក្លាយជាគ្រូបង្វឹកម្នាក់គត់ដែលបានជួយឲ្យក្លិបព្រះខ័នរាជស្វាយរៀង ឈ្នះជើងឯកលីគកំពូលកម្ពុជាពីររដូវកាលជាប់គ្នាគឺ ឆ្នាំ ២០២៣-២៤ និងឆ្នាំ ២០២៤-២៥។ លោកក៏បានជួយក្លិបឈ្នះជើងឯកពានរង្វាន់សម្តេចតេជោ ហ៊ុន សែន រដូវកាល ២០២៣-២៤ និងកំពុងឈានដល់វគ្គផ្តាច់ព្រ័ត្រ ពានដដែលនេះឆ្នាំ ២០២៤-២៥។ លោកបានជួយក្លិបឈ្នះជើងឯក ខេមបូឌានស៊ុបភើខាប់ ឆ្នាំ២០២៤ ដែលជាពានរង្វាន់បើករដូវកាល និងជាពិសេស ទទួលបានចំណាត់ថ្នាក់លេខ២ ពានរង្វាន់ក្លិបបាល់ទាត់អាស៊ី AFC Challenge League រដូវកាល ២០២៤-២៥។ លោកបានឈ្នះពានរង្វាន់គ្រូបង្វឹកល្អបំផុតទាំងនៅលីគកំពូលកម្ពុជា និងពានសម្តេចតេជោ ហ៊ុន សែន ពីររដូវកាលជាប់គ្នា។
លោក Pep Muñoz ត្រូវបានតែងតាំងជាគ្រូបង្វឹកក្លិបព្រះខ័នរាជស្វាយរៀង កាលពីថ្ងៃទី៦ ខែឧសភា ឆ្នាំ២០២៣។ បុរសវ័យ៤៥ឆ្នាំ គឺជាគ្រូបង្វឹកសញ្ជាតិអេស្ប៉ាញដែលកាន់អាជ្ញាប័ណ្ណកម្រិតយូហ្វាប្រូឡាយសិន ជាមួយនឹងបទពិសោធជាបង្វឹកជាង២០ឆ្នាំ។ លោកបានចាប់ផ្តើមអាជីពជាគ្រូបង្វឹកដំបូងនៅក្រុម UE Lleida ក្នុងប្រទេសអេស្ប៉ាញមុនទៅចូលរួមជាមួយក្លិបយក្ស FC Barcelona ដើម្បីដឹកនាំកម្រិតយុវជន។
ចំណាយរយៈពេល៤ឆ្នាំជាមួយក្រុមយុវជន U19 និង Barcelona B លោកបានជួយឲ្យក្រុមឈ្នះពានរង្វាន់ U19 UEFA Champion League ម្តង និងឈ្នះពានលីគយុវជន២ដង មុនទៅកាន់ប្រទេសចិន ដែលជាកន្លែងលោកចំណាយពេល ៧ឆ្នាំដឹកនាំក្រុមជាច្រើនដូចជា Huanghai FC, Shandong Fc និងក្រុមជម្រើសជាតិចិន មុនពេលចូលដឹកនាំព្រះខ័នរាជស្វាយរៀង។
ការប្រកួតវគ្គផ្តាច់ព្រ័ត្រ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៨ នៅថ្ងៃទី២៥ ខែឧសភា ឆ្នាំ២០២៥ របស់ ព្រះខ័នរាជស្វាយរៀង ជាមួយ ភ្នំពេញក្រោន នៅពហុកីឡដ្ឋានជាតិ មរតកតេជោ គឺជាការប្រកួតចុងក្រោយរបស់លោកនៅក្នុងរដូវកាលនេះ។ ដូច្នេះអាចចាត់ទុកជាពេលវេលាសម្រាប់អ្នកគាំទ្របានឃើញការដឹកនាំរបស់លោកចុងក្រោយនៅក្លិបព្រះខ័នរាជស្វាយរៀង ក៏ដូចជាពេលវេលាគ្នារវាងក្លិបជាមួយលោក និងអ្នកគាំទ្រ៕
សមិទ្ធផលសង្ខេបរបស់ លោក Pep Muñoz ពីររដូវកាលសម្រាប់ព្រះខ័នរាជស្វាយរៀង៖
- ជើងឯក លីគកំពូលកម្ពុជា ២០២៤-២៥
- ជើងឯក លីគកំពូលកម្ពុជា ២០២៣-២៤
- ជើងឯក ពានសម្តេច តេជោ ហ៊ុន សែន ២០២៣-២៤
- ជើងឯក ខេមបូឌានស៊ុបភើខាប់ ២០២៤
- ជើងឯករង AFC Challenge League ២០២៤-២៥
- វគ្គផ្តាច់ព្រ័ត្រ ពានសម្តេចតេជោ ហ៊ុន សែន ២០២៤-២៥
អត្ថបទ៖ វីរបុត្រ
Honda គ្រោងបន្ថយផលិតកម្មរថយន្តអគ្គិសនី ហើយផ្ដោតលើរថយន្តកូនកាត់
ចិន ត្រៀមបញ្ចេញ យន្តហោះផ្ទុកដ្រូនដំបូងគេលើលោក ដ៏អស្ចារ្យ
សមិទ្ធផលធំៗរបស់លោក Pep Muñoz ពីររដូវកាលនៅ ព្រះខ័នរាជស្វាយរៀង
ក.អ.ក ប្រមូលចំណូលសេវាបានជាង១លាន៤សែនដុល្លារបន្ទាប់ពីដាក់ដំណើរប្រព័ន្ធ cdcOSP
បវរកញ្ញាវៀតណាម Thuy Tien ត្រូវចាប់ខ្លួន ក្នុងសំណុំរឿងផ្សាយផលិតផលក្លែងបន្លំ
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
អាមេរិក បញ្ជូនដ្រូនឈ្លបយកការណ៍ទៅសមុទ្រខ្មៅជាថ្មី ក្រោយកិច្ចប្រជុំរុស្ស៊ី-អ៊ុយក្រែន គ្មានបានផល
តារាចម្រៀង ឱក សុគន្ធកញ្ញា ក្លាយជាទូតសុច្ឆន្ទៈ នៃកាយរឹទិ្ធជាតិកម្ពុជា ដើម្បីលើកកម្ពស់ការអប់រំយុវជន
សម្ដេចធិបតី៖ ពេលចុះទៅមើលផ្ទាល់ទើបដឹងពីផលប៉ះពាល់ធ្ងន់ធ្ងរ ព្រោះបញ្ហាខ្លះនៅលើក្រដាសល្អណាស់
-
ចរាចរណ៍៣ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម២៣ ម៉ោង agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៥ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៥ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៦ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ២ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៤ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍១៩ ម៉ោង agoរថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់