ងិន ម៉ារ៉ាឌី លើកសរសើរចំណុចពិសេសរបស់ ហ្វី យ៉ាតា ខណ:កំពុងលេចវត្តមានប្រកួត MUC 2025

ធ្លាប់ឆ្លងកាត់ការប្រកួត និងមានបទពិសោធនៅក្នុងវិស័យបវរកញ្ញាយូរឆ្នាំ អតីតម្ចាស់មកុដ Miss Universe Cambodia 2021 អ្នកនាង ងិន ម៉ារ៉ាឌី បានចេញមកទម្លាយនិងសរសើរនូវចំណុចពិសេសមួយចំនួនរបស់បេក្ខភាព ហ្វី យ៉ាតា ដែលកំពុងលេចវត្តមានប្រកួតក្នុងកម្មវិធីបវរកញ្ញា។

ពេលនេះ ហ្វី យ៉ាតា បានក្លាយជាបេក្ខភាពមួយរូប ក្នុងចំណោមបេក្ខភាពជាច្រើននាក់ផ្សេងទៀតសម្រាប់ការប្រឡងសម្រស់ Miss Universe Cambodia 2025 ដែលបាននិងកំពុងចាប់ផ្តើមដំណើរកម្មវិធីរបស់ខ្លួន។

ដោយឡែក ងាកមកចាប់អារម្មណ៍បវរកញ្ញាអ្នកនាង ងិន ម៉ារ៉ាឌី ក្រោយឃើញវត្តមានរបស់អ្នកនាង ហ្វីយ៉ាតា ដែលបានចូលរួមប្រឡងដែរនោះ អតីតម្ចាស់មកុដ Miss Universe Cambodia 2021 រូបនេះ ស្រាប់តែលាន់មាត់សរសើរចំពោះសមត្ថភាព និងពិសេសគឺភាពក្លាហានបូករួមទាំងអត្តចរិតផងដែរ។

អ្នកនាង ងិន ម៉ារ៉ាឌី បានលើកឡើងថា “ជូនពរបងស្រីទទួលបានលិទ្ធផលល្អ និងសំណាងល្អអ្វីដែលខ្ញុំចូលចិត្តពីគាត់គឺការឱ្យតម្លៃទៅលើបេក្ខភាពផ្សេងនីមួយៗមិនបានចូលមក អំណួត អឿ និងគិតថាមានតែខ្លួនឯងទេ, Ability may get you to the top but it take character to keep you there”។

មិនខុសគ្នាពីអ្នកនាង ងិន ម៉ារ៉ាឌី នោះទេ ក៏មានអ្នកគាំទ្រមួយចំនួន បានបង្ហាញការគាំទ្រនិងសរសើរផងដែរទៅលើសមត្ថភាពព្រមទាំងអត្តចរិតរបស់ ហ្វី យ៉ាតា ។ ក្នុងនោះ មានការលើកឡើងថា ហ្វី យ៉ាតា ក្នុងនាមខ្ញុំជា fan page មួយរូបពិតជាសប្បាយចិត្តនៅពេលមានបវរកញ្ញា ឬបុរសឯកណាដែលដឹងគុណនិងអរគុណអំពីការ post របស់យើងការគាំទ្ររបស់យើងពួកយើងពិតជារីករាយ និងមានកម្លាំងចិត្តធ្វើវាបន្តទៀតដោយក្ដីស្រលាញ់។

គួរជម្រាបដែរថា ស្រី​ស្អាត ថៃ នារីសុជាតា ហៅ ហ្វីយ៉ាតា ក៏ជាអ្នកស្ថិតក្នុងរង្វង់សិល្បៈកន្លងមកដែរ ហើយក៏ជា​អតីត Freshie Girls ធ្លាប់​មាន​ភាព​ល្បីល្បាញ​ខ្លាំងមួយរូប។ ដ្បិតឃ្លាតឆ្ងាយ​ពី​សិល្បៈ​យូរក៏​ពិតមែន ប៉ុន្តែ​​តារា​ស្រីរូបនេះ មាន​មហាជន​ជាច្រើន​ចាប់​អារម្មណ៍ច្រើន ​តាមរយៈ​ការ​លេង​ស្ទាយ៍​តែងខ្លួន​ប្លែកៗយ៉ាងទាក់ទាញ៕ អត្ថបទ៖ ចាន់រ៉ា