កីឡា
វ័យទើប២១ឆ្នាំ អ្នកចាំទី វីរៈ ដារ៉ា ឈ្នះពានចំនួន៩ទាំងក្រុម និងឯកត្តជន
អ្នកចាំទី វីរៈ ដារ៉ា កំពុងជោគជ័យក្នុងអាជីពបាល់ទាត់របស់ខ្លួន បន្ទាប់ពីបានចាប់ផ្តើមលេងបាល់ទាត់កាលពីឆ្នាំ២០១៨។
ផ្តើមចេញពីយុវជននៅក្លិប វិសាខា អ្នកចាំទី វីរៈ ដារ៉ា ត្រូវបានខ្ចីជើងទៅក្រុមខេត្តព្រៃវែង ដើម្បីមានឱកាសបង្ហាញខ្លួនក្នុងការប្រកួតពានរង្វាន់សម្តេចតេជោ ហ៊ុន សែន និងលីគបាល់0ទាត់កម្ពុជា ចន្លោះឆ្នាំ២០២០-២០២២។ ក្រោយមក រូបគេបានចូលរួមជាមួយ វិសាខា វិញជាកន្លែង ដែលរូបគេបានឈ្នះពានសម្តេចតេជោ ហ៊ុន សែន នៅឆ្នាំ២០២២។
ឆ្នាំ២០២៣ វីរៈ ដារ៉ា ត្រូវបានខ្ចីជើងទៅក្លិប ព្រះខ័នរាជស្វាយរៀង ដែលជាកន្លែងរូបគេបានជួយក្លិបឈ្នះជើងឯកលីគកម្ពុជា លើកដំបូងសម្រាប់ខ្លួន និងបានឈ្នះពានសម្តេចតេជោ ហ៊ុន សែន លើកទី២ គឺរដូវកាល២០២៣-២៤។
ចូលរដូវកាល២០២៤-២៥ វីរៈ ដារ៉ា ត្រូវបានក្លិប ព្រះខ័នរាជស្វាយរៀង ទិញផ្តាច់ពី វិសាខា ហើយរូបគេបានជួយក្លិបឈ្នះពានលីគកម្ពុជា លើកទី២ ព្រមទាំងជួយក្លិបទទួលបានចំណាត់ថ្នាក់លេខ២ពានរង្វាន់អាស៊ី AFC Challenge League និងចំណាត់ថ្នាក់លេខ២ពានសម្តេចតេជោ ហ៊ុន សែន រដូវកាល២០២៤-២៥។
ក្រៅពីពានរង្វាន់ទទួលបានជាមួយក្រុម វីរៈ ដារ៉ា ក៏បានឈ្នះពានឯកត្តជនជាច្រើនទៀតគឺពានស្រោមដៃមាសចំនួន៤ ក្នុងនាមជាអ្នកចាំទីល្អបំផុត និងជាអ្នកចាំទីល្អជាងគេ។ សរុបទៅ អ្នកចាំទីវ័យទើប២១ឆ្នាំរូបនេះបានឈ្នះពានជាមួយក្រុមចំនួន៥ និងពានឯកត្តជនចំនួន៤។
សមិទ្ធផលសំខាន់របស់ វីរៈ ដារ៉ា
- ពាន សម្តេចតេជោ ហ៊ុន សែន ឆ្នាំ២០២២ ជាមួយ វិសាខា
- ពាន សម្តេចតេជោ ហ៊ុន សែន ឆ្នាំ២០២៣-២៤ ជាមួយ ព្រះខ័នរាជស្វាយរៀង
- ពាន លីគបាល់ទាត់កម្ពុជា ឆ្នាំ២០២៣-២៤ ជាមួយ ព្រះខ័នរាជស្វាយរៀង
- ពាន ខេមបូឌានស៊ុបភើខាប់ ឆ្នាំ២០២៤ ជាមួយ ព្រះខ័នរាជស្វាយរៀង
- ពាន លីគបាល់ទាត់កម្ពុជា ឆ្នាំ២០២៤-២៥ ជាមួយ ព្រះខ័នរាជស្វាយរៀង
- ពាន ស្រោមដៃមាស ក្នុងពាន សម្តេចតេជោ ហ៊ុន សែន ឆ្នាំ២០២៣-២៤
- ពាន ស្រោមដៃមាស លីគបាល់ទាត់កម្ពុជា ឆ្នាំ២០២៣-២៤
- ពាន ស្រោមដៃមាស ក្នុងលីគបាល់ទាត់កម្ពុជា ឆ្នាំ២០២៤-២៥
- ពាន កីឡាករសង្គ្រោះបាល់ល្អជាងគេ ក្នុងលីគបាល់ទាត់កម្ពុជា ឆ្នាំ២០២៤-២៥
អត្ថបទ៖ វីរបុត្រ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ