កីឡា

ល្បីមែនសូម្បី! បឺត សង្ឃឹម ក៏វិភាគគូ ពេជ្រ សម្បត្តិ និង សុខ ធី ប្រកួតថ្ងៃទី២៨ មិថុនា

បានផុស

១ year មុន

នៅ

ថ្ងៃព្រហស្បតិ៍ ១៩ មិថុនា ២០២៥

ដោយ

អ្នកតាមដានវិស័យប្រដាល់គុនខ្មែរកំពុងតែវិភាគ និងរង់ចាំការប្រកួតមកដល់រវាង ពេជ្រ សម្បត្តិ ប៉ះ សុខ ធី នៅឯសង្វៀនហង្សមាស ខណៈសូម្បី បឺត សង្ឃឹម ក៏វិភាគលើគូនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ បឺត សង្ឃឹម

បើតាមការលើកឡើងរបស់ បឺត សង្ឃឹម ថារវាង សុខ ធី និង ពេជ្រ សម្បត្តិ គឺក្បាច់គុនម្យ៉ាងម្នាក់ ពោលម្នាក់ បុក ធន រីឯម្នាក់ទៀតវាយក្បាច់ និងមានអាវុធច្រើនជាង។

បឺត សង្ឃឹម លើកឡើងទៀតថា អ្នកទាំងពីររូបនេះគឺខ្លួនស្រឡាញ់ទាំងពីរនាក់ ប៉ុន្តែបើឲ្យរើសសុំយកកីឡាករ សុខ ធី នៅក្នុងជំនួបមួយនេះ។ សុខ ធី មានក្បាច់គុនច្រើនជាងមិនថាការចាប់លេងជង្គង់ វាយឆ្ងាយ បិទគឺល្អជាង សម្បត្តិ។ ប៉ុន្តែរង់ចាំមើលថ្ងៃនោះថា សុខ ធី បិទច្រើនជាង ឬវាយច្រើនជាង។ បើវាយច្រើនជាងអាចឈ្នះ សម្បត្តិ ប៉ុន្តែបើបិទច្រើនជាងគឺ សម្បត្តិ ជាអ្នកឈ្នះហើយ។

សុខ ធី ហ្វឹកហាត់កន្លងទៅ

សម្បត្តិ ក៏ជាកីឡាករល្អដែរ ធន និងមានអាវុធធ្ងន់។ យ៉ាងណាបើប្រៀបធៀបក្បាច់គឺ សុខ ធី មានច្រើនជាង។ ប៉ុន្តែកន្លងទៅ ពេជ្រ សម្បត្តិ ធ្លាប់ផ្ដួលអ្នកមានក្បាច់ច្រើនអស់ជាច្រើននាក់រួចមកហើយដែរ។

ពេជ្រ សម្បត្តិ ប៉ះ kabutov

បញ្ជាក់ដែរថា ជំនួបជើងខ្លាំងប្រចាំប្រទេសរវាង សុខ ធី និង ពេជ្រ សម្បត្តិ នេះនឹងធ្វើឡើងនៅថ្ងៃទី២៨ ខែមិថុនា ឆ្នាំ២០២៥ នៅសង្វៀនហង្សមាស ចាប់ពីម៉ោង ៣រសៀលតទៅ។ អ្នកទាំងពីរនេះមិនដែលជួបគ្នាទេពីមុនមក និងជាគូដែលអ្នកគាំទ្រចង់ឲ្យជួបគ្នាបំផុតនៅពេលនេះ ព្រោះសុទ្ធតែជាជើងខ្លាំងកម្រចាញ់ និងមានកេរ្តិ៍ឈ្មោះល្បី៕

អត្ថបទដោយ៖ នួន ស៊ីណា