ជិត២០ថ្ងៃ មានយានយន្តល្មើសច្បាប់ចរាចរណ៍ជាង ៥ពាន់គ្រឿង

គិតពីថ្ងៃទី១ ដល់ថ្ងៃទិ១៩ ខែមិថុនា ឆ្នាំ២០២៥ មានយានយន្តចូលគោលដៅចំនួន ៧,៣៨០គ្រឿង ក្នុងនោះ រកឃើញយានយន្តស្មើសសរុបចំនួន ៥,៥៩៨គ្រឿង ដែលត្រូវបានផាកពិន័យទូទាំងប្រទេស។ នេះបើតាមការផ្សាយរបស់អគ្គស្នងការដ្ឋាននគរបាលជាតិនៅរសៀលថ្ងៃទី១៩ ខែមិថុនា ដែលយកពីរបាយការណ៍ នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ចរាចរណ៍ផ្លូវគោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គស្នងការដ្ឋាននគរបាលជាតិ បញ្ជាក់ថា៖ “យានយន្តចូលគោលដៅចំនួន ៧,៣៨០គ្រឿង, រថយន្តធំ ៧៣គ្រឿង, រថយន្តតូច ២,៧៥៧គ្រឿង, ម៉ូតូ ៤,៥៥០គ្រឿង ។ ក្នុងនោះរកឃើញយានយន្តល្មើសសរុបចំនួន ៥,៥៩៨គ្រឿង, រថយន្តធំ ៤៣គ្រឿង, រថយន្តតូច ២,១០០គ្រឿង និងម៉ូតូ ៣,៤៥៥គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស”។

ដោយឡែក បើគិតត្រឹមតែថ្ងៃទី១៩ ខែមិថុនា មានយានយន្តមានយានយន្តចូលគោដៅចំនួន ៣៣៣គ្រឿង ក្នុងចំណោមគោដៅ ១២១គោលដៅ។ ចំពោះយានយន្តចូលគោលដៅទាំង ៣៣៣គ្រឿងមានដូចជា រថយន្តធំ ០គ្រឿង, រថយន្តតូច ១៣៦គ្រឿង និងម៉ូតូ ១៩៧គ្រឿង ក្នុងនោះរកឃើញយានយន្តល្មើសសរុបចំនួន ២៦៥គ្រឿង, រថយន្តធំ ០គ្រឿង, រថយន្តតូច ១០៤គ្រឿង និងម៉ូតូ ១៦១គ្រឿង ត្រូវបានផាកពិន័យ។ នេះបើតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈស្តីពីការរឹតបន្តឹងច្បាប់ចរាចរណ៍ផ្លូវគោក៕