ព័ត៌មានជាតិ

ក្រុមប៉េតង់ ទីស្ដីការគណៈរដ្ឋមន្ត្រី គ្រងតំណែងជើងឯក គរុគុណ

បានផុស

៥ years មុន

នៅ

ថ្ងៃចន្ទ ៩ វិច្ឆិកា ២០២០

ដោយ

ក្លិបកីឡាប៉េតង់ ទីស្ដីការគណៈរដ្ឋមន្ត្រី គឺជាក្រុមជើងខ្លាំងលើប្រភេទកីឡាប៉េតង់ នៃព្រឹត្តិការណ៍ ការប្រកួតកីឡាប៉េតង់ពានរង្វាន់ «គរុគុណ» លើកទី១ ឆ្នាំ២០២០ ដែលបានបញ្ចប់ កាលពីល្ងាចថ្ងៃទី០៨ ខែវិច្ឆិកា នៅពហុកីឡាដ្ឋានជាតិ អូឡាំពិក។

ក្រុមប៉េតង់ ទីស្ដីការគណៈរដ្ឋមន្ត្រី បានឈ្នះពានធំទាំងវិញ្ញាសាប្រកួត ៣នាក់ទល់ ៣នាក់បុរសនិងនារី។

នៅក្នុងការប្រកួតផ្ដាច់ព្រ័ត្រដែលមិនសូវតឹងតែង លើវិញ្ញាសាពានធំនារី ៣ ទល់ នឹង ៣ បានទៅលើក្លឹបទីស្ដីការគណៈរដ្ឋមន្ត្រី ដោយយកឈ្នះលើក្រុមប៉េតង់ ក្លឹបយោធភូមិភាគពិសេស ក្នុងលទ្ធផលពិន្ទុ ១៣ ទល់នឹង ៦ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះពានធំផ្នែកបុរស ៣ ទល់នឹង ៣ នាក់ ចំណាត់ថ្នាក់លេខ ១ បានទៅក្រុមទីស្ដីការគណៈរដ្ឋមន្ត្រី ដោយបានយក ឈ្នះក្លឹបក្រសួងមហាផ្ទៃក្នុងលទ្ធផលពិន្ទុ ១៣ ទល់នឹង០ ធ្វើឲ្យក្លឹបមហាផ្ទៃទទួលបានចំណាត់ថ្នាក់លេខ២ និងលេខ៣ ក្លិបវិស្ណុរាជ។

សម្រាប់វិញ្ញាសាមួយទល់នឹងមួយ ផ្នែកយុវនារី ក្រោមអាយុ១៥ឆ្នាំ ចំណាត់ថ្នាក់លេខ ១ បានទៅក្លឹបទីស្ដីការគណៈរដ្ឋមន្ត្រី លេខ២ ក្លឹបមិត្តភាពកម្ពុជា តាកែវ និងលេខ ៣ ក្លឹបមន្ទីរអប់រំយុវជននិងកីឡា ខេត្តព្រៃវែង។
វិញ្ញាសា យុវនារីក្រោមអាយុ ១៥ឆ្នាំ ២ ទល់នឹង ២ ចំណាត់ថ្នាក់លេខ ១ បានទៅលើក្លឹបក្រសួងមហាផ្ទៃពីក្រសួងការពារជាតិ និងលេខ ៣ មន្ទីរអប់រំយុវជននិង កីឡាខេត្តបាត់ដំបង។

វិញ្ញាសា វ័យចាស់អាយុ ៥៥ ឆ្នាំ ៣នាក់ទល់នឹង ៣ នាក់ចំណាត់ថ្នាក់លេខ១ បានទៅមន្ទីរអប់រំយុវជននិងកីឡាខេត្តស្វាយ រៀង លេខ ២ រដ្ឋាករទឹកស្វយ័តនិងលេខ ៣ ទីស្តីការគណៈរដ្ឋមន្ត្រី។

វិញ្ញាសា យុវជនក្រោមអាយុ១៥ឆ្នាំ ១ ទល់១ ចំណាត់ថ្នាក់លេខ ១ បានទៅសមាគមខេត្តកណ្ដាល លេខ ២ បានទៅក្លឹបតាខ្មៅ ខេត្តកណ្ដាល លេខ ៣ បានទៅក្លឹបក្រសួងមហាផ្ទៃ។

សូមបញ្ជាក់ថា សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបិទ ការប្រកួតកីឡាប៉េតង់ពាន រង្វាន់ “គរុគុណ” ឆ្នាំ២០២០ លើកទី១ ដែលបានដំណើរការប្រកួតអស់រយៈពេល ៣ថ្ងៃ គឺចាប់ពីថ្ងៃទី៦ ដល់ទី៨ ខែវិច្ឆិកា ឆ្នាំ២០២០ និងមានការចូលរួមប្រកួតពីសមាគម ក្លិប ចំនួន ៥៨ មកពីរាជធានី ខេត្តចំនួន ១៦ ក្នុងព្រះរាជាណាចក្រកម្ពុ ជានិងត្រូវចែកមេដាយចំនួន៧២មេដាយ
។
ព្រឹត្តិការណ៍នៃការប្រកួតកីឡាប៉េតង់ ពានរង្វាន់ “គរុគុណ ” ដើម្បីរម្លឹកពីកិច្ចខិតខំប្រឹងប្រែងលះបង់កម្លាំងកាយចិត្ត និងពេលវេលាដ៏មានតម្លៃរបស់សម្តេចក្រឡា ហោម ស ខេង និងសម្ដេចវិបុលបញ្ញា សុខ អាន ក្នុងការដឹកនាំប្រភេទកីឡាប៊ូល និងប៉េតង់ រហូតទទួលបានភាពល្បីល្បាញ ការកោតសរសើរទាំងថ្នាក់ជាតិ និង ពិភពលោក ៕

អត្ថបទ ៖ វិសិទ្ធ

Related Topics:កីឡាប៉េតង់