ព័ត៌មានអន្ដរជាតិ

អ៊ុយក្រែនសម្លាប់មេបញ្ជាការរងកងទ័ពជើងទឹករុស្ស៊ី Mikhail Gudkov

បានផុស

១ នាទីute មុន

នៅ

ថ្ងៃព្រហស្បតិ៍ ៣ កក្កដា ២០២៥

ដោយ

សារព័ត៌មានបស្ចឹមលោក រួមជាមួយសារព័ត៌មានអ៊ុយក្រែន បានរាយការណ៍នៅមុននេះថា មន្ត្រីរុស្ស៊ីបញ្ជាក់ពីការស្លាប់របស់មេបញ្ជាការរងនៃកងទ័ពជើងទឹករុស្ស៊ី នៅក្នុងការវាយប្រហាររបស់អ៊ុយក្រែននៅទីក្រុង Kursk ទឹកដីរបស់ប្រទេសរុស្ស៊ីក្នុងសង្គ្រាមដែលកំពុងតែកើនឡើងកម្តៅ។

ឧត្តមសេនីយឯក Mikhail Gudkov។ Kyiv Independent

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Oleg Kozhemyako អភិបាលនៃតំបន់ភាគខាងកើតនៃប្រទេសរុស្ស៊ី បាននិយាយកាលពីថ្ងៃព្រហស្បតិ៍ថា ឧត្តមសេនីយឯក Mikhail Gudkov ដែលជាអនុប្រធាននៃកងទ័ពជើងទឹករុស្ស៊ីដែលបានដឹកនាំកងពលតូចប្រយុទ្ធប្រឆាំងនឹងអ៊ុយក្រែន ត្រូវបានសម្លាប់នៅក្នុងតំបន់ Kursk របស់ប្រទេសរុស្ស៊ី។

តំបន់ Kursk ត្រូវបានរុស្ស៊ីអះអាងរំដោះបានទាំងស្រុងកាលពីប៉ុន្មានខែមុន នៅពេលដែលសហរដ្ឋអាមេរិកនិងអ៊ុយក្រែនបានចាប់ផ្តើមចរចាគ្នាជាលើកដំបូងនៅប្រទេសអារ៉ាប៊ី សាអូឌីត ប៉ុន្តែត្រូវបានភាគីអ៊ុយក្រែនបដិសេធថា រុស្ស៊ីមិនទាន់រំដោះបានទាំងស្រុងនោះទេ ហើយការអះអាងនោះ គ្រាន់តែជា «មនោគមវិជ្ជា» ប៉ុណ្ណោះ។

ទីភ្នាក់ងារព័ត៌មាន Reuters បានរាយការណ៍ដោយយោង បណ្តាញ Telegram យោធារុស្ស៊ី និងអ៊ុយក្រែនមិនផ្លូវការបានរាយការណ៍មុននេះថា ឧត្តមសេនីយឯក Gudkov ត្រូវបានសម្លាប់រួមជាមួយទាហាន ១០នាក់ផ្សេងទៀតនៅក្នុងការវាយប្រហាររបស់អ៊ុយក្រែនលើប៉ុស្តិ៍បញ្ជាមួយនៅ Korenevo ក្នុងតំបន់ Kursk ដែលជាប់ព្រំដែនអ៊ុយក្រែន។

យោងសារព័ត៌មានអ៊ុយក្រែន Kyiv Independent លោក Oleg Kozhemyako អភិបាលខេត្ត Primorsky Krai របស់រុស្ស៊ី បានបញ្ជាក់កាលពីថ្ងៃទី៣ ខែកក្កដា ថា មន្ត្រីកងទ័ពជើងទឹកជាន់ខ្ពស់រុស្ស៊ី ឧត្តមសេនីយ៍ Mikhail Gudkov ត្រូវបានសម្លាប់នៅក្នុងការវាយប្រហាររបស់អ៊ុយក្រែន។

Gudkov ដែលជាមេបញ្ជាការរងនៃកងទ័ពជើងទឹករុស្ស៊ីត្រូវបានសម្លាប់នៅក្នុងស្រុកព្រំដែននៃ Korenevo។ នេះបើយោងតាម Kozhemyako៕

រ៉ាន់ រើយ