ព័ត៌មានអន្ដរជាតិ
ពលរដ្ឋចាប់ផ្ដើមរើចេញបណ្ដើរៗហើយ ក្រោយប្រជុំកោះ Tokara ជប៉ុនរញ្ជួយដីជិត ១ ៦០០ដង
អ្នកស្រុករាប់សិបនាក់បាននាំគ្នាចាប់ផ្ដើមជម្លៀសខ្លួនចេញពីប្រជុំកោះ Tokara នៃប្រទេសជប៉ុន បន្ទាប់ពីរងការរញ្ជួយដីជិត ១ ៦០០ដង ក្នុងរយៈពេលត្រឹមពីរសប្តាហ៍ប៉ុណ្ណោះ ដែលបង្កើនការភ័យខ្លាចនៃគ្រោះមហន្តរាយដ៏ធំមួយកើតឡើង។
ចាប់តាំងពីថ្ងៃទី២១ខែមិថុនារហូតដល់ថ្ងៃទី៧ខែកក្កដានេះ ក្រុមកោះតូចៗនៅក្នុងខេត្ត Kagoshima បានជួបប្រទះការរញ្ជួយចំនួន ១ ៥៨២ដង។ នេះបើយោងតាមអាជ្ញាធរជប៉ុន។ រញ្ជួយដីដ៏ខ្លាំងបំផុតរហូតមកដល់ពេលនេះ មានកម្រិត ៥.៥រ៉ិចទ័រ ខណៈការរញ្ជួយថ្មីមួយទៀតមានកម្រិត ៥.១រ៉ិចទ័រ ដែលខ្លាំងល្មមធ្វើឲ្យមនុស្សពិបាកឈរ។
នៅលើកោះ Akuseki ដែលមានប្រជាជនសរុប ៨៩នាក់ មានយ៉ាងហោចណាស់មនុស្ស ៤៤នាក់ត្រូវបានរើចេញ។ អ្នកស្រុក ១៥នាក់ផ្សេងទៀត មកពីកោះក្បែរនោះក៏បានជ្រើសរើសចាកចេញផងដែរ។ ខណៈដែលមិនមានការរងរបួស ឬការខូចខាតរចនាសម្ព័ន្ធធ្ងន់ធ្ងរត្រូវបានគេរាយការណ៍នោះ អ្នកស្រុកជាច្រើននិយាយថា ពួកគេអស់កម្លាំងទាំងផ្លូវកាយ និងផ្លូវចិត្តដោយសារការញ័រជាប់រហូត និងការគេងមិនលក់បក់មិនល្ហើយ។
ក្រុមអ្នកជំនាញជឿជាក់ថា រលករញ្ជួយដីអាចមានទំនាក់ទំនងទៅនឹងសកម្មភាពភ្នំភ្លើងក្រោមសមុទ្រ ឬចលនានៃកម្អែលភ្នំភ្លើងក្រោមសមុទ្រ។ ទីភ្នាក់ងារឧតុនិយមជប៉ុន (JMA) បានព្រមានថា ការរញ្ជួយដីដែលមានកម្លាំងខ្លាំងជាងនេះនៅតែអាចកើតមាន ហើយបានណែនាំអ្នកស្រុកឲ្យប្រុងប្រយ័ត្នចំពោះការរអិលបាក់ដី ឬរញ្ជួយដីដែលអាចកើតមានបន្តបន្ទាប់ទៀត។
មន្ត្រីក្នុងតំបន់ រួមទាំងអភិបាលក្រុង Tokara លោក Genichiro Kubo បាននិយាយថា ស្ថានភាពនៅតែមិនអាចទាយទុកជាមុនបាន ហើយប្រជាជនគួរតែត្រៀមខ្លួនសម្រាប់ការជម្លៀសបន្ថែមទៀតប្រសិនបើចាំបាច់។
ប្រជុំកោះ Tokara ស្ថិតនៅភាគខាងត្បូងឆ្ងាយខ្លាំងពីកោះ Kyushu ដែលជាកោះធំលំដាប់ទីបីរបស់ជប៉ុន ហើយអាចចូលទៅដល់បានដោយការជិះស្រឡាង ដែលធ្វើឲ្យការឆ្លើយតបគ្រាអាសន្នកាន់តែពិបាកក្នុងករណីមានការរញ្ជួយដី ឬការផ្ទុះដ៏ធំ។
សូមជម្រាបថា ប្រទេសជប៉ុនដែលស្ថិតនៅលើតំបន់ Ring of Fire ហើយមានសកម្មភាពរញ្ជួយដីញឹកញាប់ អាចប្រឈមមុខនឹងហានិភ័យនៃការរញ្ជួយដីដ៏ធំមួយនៅពេលអនាគត។ អាជ្ញាធរប៉ាន់ប្រមាណថា ជប៉ុនមានឱកាស ៨០% នៃការរញ្ជួយដីកម្រិត ៩រ៉ិចទ័រ កើតឡើងមុនឆ្នាំ២០៥៥ ដែលអាចបណ្តាលឲ្យមនុស្សស្លាប់រហូតដល់ ៣០ម៉ឺននាក់ និងខូចខាតចំនួន ២ទ្រីលានដុល្លារ៕
ដោយ៖ ឈាង
ចុចអាន៖ អ្នកស្រុកគេងមិនលក់ បក់មិនល្ហើយ ខណៈ រញ្ជួយដីជាង៩០០ដងអង្រួនកោះ Tokara ប្រទេសជប៉ុន
នាវាចម្បាំងបារាំងនឹងចូលចតកំពង់ផែសមុទ្ររាមនៅឆ្នាំក្រោយ
សេចក្តីជូនដំណឹង ស្តីពី ការអញ្ជើញចូលរួមពិគ្រោះថ្លៃផ្គត់ផ្គង់ សម្ភារការិយាល័យ សម្ភារបរិក្ខារបច្ចេកទេសព័ត៌មានវិទ្យា មិនមែនព័ត៌មានវិទ្យា និងគ្រឿងសង្ហារឹម និងអាវភ្លៀងមានសារអប់រំអំពីមេរោគអេដស៍ និងជំងឺអេដស៍ សម្រាប់ប្រើប្រាស់ក្នុងឆ្នាំ ២០២៥ ជូនអាជ្ញាធរជាតិប្រយុទ្ធនឹងជំងឺអេដស៍
រដ្ឋបាលរាជធានី ណែនាំឱ្យអង្គភាពពាក់ព័ន្ធ មកដាក់ពាក្យស្នើសុំអាជ្ញាបណ្ណ បូមស្តារសំណល់ភក់ ពីអាងសិបទឹក (ភក់បង្គន់)
សមត្ថភាពមិនធម្មតា គ្រឿម សុវណ្ណឃីម ធ្លាប់ឈ្នះជើងខ្លាំង ហាន់ ពី ពេជ្រ សុឃីម ប៉ុន្តែមិនសូវល្បីឈ្មោះដូចគេ
បច្ច័យវត្តទាំងអស់នៅថៃ មានជាង ៣ពាន់លានដុល្លារក្នុងមួយឆ្នាំៗ តែខ្វះយន្តការត្រួតពិនិត្យ
ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?
ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម
មកស្គាល់គ្រាប់មីន PMN-2 ដែលថៃអះអាងថា ទាហានខ្លួនជាន់ដាច់ជើង
រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់
ថាក់ស៊ីន ស្នើឱ្យថៃលក់ «ទិដ្ឋាការមាស» ដើម្បីជំរុញសេដ្ឋកិច្ច ស្រដៀងនឹងផែនការ ត្រាំ
-
ព័ត៌មានអន្ដរជាតិ៦ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ