កីឡា

មាស ម៉ើ ប្រសិនបើមានការឧបត្ថម្ភណាមួយលោកនឹងបន្តបើកក្លឹបមហិទ្ធិឬទ្ធិគុនខ្មែរ

បានផុស

១០ ខែ មុន

នៅ

ថ្ងៃសុក្រ ១១ កក្កដា ២០២៥

ដោយ

កីឡាករ មាស ម៉ើ ថាខ្លួនអស់លទ្ធភាពក្នុងការបើកក្លឹបមហិទ្ធិឬទ្ធិគុនខ្មែរនេះហើយដោយសារការចំណាយច្រើនផង និងចាប់គូឲ្យសិស្សមិនសូវបានប្រកួតទៅទៀត។ ប៉ុន្តែបើមានការឧបត្ថម្ភណាមួយរូបគេនឹងបន្តបើកក្លឹបនេះបណ្ដុះធនធានកីឡាករបន្តទៀត។

មាស ម៉ើ និងសិស្ស

កីឡាករ មាស ម៉ើ បានឲ្យដឹងថា ក្លឹបមហិទ្ធិឬទ្ធិគុនខ្មែរចំណាយម្ហូបអាហារ ទឹកភ្លើង ក្នុងមួយថ្ងៃៗអស់ជាង ១០ម៉ឺនរៀល។ ក្នុងមួយខែៗចំណាយអស់ខ្ទង់ ៣-៤លានរៀលទៅហើយលើសិស្សជិត ២០នាក់។ ដូច្នេះការចំណាយអស់ច្រើន ប៉ុន្តែការចាប់គូឲ្យសិស្សបែរជាមិនសូវបានទៀតជួនកាលមួយខែបាន ១ប្រកួតអីប៉ុណ្ណោះ។

សិស្សៗរបស់ មាស ម៉ើ

ដោយសារទប់ការចំណាយច្រើនបែបនេះលែងរួចទើបខ្លួនប្រកាសបិទក្លឹបប្រដាល់នេះតែម្ដង។ ប្រសិនបើមានការឧបត្ថម្ភណាមួយមិនថាជាថវិកា ឬអង្ករនោះ រូបគេនឹងបន្តបើកក្លឹបនេះដើម្បីផ្ដល់ឱកាសដល់សិស្សៗបានហ្វឹកហាត់ ឬឡើងប្រកួតតទៅទៀត។

ក្លឹបប្រដាល់របស់ មាស ម៉ើ

បញ្ជាក់ដែរថា ក្លឹបមហិទ្ធិឬទ្ធិគុនខ្មែររបស់កីឡាករ មាស ម៉ើ នេះគឺមានទីតាំងនៅឯ ភូមិព្រែកគង់រាជ ឃុំព្រៃរៃ ស្រុកល្វាឯម ខេត្តកណ្ដាល។ ក្លឹបនេះបើកបានប្រហែល ៥-៦ឆ្នាំមកហើយ។ បច្ចុប្បន្នក្លឹបរបស់ខ្លួនមានសិស្សៗហ្វឹកហាត់ជិត ២០នាក់ និងបានវិលត្រឡប់ទៅផ្ទះវិញជាបណ្ដើរៗហើយ៕

អត្ថបទដោយ៖ នួន ស៊ីណា