ព័ត៌មានអន្ដរជាតិ

ជនបរទេសនៅថៃ ជិះតាក់ស៊ីមិនឲ្យលុយ បែរជាបោះកញ្ឆាជំនួសវិញ

បានផុស

៣ ថ្ងៃ មុន

នៅ

ថ្ងៃអង្គារ ១៥ កក្កដា ២០២៥

ដោយ

បុរសជនជាតិថៃដែលជាអ្នកបើកតាក់ស៊ីនមួយរូប បានមកស្រែកឡ៉ាំប៉ាមុខប៉ុស្តិ៍ប៉ូលិសក្រុងប៉ាតាយ៉ា បន្ទាប់ពីត្រូវអ្នកទេសចរបរទេសម្នាក់ ធ្វើស៊ីមិនឲ្យលុយថ្លៃធ្វើដំណើរ តែបែរជាបោះកញ្ឆាជំនួសវិញ។ រឿងរ៉ាងនេះបានកើតឡើងកាលពីថ្ងៃទី១៤ កក្កដា ដោយយោងទៅតាមការចុះផ្សាយពីសារព័ត៌មាន.one31។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសដែលអះអាងថា ខ្លួនជនរងគ្រោះមានឈ្មោះថា Prachuap អាយុ ៥៤ ឆ្នាំ បានមកដាក់ពាក្យបណ្តឹងទៅលោកអនុសេនីយ៍ឯក Chanan Kesobua អធិការរង (ស៊ើបអង្កេត) ថា ដំបូងឡើយ ខ្លួនបានដឹកអ្នកដំណើរបរទេសចេញពីអាកាសយានដ្ឋានសុវណ្ណភូមិ គោលដៅគឺសណ្ឋាគារមួយនៅក្រុងប៉ាតាយ៉ា ខណៈដែលតម្លៃសំបុត្របានព្រមព្រៀងគ្នាក្នុងតំលៃ ២,០០០បាត ហើយអ្នកដំណើរបាននិយាយថា គាត់មានប្រពន្ធកូនដែលកំពុងរង់ចាំគាត់នៅប៉ាតាយ៉ា ហើយនឹងបង់លុយពេលទៅដល់ទីតាំង។ ប៉ុន្តែពេលទៅដល់គោលដៅ ជនបរទេសនោះមានលុយតែ៩០០បាតប៉ុណ្ណោះ ។ ចំណែកឯស្ត្រីដែលអះអាងថាជាប្រពន្ធគាត់ ក៏មានលុយត្រឹមតែ៥០បាតដែរ។

ភ្លាមៗនោះ បុរសដែលជាបើកឡានតាក់ស៊ីបានព្យាយាមចរចារសុំប្រាក់ចំនួនជាង១ពាន់បាត ប៉ុន្តែបុរសបរទេសរូបនេះបានបន្តគេចដោយអះអាងថាគាត់គ្មានលុយទេ មុនពេលដកកញ្ឆាមួយថង់ធំមកដាក់ជូនជំនួសឲ្យលុយវិញ រូបគេបានបដិសេធ ហើយបានគំរាមថា នឹងរាយការណ៍ពីហេតុការណ៍នេះទៅប៉ូលិស។

ទោះបីជាយ៉ាងណាក៏ដោយ បុរសបរទេសរូបនេះក៏បានសម្ដែងការមិនពេញចិត្តដូចគ្នា មុននឹងគាត់ដើរទៅសណ្ឋាគារ ឈរធ្វើព្រងើយ ដោយមិនខ្វល់ពីថ្លៃឈ្នួលចំពោះឡានតាក់ស៊ីដែលខ្លួនជិះមកឡើយ៕

អត្ថបទ៖ សាង ស្រីល័ក្ខ

ចុចអាន៖តាមពិតបុរសវាយទាហាន កម្ពុជា គឺជាពួកជ្រុលនិយមក្នុងប្រទេសថៃ