កីឡា

គឿម សុវណ្ណឃីម មានបងប្អូនសរុប ១១នាក់ចំណែកអ្នកចាប់អាជីពប្រដាល់មាន ៦នាក់

បានផុស

១០ ខែ មុន

នៅ

ថ្ងៃអង្គារ ២៦ សីហា ២០២៥

ដោយ

កូនសិស្សលោក ផាត សូដា គឿម សុវណ្ណឃីម មានបងប្អូនរហូត ១១នាក់ និងបានហ្វឹកហាត់ប្រដាល់ចំនួន ៦នាក់ ប៉ុន្តែនៅក្លឹបផ្សេងគ្នានោះទេ ខណៈអ្នកមួយចំនួនក៏បានឈប់ពីវិស័យកីឡាមួយនេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុវណ្ណឃីម និងបងប្អូន

កីឡាករ គឿម សុវណ្ណឃីម បានឲ្យដឹងថា រូបគេមានបងប្អូនបង្កើតទាំងអស់ ១១នាក់ ក្នុងនោះអ្នកដែលហ្វឹកហាត់ចាប់អាជីពប្រដាល់នេះមាន ៦នាក់។ សុវណ្ណឃីម ម្នាក់ឯងប៉ុណ្ណោះដែលហ្វឹកហាត់នៅក្លឹបគុនខ្មែរស៊ុបពើហ្វៃ ជាមួយលោក ផាត សូដា។ ចំណែកបងៗផ្សេងទៀតនោះគឺហ្វឹកហាត់នៅក្លឹបប្រដាល់ឃ្លាំងមឿងកីឡា។

សុវណ្ណឃីម និងលោក ផាត សូដា

ក្នុងចំណោមបងប្អូនទាំង ៦នាក់ដែលហ្វឹកហាត់គុនខ្មែរកន្លងទៅនេះបានឈប់អស់ ៣នាក់ហើយគឺនៅសល់តែខ្លួន គឿម សុវណ្ណឃីម គឿម សុវណ្ណនឿត និង គឿម សុវណ្ណង៉ា។ វិស័យកីឡាប្រដាល់គុនខ្មែរនេះខ្លួនស្រឡាញ់តាំងពីតូចមកម្ល៉េះ និងមួយទៀតឃើញបងប្រុសឡើងប្រកួតផងនោះទើបជំរុញឲ្យចាប់អាជីពនេះមកដល់សព្វថ្ងៃ។

សុវណ្ណឃីម កាលប្រកួតនៅក្រៅប្រទេស

កូនសិស្សលោក ផាត សូដា រូបនេះបន្ថែមទៀតថា ដោយសារតែខ្លួនរៀនសូត្រមិនសូវចេះផង និងមិនដឹងថាត្រូវប្រកបមុខរបបអ្វីក្រោយរៀនចប់ផងនោះទើបសម្រេចចិត្តឈប់រៀនត្រឹមថ្នាក់ទី១២ នៅឯខេត្តបាត់ដំបង និងចូលហាត់ប្រដាល់តែម្ដងទៅ។

បញ្ជាក់ដែរថា គឿម សុវណ្ណឃីម ជាអ្នកប្រដាល់មិនសូវចេះនិយាយស្ដីច្រើន ប៉ុន្តែចាត់ចូលជាជើងខ្លាំងនៅកម្ពុជាមួយរូបផងដែរ។ ចូលចាប់អាជីពប្រដាល់ក្នុងឆ្នាំ២០២០ រហូតដល់ពេលនេះរូបគេឈ្នះខ្សែក្រវាត់មិនតិចជាង ៥គ្រឿងនោះទេ និងធ្លាប់ចេញទៅប្រកួតផ្សព្វផ្សាយគុនខ្មែរនៅ អេស្ប៉ាញ អូស្ត្រាលី ជប៉ុន ជាដើម៕