ព័ត៌មានជាតិ

ក្រសួងអប់រំ ចាប់ផ្ដើមដំណើរការស្រង់ បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុ ក្រោយដំណើរការកំណែបានបញ្ចប់

បានផុស

១០ ខែ មុន

នៅ

ថ្ងៃចន្ទ ៨ កញ្ញា ២០២៥

ដោយ

ក្រសួងអប់រំ យុវជន និងកីឡា បានចាប់ផ្ដើមដំណើរការស្រង់ បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុ ក្រោយដំណើរការកំណែសន្លឹកកិច្ចការបេក្ខជនត្រូវបានបញ្ចប់រួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍ថា ក្រសួងបានចាប់ផ្តើមដំណើរការ ស្រង់ បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុ ចាប់ពីថ្ងៃទី ៧ ដល់ថ្ងៃទី ១៨ ខែកញ្ញា ឆ្នាំ ២០២៥ និងដំណើរការបោះពុម្ពលទ្ធផលប្រឡង ប្រព្រឹត្តទៅនៅថ្ងៃទី ១៩ ខែកញ្ញា ឆ្នាំ ២០២៥ និងប្រកាសលទ្ធផលប្រឡងនៅថ្ងៃទី ២០ កញ្ញា ខាងមុខនេះ បន្ទាប់ពីដំណើរការកំណែសន្លឹកកិច្ចការបេក្ខជនដែលបានចាប់ផ្តើមពីថ្ងៃទី ៣១ សីហា រហូតដល់ថ្ងៃទី ៦ ខែកញ្ញា ឆ្នាំ ២០២៥ បានបញ្ចប់ដោយជោគជ័យតាមផែនការគ្រោងទុក។

គួរបញ្ជាក់ថា សម្រាប់ឆ្នាំ ២០២៥ នេះ មានបេក្ខជនចុះឈ្មោះប្រឡងបាក់ឌុបសរុប ១៤៦,៧២០ នាក់ ស្រី ៨១,៤៤២ នាក់ ក្នុងនោះ បេក្ខជនថ្នាក់វិទ្យាសាស្ត្រ ៤០,៦៧៨ នាក់ (ស្រី ២៤,៥១៩ នាក់) បេក្ខជនថ្នាក់វិទ្យាសាស្ត្រសង្គម ១០៦,០៤២ នាក់ (ស្រី ៥៦,៩២៣ នាក់)។ មណ្ឌលប្រឡងសរុប ២៤១ មណ្ឌល ត្រូវជា ៥,៩២៤ បន្ទប់ ក្នុងនោះ ថ្នាក់វិទ្យាសាស្ត្រ ៧២ មណ្ឌល ត្រូវជា ១,៦៥៥ បន្ទប់ និងថ្នាក់វិទ្យាសាស្ត្រសង្គម ១៦៩ មណ្ឌល ត្រូវជា ៤,២៦៩ បន្ទប់ និងគណៈមេប្រយោគទូទាំងប្រទេស និងគណៈកម្មការនានា នៅក្នុងដំណើរការសំណេរសរុប ៣១,២០៣ នាក់៕

អត្ថបទ ៖ សំអឿន