ផ្ទុះការតវ៉ាហិង្សាមុនការបោះឆ្នោតក្នុងប្រទេសហូឡង់

យោងតាមការចេញផ្សាយរបស់ទីភ្នាក់ងារព័ត៌មាន AP ការតវ៉ារបស់ក្រុមស្តាំនិយមនៅទីក្រុងឡាអេបានឈានដល់ការអំពើហិង្សាកាលពីថ្ងៃសៅរ៍ ខណៈដែលក្រុមបាតុករតវ៉ាលើគោលនយោបាយសិទ្ធិជ្រកកោនបានប៉ះទង្គិចជាមួយប៉ូលិសជាច្រើនសប្តាហ៍មុនការបោះឆ្នោតរបស់ប្រទេសហូឡង់នៅថ្ងៃទី ២៩ ខែតុលាខាងមុខ។

ក្រុម​បាតុករបាន​គប់​វត្ថុ​នានា ដុត​រថយន្ត​ប៉ូលិស និង​បំផ្លាញ​ការិយាល័យ​គណបក្ស​កណ្តាល D66 ដោយ​ជំរុញ​ឱ្យ​ប៉ូលិស​ប្រើ​ឧស្ម័ន​បង្ហូរ​ទឹក​ភ្នែក និង​កាណុង​បាញ់​ទឹកបំបែកហ្វូងបាតុករ។ ភាពចលាចលនេះបង្ហាញពីភាពតានតឹងផ្នែកនយោបាយដែលកំពុងកើនឡើងជុំវិញការធ្វើចំណាកស្រុក ដែលជាបញ្ហាសំខាន់នៃការបោះឆ្នោត បន្ទាប់ពីអ្នកនយោបាយប្រឆាំងឥស្លាមលោក Geert Wilders បានដកគណបក្សរបស់លោកចេញពីក្រុមចម្រុះដែលកំពុងកាន់អំណាច។ មេដឹកនាំហូឡង់បានថ្កោលទោសអំពើហិង្សានេះយ៉ាងខ្លាំង ដោយប្តេជ្ញាថានឹងមិនឲ្យពួកជ្រុលនិយមគំរាមកំហែងលទ្ធិប្រជាធិបតេយ្យហូឡង់ទេ។

គួរបញ្ជាក់ថាភាពចលាចលដែលជំរុញដោយការអំពាវនាវឱ្យមានគោលនយោបាយសិទ្ធិជ្រកកោនកាន់តែតឹងតែង បង្ហាញពីភាពតានតឹងផ្នែកនយោបាយដែលកំពុងកើនឡើង ខណៈប្រទេសនេះឆ្ពោះទៅរកការបោះឆ្នោតដ៏សំខាន់មួយ៕

អត្ថបទ៖ ប៊ុន សុភាព