មេធាវីថា ការយក Diddy ទៅដាក់គុក Brooklyn គឺជាអំពើ អមនុស្សធម៌បំផុត

បន្ទាប់ពីតុលាការកាត់ទោសឲ្យជាប់គុករយៈពេល ៤ ឆ្នាំកាលពីថ្ងៃសុក្រ លើបទចោទប្រកាន់ទាក់ទងនឹងពេស្យាចារ Sean “Diddy” Combs បានត្រលប់ទៅពន្ធនាគារ Brooklyn ជាកន្លែងដែលគាត់បានចំណាយពេលជាងមួយឆ្នាំក្នុងលក្ខខណ្ឌដែលមេធាវីហៅថាហិង្សា និងអមនុស្សធម៌បំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះរាជអាជ្ញានិយាយថា លក្ខខណ្ឌនៅមជ្ឈមណ្ឌលឃុំខ្លួន Metropolitan មានភាពប្រសើរឡើងនៅក្នុងពេលវេលាដែល Combs បានចំណាយពេលនៅទីនោះចាប់តាំងពីការចាប់ខ្លួន នៅថ្ងៃទី ១៦ ខែកញ្ញាឆ្នាំ ២០២៤។ ពួកគេលើកឡើងពីការកើនឡើងកម្រិតបុគ្គលិក ការជួសជុលបរិក្ខារ និងការកាត់បន្ថយចំនួននៃការចាក់សោរ។

យោងតាមមេធាវីរបស់តារាចម្រៀងហ៊ីបហ៊បវ័យ៥៥ ឆ្នាំ បាននិយាយទាំងខ្លោចចិត្តថា កូនក្ដីរបស់លោកដេកក្នុងចម្ងាយពីរជើងរបស់អ្នកទោសផ្សេងទៀត នៅក្នុងបន្ទប់តូចមានលក្ខណៈដូចជា dorm (បន្ទប់តូចៗនិងចង្អៀត) ។ ចំណែកឯ បន្ទប់​ទឹក​គ្មាន​ទ្វារ​ស្ថិត​ក្នុង​បន្ទប់​តែ​មួយ ។ ដូច្នេះ លោកសូមជំរុញជំរុញ​ឲ្យ​ចៅក្រម​ស្រុក​អាមេរិក Arun Subramanian ដាក់​ទោស​ជាងនេះបន្តិច។

មេធាវី​ការពារ​ក្តី​រូបនេះ បាន​សរសេរ​នៅ​ក្នុង​សំណុំ​រឿង​របស់​តុលាការ​កាល​ពី​ថ្ងៃ​ទី ២២ ខែ​កញ្ញា ទៀតថា លក្ខខណ្ឌរស់នៅនៅពន្ធនាគារ MDC នៅតែអមនុស្សធម៌។ លោក Diddy មិនបានដកដង្ហើមខ្យល់បរិសុទ្ធក្នុងរយៈពេលជិត១៣ ខែ ឬមានអារម្មណ៍ថា ខ្លួនឯងធ្លាប់ប៉ះពន្លឺព្រះអាទិត្យម្ដងណាឡើយ។

មិនតែប៉ុណ្ណោះ នៅក្នុងរយៈពេលប៉ុន្មានឆ្នាំចុងក្រោយនេះ ពន្ធនាគារ MDC ត្រូវបានញាំញីដោយការខ្វះខាតបុគ្គលិកជាបន្តបន្ទាប់ ការដាច់ចរន្តអគ្គិសនី និងអាហាររបស់អ្នកទោស។ ពីរសប្តាហ៍បន្ទាប់ពីការចាប់ខ្លួនតារាចម្រៀង ព្រះរាជអាជ្ញាបានប្រកាសពីការចោទប្រកាន់ព្រហ្មទណ្ឌប្រឆាំងនឹងអ្នកទោស MDC ប្រាំបួននាក់ សម្រាប់ឧក្រិដ្ឋកម្មរួមទាំងការវាយដំ ការប៉ុនប៉ងមនុស្សឃាត និងឃាតកម្មនៅឯកន្លែងនេះក្នុងប៉ុន្មានខែមុនពេល Diddy មកដល់៕

អត្ថបទ៖ សាង ស្រីល័ក្ខ

ចុចអាន៖Diddy យំសោកបោកខ្លួន ក្រោយពេលតុលាការកាត់ទោសជាប់គុក ៤ឆ្នាំ ២ខែ