សេចក្ដីជូនដំណឹង

ក្រសួងអប់រំ ផ្តល់កន្លែងស្នាក់នៅដល់និស្សិតនារី ១២០ នាក់ បន្តការសិក្សាថ្នាក់ឧត្តមសិក្សា

បានផុស

២ years មុន

នៅ

ថ្ងៃសុក្រ ៣ វិច្ឆិកា ២០២៣

ដោយ

ដើម្បីសម្រួលដល់ការស្នាក់នៅដល់សិស្សនិស្សិតនារី ដែលមិនមានលទ្ធភាពគ្រប់គ្រាន់ និងក្រីក្រ (អាហារូបករណ៍ និងបង់ថ្លៃសិក្សា) ក្រសួងអប់រំ យុវជន និងកីឡា បានសម្រេចជ្រើសរើសនិស្សិតស្រីចំនួន ១២០ នាក់ ដើម្បីឲ្យស្នាក់នៅក្នុងមជ្ឈមណ្ឌលអន្តេវាសិកនិស្សិតនារីសម្រាប់ឆ្នាំសិក្សា២០២៣-២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមការគិតគូររបស់បណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ ក្នុងការជួយសម្រួលដល់ជីវភាពសិស្ស-និស្សិតស្រី ដែលកំពុងមកបន្តការសិក្សានៅក្នុងរាជធានីភ្នំពេញ បានសម្រេចឲ្យក្រសួងអប់រំ យុវជន និងកីឡា ធ្វើការជ្រើសរើសនិស្សិតនារីក្រីក្រអាហារូបករណ៍ និងបង់ថ្លៃសិក្សា ដែលមកបន្តការសិក្សានៅតាមគ្រឹះស្ថានឧត្ដមសិក្សាសាធារណៈនៅរាជធានីភ្នំពេញ ឲ្យមកស្នាក់នៅជាបណ្ដោះអាសន្នក្នុងមជ្ឈមណ្ឌល អន្តេវាសិកនិស្សិតនារី សរុបចំនួន ១២០នាក់ ដើម្បីចូលរួមលើកកម្ពស់ស្ថានភាពសិក្សារបស់និស្សិតនារី នៅកម្រិតឧត្ដមសិក្សា។

ជាក់ស្ដែង សម្រាប់ការជ្រើសរើសនេះដែរ ចំពោះសិស្ស-និស្សិតស្រីទាំងអស់ត្រូវដាក់ស្នើរួចបញ្ជូនមកគណៈកម្មការរបស់ក្រសួងឱ្យបានមុនថ្ងៃទី២៥ ខែធ្នូ ឆ្នាំ២០២៣ ដើម្បីធ្វើការសម្រេចចុងក្រោយ៕