សេចក្ដីជូនដំណឹង

តោះចូលរួមសកម្មភាពដើម្បី អេស ឌី ជី

បានផុស

២ years មុន

នៅ

ថ្ងៃពុធ ១៥ វិច្ឆិកា ២០២៣

ដោយ

ភ្នំពេញ ៖ នៅថ្ងៃទី ១៧, ១៨ និង ១៩ ខែ វិច្ឆិកា ឆ្នាំ ២០២៣ ខាងមុខនេះ នៅផ្សារទំនើប អ៊ីអនម៉ល សែនសុខ ស៊ីធី (ជាន់ផ្ទាល់ដី Central Court and Carpet Area)បានរៀបចំកម្មវិធី “ តោះចូលរួមសកម្មភាពដើម្បី អេស ឌី ជី ( Together Action for SDGs) “ ដែរធ្វើឡើង ចាប់ពីម៉ោង ៩ព្រឹក ដល់ម៉ោង ៩យប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហើយកម្មវិធីនេះដែរ មានការរៀបចំដោយក្រុមហ៊ុន អ៊ីអនម៉ល ខេមបូឌា ខូអិលធីឌី និងសហការជាមួយ អង្គការសហប្រជាជាតិប្រចាំនៅកម្ពុជាផងដែរ។ លើសពីនេះទៅទៀត មានការអញ្ជើញចូលរួម ពីថ្នាក់ដឹកនាំជាច្រើនមកពីក្រសួង ក្រុមហ៊ុនឯកជន សាស្ត្រាចារ្យ និងអង្គការ ដើម្បីពិភាក្សាលើប្រធានបទទាំង៥ ដែលមានដូចជា៖

-បរិស្ថាន

-បញ្ហាសុវត្ថិភាពចំណីអាហារ

-បញ្ហាស្ទះចរាចរណ៍

-ការពង្រឹងអំណាចស្ត្រី

បន្ថែមពីលើនេះទៀត កម្មវិធី អេស ឌី ជី ក៏មានការសម្តែងរបាំពីសាកលវិទ្យាល័យភូមិន្ទវិចិត្រសិល្បៈរយៈពេល ៣ថ្ងៃ។

ព្រមទាំងការប្រគំតន្ត្រី ពីក្រុមចម្រៀង នារីជប៉ុន BATTEN GIRLS ជាពិសេស ក៏មានវត្តមានតារាចម្រៀងវ័យក្មេងប្រចាំប្រទេសកម្ពុជាទាំង៣រូប ដូចជា កញ្ញា Mina លោក ម៉ម ពេជ្ជរិទ្ធ និងលោក ទេព ពិសិដ្ឋ ដែលនឹងធ្វើឲ្យកម្មវិធីរឹតតែអស្ចារ្យ និងពិសេសតែម្ដង។

មិនតែប៉ុណ្ណោះ អ្វីដែលគួរឲ្យចាប់អារម្មណ៍បន្ថែមទៅទៀតនោះ ក្នុងកម្មវិធី អេស ឌី ជី នេះ ក៏នឹងមានការលេងហ្គេម និងចែករង្វាន់ជាច្រើន នៅក្នុងថ្ងៃព្រឹត្តិការណ៍នេះដោយផ្ទាល់ទាំង៣ថ្ងៃផងដែរ។ ហើយនៅថ្ងៃនោះដែរក៏ត្រូវនឹងថ្ងៃ Black Friday ដែលនឹងមានការបញ្ចុះតម្លៃរហូតដល់ 70% ហើយថែមទាំងផ្តល់ជូនកាដូឥតគិតថ្លៃថែមទៀតផង៕

តោះចូលរួមសកម្មភាពដើម្បី អេស ឌី ជី ទាំអស់គ្នា !!!! កុំភ្លេចណា!!!