Connect with us

វប្បធម៌ ជំនឿ

ធូបមិនមែនចេះតែអុជតាមនឹកឃើញឡើយ សរសៃនីមួយៗបញ្ជាក់អត្ថន័យនិងតំណាងឲ្យការគោរពបូជាផ្សេងគ្នា

បានផុស

នៅ

ការអុជធូបមិនមែនធ្វើឡើងតាមចិត្តឯងចង់ឡើយ! ពុទ្ធសាសនិកខ្មែរតែងគោរពនិងឲ្យតម្លៃនៃការ គោរពបូជា ហើយយកធូបតំណាងជាការថ្វាយបង្គំដល់ព្រះពុទ្ធ ព្រះធម៌ ព្រះសង្ឃ ឬ​​មាតាបិតា និង​​គុណ​គ្រូ​បាធ្យាយ​របស់​គេ​រៀងៗ​ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​នាម​ជា​ប្រជាជន​ខ្មែរ ដែល​តែងតែ​គោរព​ព្រះពុទ្ធសាសនា​តាំង​ពី​យូរ​លង់​នោះ​ ត្រូវ​ស្វែងយល់​និង​ដឹង​ពី​ទំនៀមទម្លាប់​របស់​ដូនតាយើង​ផង​ដែរ។

ធូប ១ សរសៃ​តំណាង​ឲ្យ​ការ​គោរពបូជា​វិញ្ញាណ​ខ្មោច​ក្នុង​ផ្ទះ។

ធូប ២ សរសៃ តំណាងឲ្យគុណមាតាបិតា។

ធូប ៣ សសៃ ជាការបូជាព្រះរតនត្រ័យ​ ដែលមានព្រះពុទ្ធ ព្រះធម៌ ព្រះសង្ឃ ឬមាតាបិតា និងគុណគ្រូ។

ធូប ៤ សរសៃ តំណាងឲ្យធាតុទាំង៤ (ទឹក ដី ភ្លើង ខ្យល់)។

ធូប ៥ សសៃ គឺបូជាព្រះទាំង ៥អង្គ គឺព្រះកុក្កុសន្ធោ (មាន់) ព្រះកោនាគមនោ (នាគ) ព្រះកស្សបោ (អណ្ដើក) ព្រះសមណគោត្តម (គោ) និងព្រះសិអារ្យមេត្រី (ខ្លា)។

ធូប ៧ សសៃ​ គឺបូជាញាតិ​ទាំងប្រាំពីរសន្តាន មាន ថ្នាក់លើខ្លួនបីជាន់គឺ ឪពុកម្ដាយ ជីដូនជីតា យាយ​ទួតតាទួត និងថ្នាក់ក្រោមយើងបីជាន់គឺ កូន ចៅ ចៅទួត និង​បូករួម​ទាំង​ខ្លួន​យើង​ទាំងអស់​គឺ​ប្រាំពីរ​សន្តាន។

ធូប ៩ សសៃ គឺបូជាទេវតា ដែលថែរក្សាទិសទាំងប្រាំបួន គឺ ទិសបូព៌ ទិសអាគ្នេយ៍ ទិសទក្សិណ ទិសនិរតី ទិសបស្ចិម ទិសពាយ័ព្យ ទិសឧត្ដរ ទិសឦសាន និងទិសខាងលើ។

​ធូប ១១ សរសៃ តំណាង​ឲ្យ​មេត្តាធម៌​ទាំង ១១។

ធូប ១៩ សរសៃ គឺ​សម្រាប់ពិធី​ហៅព្រលឹង (មនុស្សមានព្រលឹង ១៩ រួមទាំងព្រលឹងធំ និង​ព្រលឹង​តូច)។

ធូប ៣៣ សរសៃ គឺ​បូជា​គុណ​ឪពុកម្ដាយ៕

ប្រែសម្រួល៖ សាង ស្រីល័ក្ខ

ប្រភព៖thairath

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

នគរបាល​ស្រុក​សូទ្រនិគម ឃាត់ខ្លួន​ជនសង្ស័យ​៣​នាក់​ ករណី​លួច​ទ្រព្យសម្បត្តិ​នៅ​តូប​លក់​អេតចាយ​មួយកន្លែង

កីឡា៨ ម៉ោង មុន

ភ្នំពេញក្រោន ឈ្នះជើងឯកខេមបូឌានលីគ​ខាប់ និង​ជា​ក្លិប​ដំបូង​គេ​ឈ្នះ​ពាន​រង្វាន់​បាល់​ទាត់​កម្ពុជា ៣ផ្សេងគ្នា

នយោបាយ៨ ម៉ោង មុន

គ​.​ជ​.​ប សម្រេច​អនុញ្ញាត​ជូន​ភ្ញៀវ​ពិសេស​សម្រាប់​ពិនិត្យមើល​ការបោះឆ្នោត ​ជ្រើសរើស​ក្រុមប្រឹក្សាឃុំ សង្កាត់

ព័ត៌មានអន្ដរជាតិ១០ ម៉ោង មុន

ទៅយកអំណោយ បែរជារត់ជាន់គ្នាស្លាប់ ជាង៣០នាក់ នៅ នីហ្សេរីយ៉ា

ព័ត៌មានអន្ដរជាតិ១១ ម៉ោង មុន

សត្វស្វានៅក្នុងប្រទេសថៃ ចាប់ផ្តើមអត់ចំណី ព្រោះជំងឺអុតស្វា

Sokha Hotels

ព័ត៌មានពេញនិយម