វប្បធម៌ ជំនឿ

វិធីចែកទានឲ្យអ្នកដទៃ បានកុសលទាំងអ្នកផ្ដល់ និងអ្នកទទួល

បានផុស

៥ years មុន

នៅ

ថ្ងៃព្រហស្បតិ៍ ២៨ តុលា ២០២១

ដោយ

ការឲ្យទានគឺជាការចែករំលែក ធ្វើសេចក្ដីសប្បុរស និងការលះបង់អ្វីៗដោយចិត្តបរិសុទ្ធ។ ថ្ងៃនេះ គ្រូ ណុប នឹងលើកឡើងអំពីធាតុ ៣ យ៉ាង ក្នុងការធ្វើបុណ្យជាមួយព្រះសង្ឃ ឬធ្វើទានចំពោះអ្នកខ្សត់ខ្សោយដែលពុំមានដូចយើង ដើម្បីបានផលច្រើន និងចម្រើនដល់ញាតិដែលបានចែកឋានទៅកាន់បរលោកទៅនោះ ។

ជាពិសេស បុណ្យដែលយើងធ្វើ គឺបានទាំងអ្នកផ្ដល់ និងអ្នកទទួលស្មើៗគ្នាដែលមានន័យថា កុសលខែភ្លឺ។

១ សម្ភារៈដែលបានផ្តល់ឲ្យត្រូវតែបរិសុទ្ធ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយគឺជាការលះបង់របស់អ្វីមួយ។ មិនថាទ្រព្យសម្បត្តិ ជាអាហារ ឬសម្ភារៈ ដែលវត្ថុនោះត្រូវតែបរិសុទ្ធ ហើយក៏ជាវត្ថុដែលបានមកពីការស្វែងរកដោយខ្លួនឯង។ អំណោយឬរបស់ដែលអ្នកផ្ដល់ឲ្យគេ ជាទាន ជារបស់បរិសុទ្ធ មិនមែនទៅរំលោភយករបស់អ្នកដទៃកេងបន្លំ ពុករលួយ ឆបោក លួច ប្លន់ ពោលគឺល្មើសច្បាប់ហើយ។ បើទោះបីជាយករបស់អ្នកផ្សេងមកជាទ្រពខ្លួន ក៏កុសលនោះមិនបានពេញលេញ ឬមិនបាននុណ្យដូចគ្នា។

២ បំណងនៃការបង្កើតទានត្រូវតែបរិសុទ្ធ

មុនពេលផ្ដល់ ឬឲ្យទានដល់អ្នកណា អ្នកត្រូវមានចិត្តត្រេកអរនិងបរិសុទ្ធពីខាងក្នុងចិត្តសិន។ ពោលគឺចេតនាបរិសុទ្ធ នៃការឲ្យទានគឺនៅក្នុងចិត្ត។ ការឲ្យទានមិនបរិសុទ្ធ គឺដូចជាមិនបានធ្វើបុណ្យដូច្នោះដែរ។

៣ កុសលរបស់អ្នកទទួលក៏ត្រូវតែបរិសុទ្ធដែរ

គឺការឲ្យទានដល់អ្នកដែលមានបុណ្យបរិសុទ្ធ អ្នកក៏ទទួលបានកុសលផលបុណ្យនោះ បានដោយបរិសុទ្ធដូចគ្នា។ នេះក៏មិនខុសអីពីបើយើងរាប់អានគេស្មោះត្រង់ គេនោះក៏រាប់អានយើងដោយភាពស្មោះត្រង់ដូចគ្នា។

ដោយឡែក ប្រសិនបើអ្នកទទួលជាមនុស្សអាក្រក់ នោះរបស់ដែលយើងឲ្យគេក៏មិនបង្កើតផលដែរ។

សូមឲ្យកុសលផលបុណ្យដែលអ្នកធ្វើ បានដល់ខ្លួនឯង និងញាតិផងទាំងពួង ជាពិសេសដូនតាដែលបានចែកឋានទៅកាន់បរលោកខាងមុខនោះ៕

គ្រូ ណុប

ចុចអាន៖បុណ្យយើងអាចធ្វើទៅបានដោយវិធីនេះ ខណៈវត្តអារាមមិនប្រារព្ធពិធីបុណ្យភ្ជុំបិណ្ឌក៏ដោយ

ចុចអាន៖រដូវបុណ្យទាន កុំរវល់ខ្វាយខ្វល់ជាមួយរឿងឥតបានការ រហូតភ្លេចព្រះកន្លោងចាំនៅឯផ្ទះ

Related Topics:ការធ្វើទាន