វប្បធម៌ ជំនឿ
ជំនឿផ្លូវងងឹត ៥យ៉ាង គេហាមប្រាមមិនឱ្យធ្វើនៅថ្ងៃអង្គារ
តាំងពីបុរាណកាលមកជំនឿពាក់ព័ន្ធជាមួយនឹងថ្ងៃអង្គារ នៅតែមានមនុស្សជឿតាម និងប្រណិប័តមកតៗគ្នា ទោះបីជាវិទ្យាសាស្ត្រជឿនលឿនយ៉ាងណាក្ដី។ ថ្ងៃអង្គារ ត្រូវបានមនុស្សជំនាន់មុន ប្រកាន់ត្រណមមួយចំនួន ព្រោះតែជឿជាក់ថា បើល្មើសកាលណា នោះអាចនាំរឿងក្ដៅក្រហាយដល់ជីវិតភ្លាមៗ។
កន្លងមក យើងតែងតែបានឮជារឿយៗថា ថ្ងៃអង្គារ ជាថ្ងៃរឹង និងអពមង្គលជាងថ្ងៃណាៗទាំងអស់ ដែលក្នុងនោះចាស់ៗតែងហាមប្រាមកូនចៅមិនឱ្យធ្វើរឿងមួយចំនួនដូចជា៖
១. កុំប្រើរបស់ថ្មី ឬស្លៀកពាក់សម្លៀកបំពាក់ថ្មី នៅថ្ងៃអង្គារ ព្រោះនឹងមានជម្លោះពាក្យសម្តីជាមួយសង្សា។
២. មិនត្រូវកាត់សក់នៅថ្ងៃអង្គារនោះទេ ព្រោះនឹងមានតែរឿងទុក្ខព្រួយ និងរឿងទឹកភ្នែក។
៣. ហាមទិញកន្សែងដៃ ឬវត្ថុណាស្រដៀងនឹងវត្ថុជូតទឹកភ្នែកជូនបុគ្គលកើតនៅថ្ងៃអង្គារ៍ ព្រោះរបស់ទាំងនោះតំណាងឲ្យអារម្មណ៍ឈឺចាប់គ្រប់ពេលសម្រាប់អ្នកទទួល។
៤. បុគ្គលណាកើតថ្ងៃអង្គារ៍ មិនត្រូវប្រើលេខទូរសព្ទដែលមានលេខ ២ ឬផលបូកស្មើ ២ នោះទេ ព្រោះលេខនេះ ជាលេខឆុង ពុំផ្ដល់នូវភាពរីកចម្រើន។
៥. មិនគួរបូជាសពនៅថ្ងៃអង្គារទេ ព្រោះគេជឿថា ព្រលឹងអ្នកស្លាប់នៅតែវិលវល់ក្នុងឋានមនុស្សលោក ហើយវាក៏ជាថ្ងៃនាំគ្រោះ ឬជំងឺតម្កាត់ដល់សាច់ញាតិ និងអ្នកដែលចូលរួមហែរសព។
យ៉ាងណាមិញ បើយោងតាមសៀវភៅក្បួនតម្រាសាស្ត្រ មនុស្សកើតថ្ងៃអង្គារ ជាមនុស្សមានជោគវាសនាល្អ ចេះអភិវឌ្ឍខ្លួនឱ្យប្រពៃជានិច្ច និងអាចសាងទ្រព្យដោយដៃឯង ព្រមទាំងអាចជាទីពឹងពំនាក់នៃអ្នកដទៃបានផងដែរ។
ចំពោះអ្នកចង់ទិញម៉ូតូថ្មី ឬរថយន្តថ្មី នៅថ្ងៃអង្គារ តាមជំនឿជនជាតិចិន ជឿថា លាភសក្ការៈនឹងកើនច្រើនជានិច្ច ហើយក៏រក្សាទ្រព្យសម្បត្ដិគង់វង្សបានល្អ។ វាក៏ជាថ្ងៃដែលសម្បូរអ្នកផងរាប់រក គ្រាន់តែពឹងពាក់គេវិញពិបាកបន្តិច។
មួយវិញទៀតត្បិតតែពណ៌សម្លៀកបំពាក់ប្រពៃណីខ្មែរសម្រាប់ថ្ងៃទាំង៧ ដែលថ្ងៃអង្គារត្រូវជាមួយនឹងពណ៌ស្វាយក៏ពិតមែន ប៉ុន្តែចំពោះបុគ្គលដែលមានកំណើតចំថ្ងៃនេះ ត្រូវប្រើពណ៌ក្រហម និងពណ៌ក្រហមជាំ ទើបជាពណ៌ត្រូវធាតុសំណាងខ្លាំង ឬមានហុងស៊ុយខ្ពស់៕
អត្ថបទ៖ សន្យា
ចុចអាន៖ ត្រណម ៣យ៉ាង គេចៀសធ្វើនៅថ្ងៃពុធ ព្រោះអាចនាំគ្រោះថ្នាក់ ឬស៊យដល់ជីវិត
ចុចអាន៖ ធាតុ ឈើ ភ្លើង ដី មាស និង ទឹក គួរធ្វើដូច្នេះ សម្រាប់ឆ្នាំ ២០២២ ដើម្បីនាំសិរីសួស្ដីដល់ជីវិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង